A Orde do 6 de outubro de 2004 introduce as modificacións que cómpre facer á Orde do 5 de maio de 2004 (DOG do 14 de maio), pola que se resolve o concurso público convocado na Orde do 5 de decembro de 2003 (DOG do 16 de decembro) que regula a concesión de subvencións a asociacións e institucións privadas sen fin de lucro para fomentar o uso social da lingua galega.
Vista a proposta formulada pola comisión constituída ao abeiro do artigo 4 da devandita orde, esta consellería
DISPÓN:
Artigo 1º
A aceptación das renuncias ás subvencións concedidas aos proxectos que se relacionan no anexo I.
Artigo 2º
A concesión de axudas, polo importe que se especifica, aos proxectos relacionados no anexo II, de acordo cos criterios establecidos na Orde do 5 de decembro de 2003.
Artigo 3º
Contra esta resolución que esgota a vía administrativa, os interesados poderán interpoñer recurso potestativo de reposición ante o conselleiro de Educación e Ordenación Universitaria no prazo dun mes a partir do día seguinte ao da publicación da reso
lución no DOG, segundo o disposto nos artigos 116 e 117 da Lei 4/1999 (BOE nº 12, do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente recurso contencioso-administrativo no prazo de dous meses perante o Tribunal Superior de Xustiza de Galicia.
Disposición derradeira
A presente orde entrará en vigor o día seguinte ao da súa publicación no DOG.
Santiago de Compostela, 6 de outubro de 2004.
Celso Currás Fernández
Conselleiro de Educación e Ordenación
Universitaria
ANEXO I
EXPEDIENTE SOLICITANTE DA SUBVENCIÓN IMPORTE
NÚMERO
OBXECTO
2004/000197-0 ASOC. SOCIAL GALEGA DE VIVENDAS COMUNITARIAS BASE A: TRÍPTICO INFORMATIVO 490
2004/000721-0 ASOC. SOCIOCULTURAL E VECIÑAL DE AMIL BASE B: PREMIO FOMENTO DO GALEGO 400
2004/001008-0 ASOC. DE FAMILIARES DE ENFERMOS DE ALZHEIMER BASE A: BOLETÍNS INFORMATIVOS 490
ANEXO II
EXPEDIENTE SOLICITANTE DA SUBVENCIÓN IMPORTE
NÚMERO
OBXECTO
2004/000372-0 ASOC. DE RENOVACIÓN PEDAGÓXICA PAIDES E PARTHENOI REVISTA PROFESIONAIS DA EDUCACIÓN 1.380