A Orde do 18 de febreiro de 2004, pola que se determina o importe máximo das axudas que se poderán outorgar no exercicio orzamentario de 2004 ao abeiro do Decreto 228/2002, do 20 de xuño, sobre subvencións a fondo perdido para a rehabilitación protexida de vivendas no medio rural de Galicia, no seu artigo único, número dous, determinaba o importe máximo das axudas que se poden outorgar dentro do exercicio orzamentario de 2004 e cifrábao en 8.000.000 A.
No número 3 do mesmo artigo dispoñíase, así mesmo, que o importe máximo destas axudas podería incrementarse en función das solicitudes que obtiveran a declaración definitiva de rehabilitación protexida e en función das dispoñibilidades orzamentarias con cargo á mesma aplicación.
Esgotado xa neste momento o importe inicialmente autorizado, resta aínda un número considerable de solicitudes presentadas dentro de prazo que obtiveron a declaración definitiva de rehabilitación protexida e que están pendentes da aprobación da subvención á espera dun incremento do importe máximo autorizado para estas axudas.
En virtude do anterior, e logo dos informes preceptivos,
DISPOÑO:
Artigo único.-Modifícase o parágrafo 2º do artigo único da Orde do 18 de febreiro de 2004, pola que se determina o importe máximo das axudas que se poderán outorgar no exercicio orzamentario de 2004 ao abeiro do Decreto 228/2002, do 20 de xuño, sobre subvencións a fondo perdido para a rehabilitación protexida de vivendas no medio rural de Galicia, que queda redactado nos seguintes termos:
«O importe máximo destas axudas que se poderán outorgar dentro do exercicio orzamentario de 2004 será de 10.100.000 A».
Disposición derradeira
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 19 de outubro de 2004.
Alberto Núñez Feijoo
Vicepresidente primeiro e conselleiro de Política
Territorial, Obras Públicas e Vivenda
CONSELLERÍA DE XUSTIZA, INTERIOR E ADMINISTRACIÓN
LOCAL