O artigo 28 do vixente Estatuto de autonomía de Galicia establece no seu punto 2º a competencia da Comunidade Autónoma de Galicia para o desenvolvemento lexislativo e execución da lexislación do Estado en materia de expropiación forzosa.

Con data do 15 de xullo de 2004, o presidente da Empresa Pública de Obras e Servizos Hidráulicos aprobou o expediente de información pública e, definitivamente, o proxecto de acondicionamento de marxes en Rodeiro. Acondicionamento do río Rodeiro ao seu paso pola vila. 1ª Fase. Rodeiro (Pontevedra), de clave OH.436.471/ex. Esta actuación está cofinanciada polo Fondo Europeo de Desenvolvemento Rexional da Unión Europea nun setenta e cinco por cento.

A Xunta de Galicia, por Decreto 239/2004, do 23 de setembro, procedeu a declarar, en concreto, a utilidade pública e a dispoñer a urxente ocupación, para efectos de expropiación forzosa, dos bens e dereitos afectados polas obras do proxecto. O devandito decreto publicouse no DOG nº 195, do 6 de outubro de 2004.

Na súa virtude, e en cumprimento do disposto no artigo 52 da vixente Lei de expropiación forzosa, do 16 de decembro de 1954, e no artigo 56 e seguintes do seu regulamento, esta Presidencia resolve convocar os titulares dos bens e dereitos afectados, para que comparezan no lugar, data e hora que se sinalan de seguido, para proceder ao levantamento das actas previas á ocupación, nas que se recollerán os bens e dereitos afectados e os prexuízos da urxente ocupación, trasladándose ao lugar dos predios de consideralo necesario.

Lugar: Casa do Concello de Rodeiro. Rodeiro (Pontevedra).

Día: 22 de novembro de 2004.

Hora: 10.00-14.30 h.

A relación dos titulares cos bens e dereitos afectados, así como os planos parcelarios correspondentes, estarán expostos no Concello de Rodeiro e na Empresa Pública de Obras e Servizos Hidráulicos (rúa Doutor Maceira, 18 baixo. 15706 Santiago de Compostela, A Coruña). Ao referido acto, deberán acudir os titulares afectados, persoalmente ou representados pola persoa debidamente autorizada para actuar no seu nome, achegando a documentación acreditativa da súa titularidade, documento nacional de identidade e derradeiro recibo da contribución,

podendo ser acompañados, pola súa conta, e se o consideran oportuno, dos seus peritos e notario.

Ademais dos medios antes citados, darase conta do sinalamento aos interesados, mediante citación individual e a través da inserción do correspondente anuncio no Boletín Oficial del Estado, no BOP de Pontevedra, nun periódico da localidade e en dous diarios da capital da provincia.

Esta publicación, a teor do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, servirá como notificación aos titulares de bens e dereitos afectados que sexan descoñecidos ou se ignore o lugar de notificación.

Así mesmo, e en cumprimento do establecido no artigo 56 da Lei de expropiación forzosa, ábrese información pública durante un prazo de 15 días hábiles, contados a partir do seguinte ao da publicación desta resolución no Boletín Oficial del Estado, ou ata o momento do levantamento das actas previas á ocupación, co fin de que os interesados poidan formular por escrito, ante a Empresa Pública de Obras e Servizos Hidráulicos, as alegacións que coiden oportunas co obxecto de corrixir posibles erros na relación de bens e dereitos afectados pola urxente ocupación.

Santiago de Compostela, 11 de outubro de 2004.

Emilio García Gallego

Presidente da Empresa Pública de Obras e Servizos Hidráulicos