O artigo 20 da Lei orgánica 15/1999, do 13 de decembro, de protección de datos de carácter persoal (BOE nº 298, do 14 de decembro), especifica que a creación, modificación ou supresión de ficheiros das administracións públicas só poderán facerse mediante a disposición xeral correspondente.

Polo que antecede, esta reitoría

DISPÓN:

Primeiro.-Mediante esta resolución, a Universidade da Coruña crea o ficheiro especificado no anexo, que contén a información exixida no artigo 20.2º da Lei orgánica 15/1999, do 13 de decembro, de protección de datos de carácter persoal para as disposicións de creación dos ficheiros.

Segundo.-O Servizo de Atención e Promoción ao Estudante (SAPE), responsable deste ficheiro, adoptará as medidas de xestión e organización que sexan necesarias, asegurando a confidencialidade, dereitos e obrigas recoñecidos na Lei orgánica 15/1999, do 13 de decembro.

Terceiro.-Os datos de carácter persoal, rexistrados no ficheiro da Universidade da Coruña, aos que se refire o anexo só serán utilizados para os fins expre

samente previstos e por persoal debidamente autorizado.

Cuarto.-Para a cesión de datos ás administracións públicas haberá que aterse ao disposto na normativa vixente na materia.

A Coruña, 16 de setembro de 2004.

José María Barja Pérez

Reitor da Universidade da Coruña

ANEXO

Ficheiro de nova creación da Universidade da Coruña.

Ofertantes e solicitantes de vivenda para estudantes na Universidade da Coruña.

A) A finalidade e uso previsto do ficheiro:

A finalidade é crear un espazo na internet denominado «Taboleiro de Vivenda» cunha xestión automatizada, para acoller os anuncios de oferta e demanda de vivenda dentro do ámbito universitario.

B) Persoas ou colectivos dos que se recollerán datos de carácter persoal:

Formarán parte do ficheiro todas aquelas persoas que desexen inserir un anuncio de oferta ou demanda de aluguer de vivenda.

C) O procedemento de recollida de datos de carácter persoal:

O ficheiro estará automatizado, sendo recollidos os datos mediante transmisión electrónica de datos/internet.

D) A estrutura básica do ficheiro e a descrición dos tipos de datos de carácter persoal incluídos nel:

Datos de carácter identificativo: nome e apelidos, enderezo electrónico, teléfono.

Datos de carácter patrimonial: enderezo e características do inmoble.

E) As cesións de datos de carácter persoal:

Non se prevé cesión de datos.

F) Os órganos das administracións responsables do ficheiro:

Será responsable do ficheiro o Servizo de Atención e Promoción ao Estudante (SAPE) da Universidade da Coruña.

G) Os servizos ou unidades ante os que se puidesen exercer os dereitos de acceso, modificación, cancelación ou oposición:

Os anteditos dereitos poderán exercerse ante o Servizo de Atención e Promoción ao Estudante, a través da súa Área de Información Xuvenil. Sendo a localización do servizo a seguinte:

Casa do Francés. Campus da Zapateira. 15071. A Coruña.

H) As medidas de seguridade con indicación do nivel exixible:

Aplícase o nivel básico, estando recollidas no Documento de Seguridade da Área de Información Xuvenil do Servizo de Atención e Promoción ao Estudante da Universidade da Coruña.

CONSELLERÍA DA PRESIDENCIA, RELACIÓNS INSTITUCIONAIS

E ADMINISTRACIÓN PÚBLICA