Para os efectos de dar cumprimento ao solicitado polo presidente da Sección Segunda da Sala do Contencioso-Administrativo do Tribunal Superior de Xustiza de Galicia, en relación cos recursos contencioso-administrativos nº 5179/2003, interposto por Luis Sanmamed Sanmamed e nº 5379/2003 interposto por José Fernández Iglesias, ambos os dous contra a orde da Consellería de Política Territorial, Obras Públicas e Vivenda do 29 de abril de 2003, pola que se outorga a aprobación definitiva ao Plan Xeral de Ordenación Municipal do Concello de Ourense; esta secretaría resolveu ordenar a remisión do correspondente expediente ao Tribunal Superior de Xustiza de Galicia.
O que se notifica para xeral coñecemento de todas as persoas interesadas no procedemento, emprazándoas para que poidan comparecer como demandados nos autos no prazo de nove días, de acordo co disposto no artigo 49.1º da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 7 de decembro 2004.
José Antonio Fernández Vázquez
Secretario xeral da Consellería de Política
Territorial, Obras Públicas e Vivenda