Por Orde do 18 de decembro de 2003 (publicada no DOG nº 2, do 5 de xaneiro) foron convocados os premios para o fomento da recollida de pilas usadas en Galicia.
No artigo 6 da citada orde prevese que para a concesión dos premios se calculará a taxa de quilos recollidos por alumno matriculado, nas distintas categorías, segundo a seguinte fórmula: total de quilos recollidos por colexio/ total de alumnos matriculados no colexio.
Os premios concederanse aos colexios que acrediten unha maior taxa de recollida de pilas usadas, e por categorías.
Por tanto, en uso das atribucións conferidas no artigo 34 da Lei 1/1983, do 22 de febreiro, modificada pola Lei 11/1998, do 20 de outubro, en relación cos artigos 27.30ª e 30 do Estatuto de autonomía de Galicia e o Decreto 106/2004, do 4 de xuño, polo que se establece a estrutura orgánica da Consellería de Medio Ambiente
RESOLVO:
Artigo 1º
De acordo co disposto na Orde do 18 de decembro de 2003, concédense os premios aos colexios que se relacionan no anexo desta orde.
Artigo 2º
A presente orde entrará en vigor o día seguinte ao da súa publicación no Diario Oficial de Galicia e será comunicada persoalmente aos premiados.
Santiago de Compostela, 21 de outubro de 2004.
José Manuel Barreiro Fernández
Conselleiro de Medio Ambiente
ANEXO
Categoría A. Centros educativos cun número de alumnos matriculados no curso 2003-2004 inferior a 50.
1º premio 3.000 euros EEI de Baiuca Catoira
2º premio 2.500 euros San Xerome Emiliani A Guarda
3º premio 2.000 euros Aspanaes As Pontes de García Rodríguez
Categoría B. Centros educativos cun número de alumnos matriculados no curso 2003-2004 entre 50 e 300.
1º premio 3.000 euros CEIP de Nadela Lugo
2º premio 2.500 euros CEIP Celso Currás Trabada
3º premio 2.000 euros CEIP A Sangriña A Guarda
4º premio 1.500 euros CEIP Santo Estevo de Parga Guitiriz
5º premio 1.000 euros CEIP O Ramo Fene
6º premio 500 euros CEIP Manuel Vidal Portela Pontevedra
Categoría C. Centros educativos cun número de alumnos matriculados no curso 2003-2004 superior a 300.
1º premio 3.000 euros Colexio La Inmaculada Ponteareas
2º premio 2.500 euros CEIP O Piñeiriño Vilagarcía de Arousa
3º premio 2.000 euros CEIP Escultor Acuña Vigo
4º premio 1.500 euros CEIP Seis do Nadal Vigo
5º premio 1.000 euros Colexio Divina Pastora - MM Franciscanas Ourense
6º premio 500 euros IES A Sangriña A Guarda