Dentro dos programas de actividades que a Academia Galega de Seguridade ten previsto realizar no ano 2004, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a realización dun curso sobre protección de personalidades e escoltas, segundo o previsto no artigo 23 da Lei 3/1992, do 23 de marzo, de coordinación das policías locais, que deberá desenvolverse conforme as seguintes bases:

* Obxectivos.

-Coñecer as técnicas operativas básicas para garantir a seguridade de persoas e edificios.

-Saber actuar nos casos de emerxencia, utilizando os medios de que dispoña nese momento.

-Actualizarse nas habilidades individuais necesarias para o desempeño de cometidos de protección: tiro, condución e autoprotección.

* Destinatarios.

O curso vai dirixido preferentemente aos membros da Unidade do CNP adscrita á Comunidade Autónoma de Galicia e, as prazas non ocupadas por estes ofertaranse aos membros dos corpos de policía local de Galicia.

* Inscrición.

A inscrición dos participantes será totalmente gratuíta.

* Prazas: 30.

* Solicitudes.

1. O persoal que desexe participar neste curso deberá presentar, cuberta á máquina ou con letra moi clara, a instancia que figura no anexo.

2. O prazo para a presentación de instancias rematará o día 23 de novembro de 2004, ás 14.00 horas.

3. As instancias deberán enviarse á Academia Galega de Seguridade; avenida da Cultura, s/n, 36680 A Estrada; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

* Selección de asistentes.

Os participantes da Unidade do CNP adscrita á Comunidade Autónoma de Galicia serán seleccionados pola xefatura da dita unidade.

En canto aos membros dos corpos de policía local, terase en conta ademais do concello de pertenza e a posible dedicación profesional á que fai refe

rencia o contido do curso, a selección ou nomeamento previo por parte da xefatura do corpo.

* Datas.

O curso desenvolverase en datas do 29 de novembro ao 3 de decembro de 2004.

O horario será de 9.00 a 14.00 horas, haberá tamén un día pola tarde de 15.30 a 20.30 h para o módulo III, sendo o día 30 martes para os membros da UA e o día 2 xoves para os membros dos corpos de policía local.

* Contido.

-Módulo I: técnicas de protección e seguridade.

-Módulo II: técnicas de conducción de seguridade.

-Módulo III: técnicas de tiro en protección de persoas.

* Relación de admitidos.

A relación de admitidos publicarase o mesmo día 25 de novembro a partir das 14.00 horas, no taboleiro de anuncios da Academia Galega de Seguridade,

ou ben poden confirmar a súa asistencia chamando ao teléfono 986 59 00 21.

* Lugar.

Sede da Academia Galega de Seguridade, sita na avda. da Cultura, s/n, no concello da Estrada.

* Certificado de aproveitamento.

Ao remate do curso entregaráselle un certificado de aproveitamento a aquelas persoas que acrediten a súa participación continuada a el e superen as correspondentes probas.

* Modificacións.

A Academia Galega de Seguridade poderá modificar o desenvolvemento normal do curso para adaptalo ás necesidades da Administración e ás continxencias que poidan xurdir.

A Estrada, 27 de outubro de 2004.

Juan José Fariñas-Ferro Rodríguez

Director xeral da Academia Galega de Seguridade