A orde da Consellería de Innovación, Industria e Comercio do 30 de abril de 2004 (DOG do 6 de maio) convoca o premio Antonio López Ferreiro de Investigación Humanística e o premio para Investigadores Mozos (área de humanidades), correspondentes aos premios Galicia de Investigación 2004.

Na base sexta do artigo 1 da devandita orde establécese a composición do xurado. Na súa virtude, e de acordo coas propostas das institucións correspondentes, cómpre proceder ao nomeamento dos membros do xurado. Polo que antecede, esta consellería

DISPÓN:

Artigo único.-Nomear membros do xurado do premio Antonio López Ferreiro de Investigación Humanística e do premio para Investigadores Mozos (área de humanidades), correspondentes aos premios Galicia de Investigación 2004, as persoas que a seguir se relacionan:

Presidente: Darío Villanueva Prieto, catedrático da Universidade de Santiago de Compostela.

Vogais:

-Luis Caparrós Esperante, vicerreitor de Extensión Universitaria e Comunicación da Universidade da Coruña.

-Ermelindo Portela Silva, catedrático da Universidade de Santiago de Compostela.

-Dolores Troncoso Durán, catedrática da Universidade de Vigo.

-Olga Gallego Domínguez, membro de número da Real Academia Galega.

-Mercedes García-Arenal Rodríguez, profesora de investigación do Instituto de Filoloxía do Centro Superior de Investigacións Científicas (CSIC).

-Adolfo Sotelo Vázquez, catedrático da Universidade de Barcelona.

Secretario: Benito R. Fernández Rodríguez, subdirector xeral de Xestión Administrativa e Económica da Dirección Xeral de Investigación e Desenvolvemento, que actuará con voz pero sen voto.

Disposición derradeira

Esta orde entrará en vigor o mesmo día da súa publicación no Diario Oficial de Galicia.

Santiago de Compostela, 11 de outubro de 2004.

Juan Rodríguez Yuste

Conselleiro de Innovación, Industria e Comercio