As bases reguladoras das axudas do Igape previstas no convenio de financiamento, subscrito o 29 de maio de 2000, entre a Xunta de Galicia e as entidades financeiras do Fondo de Desenvolvemento Inesga para o financiamento de proxectos de investimento empresarial de especial interese para Galicia (DOG nº 222, do 16 de novembro), prevé na
súa cláusula 11ª a publicación anual, no Diario Oficial de Galicia, da reserva de crédito dispoñible para a concesión das axudas, así como as partidas orzamentarias asignadas ao seu financiamento.
Con data do 23 de decembro de 2003 o Parlamento de Galicia aprobou os orzamentos xerais da Comunidade Autónoma de Galicia para o ano 2004, publicados mediante Lei 8/2003 (DOG nº 251, do 29 de decembro).
Polo que antecede,
RESOLVO:
Único.-Facer pública a ampliación da reserva de crédito dispoñible para a concesión de axudas no ano 2004, ao abeiro das bases reguladoras do Igape previstas no convenio de financiamento entre a Xunta de Galicia e as entidades financeiras do Fondo de Desenvolvemento Inesga, para o financiamento de proxectos de investimento empresarial de especial interese para Galicia, que queda establecida en 587.000 euros que se financiarán con cargo á partida 02.01 01/01/09 dos seus orzamentos.
Santiago de Compostela, 20 de outubro de 2004.
Margarita Rodríguez Rama
Directora xeral do Instituto Galego
de Promoción Económica
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA