A orde da Consellería de Innovación, Industria e Comercio do 30 de abril de 2004 (DOG do 6 de maio) convoca o premio Galicia á Innovación Empresarial, correspondente aos premios Galicia de Investigación 2004.
Na base quinta do artigo 1 da devandita orde establécese a composición do xurado. Na súa virtude, e de acordo coas propostas das institucións correspondentes, cómpre proceder ao nomeamento dos membros do xurado. Polo que antecede, esta consellería
DISPÓN:
Artigo único.-Nomear membros do xurado do premio Galicia á Innovación Empresarial, correspondente aos premios Galicia de Investigación 2004, as persoas que a seguir se relacionan:
Presidente: Pedro Merino Gómez, director xeral de Investigación e Desenvolvemento.
Vogais:
-Manuel Balseiro González, director da Fundación Empresa-Universidade Galega (Feuga).
-José Manuel Castro Pérez, subdirector de Difusión Tecnolóxica e Plans Estratéxicos Empresariais do Instituto Galego de Promoción Económica (Igape).
-Alberto Tizón Martín, subdirector xeral de Tecnoloxía da Dirección Xeral de Tecnoloxía e Desenvolvemento Sectorial.
-Antonio Fontenla Ramil, presidente da Confederación de Empresarios de Galicia (CEG).
Secretario: José Manuel Cotos Yánez, subdirector xeral de Planificación e Xestión Técnica da Dirección Xeral de Investigación e Desenvolvemento, que actuará con voz pero sen voto.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 11 de outubro de 2004.
Juan Rodríguez Yuste
Conselleiro de Innovación, Industria e Comercio