No recurso contencioso-administrativo 02/4973/2000, interposto perante o Tribunal Superior de Xustiza de Galicia, Sala do Contencioso-Administrativo, sección segunda, por Francisco Sineiro Rodríguez, contra a resolución da Consellería de Pesca, Marisqueo e Acuicultura do 23-6-2000, pola que se declaraba extinguida a concesión administrativa da batea Gondar I, ditouse a sentenza firme 391/2004, pola que se estimaba parcialmente ese recurso, e que se reproduce a continuación:
«Estimamos en parte o recurso contencioso-administrativo interposto por Francisco Sineiro Rodrí
guez contra a resolución da Consellería de Pesca do 23-6-2000 pola que se declara extinguida a concesión administrativa da batea Gondar I, resolución que anulamos por ser contraria a dereito, desestimando no demais o presente recurso. Non se fai imposición de custas».
Polo tanto, de conformidade co disposto nos artigos 103 e seguintes da Lei 29/1998, do 13 de xullo, reguladora da xurisdición contencioso-administrativa, esta consellería dispuxo o cumprimento da referida sentenza e que se publique a aludida decisión no Diario Oficial de Galicia.
Santiago de Compostela, 28 de setembro de 2004.
Enrique César López Veiga
Conselleiro de Pesca e Asuntos Marítimos