DOG 225 do 18/11/2004 - ORDE de 9 de novembro de 2004 pola que se amplía o prazo de xustificación dos investimentos correspondentes á anualidade 2004 previsto na Orde do 30 de setembro de 2004 de accións sectoriais de promoción da calidade na comercialización de produtos silvícolas.

III. OUTRAS DISPOSICIÓNS

CONSELLERÍA DE MEDIO AMBIENTE

ORDE de 9 de novembro de 2004 pola que se amplía o prazo de xustificación dos investimentos correspondentes á anualidade 2004 previsto na Orde do 30 de setembro de 2004 de accións sectoriais de promoción da calidade na comercialización de produtos silvícolas.

A Orde do 30 de setembro de 2004 de accións sectoriais de promoción da calidade na comercialización de produtos silvícolas foi publicada o 7 de outubro de 2004, establecéndose no artigo 3 un prazo de presentación de solicitudes de 40 días naturais que finaliza o día 16 de novembro.

No artigo 7 establécese o prazo de xustificación da anualidade 2004 o 20 de novembro de 2004.

Dado o tempo insuficiente para o estudo das solicitudes e a tramitación das resolucións das axudas.

DISPOÑO:

Artículo único.-Amplíase o prazo de xustificación da anualidade 2004, previsto no artigo 7, punto 1º, ata o 11 de decembro de 2004.

Disposición derradeira

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 9 de novembro de 2004.

José Manuel Barreiro Fernández

Conselleiro de Medio Ambiente