O Decreto 22/2003, do 20 de xaneiro, determina os centros directivos dependentes da Presidencia da Xunta de Galicia, e o Decreto 23/2003, do 20 de xaneiro, fixa a estrutura orgánica dos departamentos da Xunta de Galicia, modificado polo decreto da Presidencia 280/2003, do 17 de xuño. Esta normativa establece unha distribución de competencias distinta á existente ata ese momento, que obriga á reclasificación de determinadas fundacións e á conseguinte modificación na súa adscrición para efectos do exercicio das funcións de protectorado.

Na súa virtude, e logo de acordo da Comisión de Secretarios Xerais, na súa reunión de data vinte e tres de novembro de dous mil catro,

DISPOÑO:

Artigo único.-As fundacións relacionadas no anexo desta orde, clasificadas inicialmente como mixtas e adscritas ao protectorado da Consellería da Presidencia, Relacións Institucionais e Administración Pública, clasifícanse como de interese para o desenvolvemento rural e ordénase a súa adscrición ao protectorado da Consellería de Política Agroalimentaria e Desenvolvemento Rural, por desenvolveren todas elas un obxecto fundacional incluído nas competencias atribuídas á dita consellería.

Disposicións derradeiras

Primeira.-Facúltase a Secretaría Xeral da Consellería da Presidencia, Relacións Institucionais e Administración Pública para que instrumente o disposto nesta orde.

Segunda.-Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 24 de novembro de 2004.

Jaime Pita Varela

Conselleiro da Presidencia, Relacións

Institucionais e Administración Pública

ANEXO