I. No DOG do 14 de outubro de 2004 publicouse concurso público aberto para a contratación dos servizos de mantemento informático do Igape, establecéndose como prazo de presentación de ofertas 15 días naturais desde a publicación do anuncio no DOG, rematando o devadito prazo o día 29 de outubro de 2004.

II. Detectado error material na cláusula E «Contido da oferta técnica» da folla de especificacións do prego de cláusulas administrativas particulares, aprobada o 16 de setembro de 2004, procede a súa rectificación ao abeiro do artigo 105.2º da Lei 30/1992, onde di: «Prazo de resposta máximo desde a autorización en cada unha das oficinas do Igape máximo unha hora en Santiago e máximo 3 horas en calqueira outro punto de Galicia)», debe dicir: «Prazo de resposta máximo desde a autorización en cada unha das oficinas do Igape».

Polo exposto e en virtude das facultades ao meu favor conferidas por acordo de delegación de facultades do Consello de Dirección do Igape do 30 de marzo de 2000 (DOG nº 81, do 27 de abril),

ACORDO:

Primeiro.-Corrixir erro material contenido na folla de especificacións do prego de cláusulas adminis

trativas particulares do 16 de setembro de 2004 do concurso público de referencia, nos termos referidos no expositivo II da presente resolución.

Segundo.-O prazo de quince días naturais para a admisión de ofertas computarase a partir da publicación da presente corrección de erros no DOG.

Santiago de Compostela, 21 de outubro de 2004.

Margarita Rodríguez Rama

Directora xeral do Instituto Galego

de Promoción Económica