Dentro das actividades programadas para o ano 2004 en colaboración coa Deputación Provincial de Ourense, en virtude do convenio de formación asinado entre a Consellería de Xustiza, Interior e Administración Local e a Deputación Provincial de Ourense, anúnciase a realización dun curso sobre intervención e defensa persoal policial, que se deberá desenvolver conforme as seguintes bases:

Obxectivos.

Ampliación de coñecementos sobre as últimas técnicas de intervención e actuación ante as distintas situacións problemáticas que se poidan producir no traballo e na función policial.

Publicación.

Esta actividade formativa, e tamén todas aquelas que se desenvolvan en colaboración coa Deputación Provincial de Ourense, será obxecto de publicación no Diario Oficial de Galicia e no BOP de Ourense.

Destinatarios.

O curso vai dirixido aos membros dos corpos de policía local da provincia de Ourense.

Inscrición.

A inscrición dos participantes será totalmente gratuíta.

Prazas.

20 prazas.

Solicitudes.

1. O persoal que desexe participar neste curso deberá presentar, cuberta á máquina ou con letra moi clara, a instancia que figura no anexo.

2. O prazo para a presentación de instancias rematará o día 16 de novembro, ás 14.00 horas.

3. As instancias deberán enviarse á Deputación Provincial de Ourense-Departamento de Formación Continua (fax: 988 38 52 15); rúa Progreso nº 30, 32003 Ourense; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

Datas.

O curso realizarase durante os días 19, 20, 26 e 27 de novembro.

O horario será das 17.00 ás 21.00 horas os días 19 e 26; e das 10.00 ás 13.00 e das 16.30 ás 19.30 horas os días 20 e 27.

Contido.

-Prácticas de iniciación na defensa persoal israelí (Krav Maga).

-Prácticas de detencións.

* Situacións.

* Identificacións.

* Cacheos. Precaucións.

* Esposamentos. Tipos.

* Conducións.

* Detencións ao paso.

* Controis.

* Tratamento ao detido.

* Protección de autoridades: técnicas básicas.

-Prácticas de loita aplicada á defensa persoal.

Relación de admitidos.

A relación de admitidos farana pública o día 17 de novembro a partir das 14.00 horas, tanto a Deputación Provincial de Ourense como a Academia Galega de Seguridade. Os interesados poden coñecer e confirmar a súa asistencia chamando aos teléfonos 986 59 00 21 (AGS) ou 988 38 51 42 (Departamento

de Formación Continua da Deputación Provincial de Ourense).

Lugar.

O curso desenvolverase nas instalacións do Pazo de Deportes Paco Paz da Deputación Provincial de Ourense sito na Finca Sevilla, s/n, Ourense.

Certificado de asistencia.

Ao remate do curso entregaráselles un certificado de asistencia a aquelas persoas que acrediten a súa participación continuada a el.

Modificacións.

Tanto a Academia Galega de Seguridade como a Deputación Provincial de Ourense, se é o caso, poderán modificar o desenvolvemento do curso para adaptalo ás necesidades da Administración e ás continxencias que poidan xurdir.

A Estrada, 18 de outubro de 2004.

Juan José Fariñas-Ferro Rodríguez

Director xeral da Academia Galega de Seguridade

CONSELLERÍA DA PRESIDENCIA, RELACIÓNS INSTITUCIONAIS

E ADMINISTRACIÓN PÚBLICA