Aprobado o expediente de contratación que a seguir se identifica, mediante Resolución do 22 de outubro de 2004, procédese agora a efectuar o anuncio de licitación deste.
Esta resolución constitúe acto de trámite para os efectos do parágrafo segundo do artigo 107 da Lei 30/1992, do 26 de novembro, modificada pola Lei 4/1999, do 13 de xaneiro.
1. Entidade adxudicadora.
a) Organismo: Consellería de Familia, Xuventude, Deporte e Voluntariado.
b) Dependencia que tramita o expediente: Dirección Xeral para o Deporte.
c) Número de expediente: 32/2004.
2. Obxecto do contrato.
a) Descrición do obxecto: ampliación e acondicionamento de marxes no encoro de Pontillón de Castro, Verducido (Pontevedra).
b) Lugar de execución: Verducido, Pontevedra.
c) Prazo de execución: oito (8) meses.
3. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma: concurso público.
4. Orzamento base de licitación.
Importe total: catro millóns cento corenta e tres mil oitocentos noventa e sete euros con corenta e un céntimos, IVE incluído (4.143.897,41 A).
5. Garantías.
a) Garantía provisoria: non se exixe, ao abeiro do disposto no artigo 35.1º do texto refundido da Lei de contratos das administracións públicas.
b) Garantía definitiva: catro por cento (4%) do orzamento de licitación; cento sesenta e cinco mil setecentos cincuenta e cinco euros con noventa céntimos (165.755,90 A).
6. Obtención de documentación e información.
No Servizo de Infraestruturas Deportivas da Dirección Xeral para o Deporte (Estadio Multiusos de San Lázaro, s/n, Santiago de Compostela. Teléfono: 981 54 26 26. Fax: 981 54 26 39).
As fotocopias dos pregos de cláusulas administrativas e prescricións técnicas poderán ser solicitadas directamente en Xeneral Pardiñas, nº 2 de Santiago de Compostela. Teléfono: 981 59 03 02.
Os pregos de cláusulas administrativas particulares e prescricións técnicas a que se refire o parágrafo anterior poderán ser consultados na internet (www.xunta.es/contratacion/resultado.jsp?N=4541).
7. Requisitos específicos do contratista.
a) Clasificación, se é o caso: grupo A, subgrupo 1, categoría f.
b) Solvencia económica e financeira e solvencia técnica e profesional: a acreditación efectuarase mediante a presentación dos documentos sinalados no prego de cláusulas administrativas particulares (folla de especificacións).
8. Presentación de ofertas.
a) Data límite de presentación: ás 14.00 horas do décimo terceiro (13) día natural posterior á publicación desta resolución no Diario Oficial de Galicia.
b) Documentación que hai que presentar: a requirida polo prego de cláusulas administrativas particulares.
Os contratistas que se atopen inscritos no Rexistro Xeral de Contratistas da Comunidade Autónoma e así o fagan constar na carátula do sobre A (documentación administrativa) quedarán exonerados de presentar a documentación a que se refire o artigo 5 da Orde do 23 de outubro de 1995 (DOG do 10 de novembro), modificada pola Orde do 9 de decembro de 1996 (DOG do 23 de decembro).
c) Lugar de presentación:
No rexistro de documentos da Dirección Xeral para o Deporte (Estadio Multiusos San Lázaro, 15890 Santiago de Compostela. Fax: 981 54 26 39), ou enviados por correo dentro do prazo de admisión.
d) Admisión de variantes: admítense en relación co prazo de execución, prezo e coa mellora do capítulo III do proxecto técnico.
9. Apertura de ofertas.
a) Entidade: Consellería de Familia, Xuventude, Deporte e Voluntariado.
b) Enderezo: San Caetano.
c) Localidade: Santiago de Compostela.
d) Data: o quinto día hábil seguinte ao de rematar o prazo de presentación de ofertas. De coincidir este en sábado, pasará ao seguinte día hábil.
e) Hora: 9.30 horas.
10. Outras informacións.
11. Gastos do anuncio: este anuncio será por conta do adxudicatario e, se é o caso, da inserción do seu extracto nos medios de comunicación escrita.
Santiago de Compostela, 25 de outubro de 2004.
P.D. (Orde 2-8-2004)
Javier Batán Rodríguez
Secretario xeral da Consellería de Familia,
Xuventude, Deporte e Voluntariado