Unha vez rematado o prazo de reclamacións ás listas provisionais de admitidos e excluídos nas categorías de facultativos e técnicos superiores, a Fundación Pública Hospital da Barbanza anuncia a publicación das listas definitivas de admitidos nestas categorías para o proceso selectivo publicado no DOG do 23 de xullo de 2004, que se poderán consultar no taboleiro de anuncios da fundación e na páxina web do Sergas (www.sergas.es).

Así mesmo, anúnciase a inclusión dunha nova aspirante nas listas definitivas de admitidos na categoría de auxiliar de enfermaría para o proceso publicado no DOG do 12 de maio de 2004, podéndose consultar a lista modificada nos mesmos lugares que as anteriores.

Ribeira, 25 de outubro de 2004.

Salustiano González Vinagre

Director da Fundación Pública Hospital da

Barbanza