1. Entidade adxudicadora: Mancomunidade Intermunicipal dos Vales do Ulla e Umia (Pontevedra). Expediente número 2/2004.
2. Obxecto do contrato: prestación dos servizos de elaboración dunha auditoría de sostibilidade para a implantación da Axenda Local 21 na Mancomunidade Intermunicipal dos Vales do Ulla e Umia.
3. Forma de adxudicación: concurso, polo procedemento aberto e tramitación urxente.
4. Orzamento base de licitación: 55.680 euros.
5. Garantía provisional: 11.136 euros. Garantía definitiva: 4% do importe de adxudicación.
6. Presentación de ofertas: no rexistro xeral da secretaría da Mancomunidade Intermunicipal dos Vales do Ulla e Umia, en horario de 9.00 a 14.00 horas, no prazo de trece días naturais a partir da publicación no Diario Oficial de Galicia (se o último día coincidise en sábado, trasladarase ao primeiro día hábil).
7. Modelo de proposición: a oferta, xunto coa restante documentación exixible no prego de cláusulas administrativas, presentarase consonte o seguinte modelo:
«Don/Dona..., con DNI nº..., expedido en..., con data..., en nome propio (ou en representación de..., como acredita por...), informado/a da convocatoria de concurso polo procedemento aberto, anunciado no Diario Oficial de Galicia nº..., de data..., toma parte nel comprometéndose a realizar a asistencia técnica para a elaboración dunha auditoría de sostibilidade para a implantación da Axenda Local 21 na Mancomunidade Intermunicipal dos Vales do Ulla e Umia, no prezo de... (en letra e número), comprendendo esta oferta o prezo da contrata e o importe do imposto sobre o valor engadido, consonte o prego de cláusulas administrativas e técnicas que acepta integramente. Lugar, data e sinatura».
8. Apertura das ofertas: no salón de sesións do Concello de Valga, ás 12.00 horas do quinto día seguinte hábil ao do remate de presentación de ofertas, excepto sábados.
9. Gastos de anuncios: por conta do adxudicatario.
Valga, 8 de setembro de 2004.
José María Bello Maneiro
Presidente