A Xunta de Goberno local, en sesión que tivo lugar o día 1-10-2004, aprobou inicialmente o estudo de detalle formulado para a segregación da parcela 151004 (rúa Miño, 19) do Plan Especial de Protección, Rehabilitación e Reforma Interior (PEPRI), dunha porción incluída na denominada U.I.8, unidade de intervención da rúa Falcón, promovido por Xestión Urbanística de Lugo, S.A.

Conforme o previsto nas disposicións vixentes, sométese a información pública polo prazo de vinte días, durante o cal poderá ser examinado no Servizo de Urbanismo deste concello (Ronda da Muralla, nº 197), e presentarse as reclamacións ou suxestións que se desexen.

Lugo, 15 de outubro de 2004.

P.D. (Decreto alcaldía 56/2003)

José Ramón Gómez Besteiro

Tenente-alcalde delegado de área