Por orde desta consellería do 4 de xullo de 2000 (DOG nº 146, do 28 de xullo), anúnciase a convocatoria para a determinación e clasificación de parentes de Manuel Ventura Figueroa.

Examinadas e clasificadas as solicitudes recibidas,

DISPOÑO:

Primeiro.-Facer pública a relación de parentes de Manuel Ventura Figueroa Barreiro, así como a súa relación de parentesco co que figuran no anexo desta orde.

Segundo.-Todas aquelas persoas que aparezan clasificadas nalgún dos boletíns publicados con anterioridade pola fundación, considéranse xa clasificadas nos termos establecidos nos referidos boletíns.

Terceiro.-Os solicitantes que non aparezan na relación adxunta ou que consideren que a relación de parentesco que figura nela non é a correcta, poderán presentar reclamación ante o xuíz protector da fundación, Consellería da Presidencia, Relacións Institucionais e Administración Pública, San Caetano, Santiago de Compostela, no prazo de vinte días naturais, contados a partir do seguinte ao da publicación desta orde no Diario Oficial de Galicia.

Disposición adicional

Esta orde entrará en vigor o mesmo día da súa publicación no Diario Oficial De Galicia.

Santiago de Compostela, 30 de setembro de 2004.

Jaime Pita Varela

Conselleiro da Presidencia, Relacións

Institucionais e Administración Pública

ANEXO