A Xunta de Goberno Local do Concello de Sanxenxo, en sesión celebrada o 16 de setembro de 2004, acordou aprobar definitivamente o Plan parcial de ordenación do S.U. nº 28 en Bouzón-Nantes presentado pola mercantil Gestión Urbanística Gallega, S.L. de conformidade cos planos redactados polo arquitecto José-Antonio González Marquina e con visado colexial do 3 de novembro de 2003 modificados polos planos I-02, I-03, I-04, I-05, I-07, P-01, P-02, P-03 e P-06 a P-13 inclusive con visado colexial do 30 de agosto de 2004.

Publícase o presente acordo no Diario Oficial de Galicia e o documento que conteña a normativa e as ordenanzas, no BOP. Así mesmo, o 1 de decembro de 2004 remitíuselle á Consellería de Política Territorial, Obras Públicas e Vivenda, unha copia autenticada do expediente administrativo de dous exemplares do instrumento aprobado definitivamente con todos os planos e documentos que a integran.

Contra este acordo que pon fin á vía administrativa, poderase interpoñer recurso contencioso-administrativo no prazo de dous meses contados desde o día seguinte ao da publicación deste anuncio perante o Tribunal Superior de Xustiza de Galicia, sen prexuízo de calquera outro recurso ou acción que coiden oportunos.

De conformidade co artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común por medio do presente anuncio, notifícase o acordo que nel se contén a todos os propietarios que sexan descoñecidos, se ignore o lugar da notificación ou ben intentada esta non se puidese practicar.

Sanxenxo, 2 de decembro de 2004.

Telmo Martín González

Presidente