Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización e a aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: avenida de Arteixo, 171, 15007 A Coruña.
Denominación: recuamento L.M.T. e C.T. en Bandoxa.
Situación: Oza dos Ríos.
Características técnicas:
-Liña eléctrica de media tensión aérea núa, a 15/20 kV, cunha lonxitude de 0,016 km, coa orixe no apoio de entronque existente nº 4 da L.M.T. CES-705, liña CR Cesuras, condutor tipo LA 56/54,6 mm e final no poio proxectado nº 1 en substitución da existente (C.T. Seara) (expediente 52585).
-Liña eléctrica de media tensión aérea núa, a 15/20 kV, cunha lonxitude de 0,231 km, coa orixe no apoio nº 7 existente da L.M.T. Ces-705, tramo entre deriv. a C.T. Seara (expediente 52585) e deriv. a C.T. Mundi (expediente 31946), condutor tipo LA 56/54,6 mm e final no apoio nº 10 existente da L.M.T. CES-705, tramo entre deriv. a C.T. Seara (expediente 52585) e deriv. a C.T. Mundin (expediente 31946).
-Centro de transformación intemperie, cunha potencia de 50 kVA e unha relación de transformación de 15.000/400-230 V. Concello de Oza dos Ríos.
Todas aquelas persoas ou entidades que se consideren afectadas poderán examinar o expediente e presentar as súas alegacións nesta delegación provincial, sita no edificio administrativo de Monelos, s/n, 15071, A Coruña, no prazo de vinte días, a partir da última publicación.
A Coruña, 17 de setembro de 2004.
Jesús Espada Martínez
Delegado provincial da Coruña