En sesión que tivo lugar o 25 de novembro de 2004 o tribunal IV-D designado por Orde do 20 de agosto de 2004, pola que se nomean os membros do tribunal que deberán cualificar o proceso selec
tivo para o acceso á categoría 003 do grupo IV do persoal laboral fixo da Xunta de Galicia, convocado por orde da Consellería da Presidencia, Relacións Institucionais e Administración Pública do 19 de decembro de 2003 (DOG número 252, do 30 de decembro) e de conformidade co disposto na dita orde da convocatoria,
ACORDOU:
Primeiro.-Vistos todos e cada un dos escritos de impugnación e reclamación presentados por dife
rentes aspirantes a diversas preguntas do segundo exercicio celebrado o 12 de novembro de 2004 na Aula A da Facultade de CC. Económicas e Empresariais de Santiago, decidiuse:
Desestimar as reclamacións presentadas a diferentes preguntas do cuestionario obxecto de exame.
Segundo.-Facer públicas as puntuacións obtidas polos aspirantes presentados ao segundo exercicio da fase de oposición na categoría 003 (auxiliar de enfermaría e outros) do grupo IV de persoal laboral fixo nas quendas de promoción interna e acceso libre, que se atopan expostas na Consellería da Presidencia, RR.II. e A. Pública, e nas súas delegacións provinciais, así como na páxina web www.xunta.es.
Terceiro.-De conformidade co disposto na base II.2.1 b) das convocatorias de acceso libre e promoción interna, superaron o segundo exercicio os aspirantes que obtiveron unha puntuación mínima de 5 puntos na proba, fixándose en vinte e cinco (25) o número de respostas correctas para acadar a dita puntuación.
Cuarto.-Os aspirantes poderán presentar as alegacións que consideren oportunas en relación á puntuación acadada no prazo de dez (10) días contados desde o seguinte á publicación desta resolución no Diario Oficial de Galicia.
Quinto.-De acordo coa base II.1.6 da orde de convocatoria os aspirantes disporán dun prazo de 20 días naturais para presentar a documentación relativa á fase de concurso igual que a titulación exixida no anexo I da citada orde de convocatoria.
Santiago de Compostela, 25 de novembro de 2004.
Yolanda Lesmes Romero
Presidenta do tribunal IV-D
CONSELLERÍA DE POLÍTICA AGROALIMENTARIA E
DESENVOLVEMENTO RURAL