Eu, Alberto Ballón Lage, secretario do Xulgado do Social número un da Coruña, fago saber que nos autos nº 541/2003 seguidos por instancia de Davinia López Quintas e outros contra a empresa Carballos Altos, S.L. e outros, sobre reclamación de cantidades, o xuíz substituto deste xulgado, Luis Carlos Mariano Niño, ditou sentenza, con data do 30 de xullo de 2004, coa seguinte parte dispositiva:

«Que, estimando en parte a demanda interposta por Davinia López Quintas, María de la Concepción Barril Rial, María del Sol Vázquez Garea, María del Carmen Vaamonde Calvo, Rocío Freire Quintas, Noelia Rey Vázquez, Ana María Pampín Bascoy, Concepción Bouzas Vázquez, Isabel Fuentes Cacharrón, Mercedes Pilar Casal Méndez, Marison Santiso Pérez, Ana Belén Freire Quintas, María Dolores Martínez Cabanas, María del Carmen Sanmartín Fernández, Ana María Miramontes Varela, Celia Mera Santos, Mercedes Vázquez Estévez, Josefina Barreiro García, Ana María Rodríguez Ramos, Teresa Méndez García, María Jesús López Barcia, María Rodríguez Castro e María del Pilar López Camino, debo declarar e declaro o dereito das demandantes a percibir as cantidades reclamadas que como debidos se recollen nos feitos probados desta resolución e polos conceptos sinalados nos mesmos feitos probados e, por conseguinte, debo condenar e condeno a empresa Carballos Altos, S.L. a que, estando e pasando por tal declaración,

lles aboe ás demandantes as seguintes cantidades, máis o 10% dos xuros legais desde a data do devengo:

Así mesmo, debo absolver e absolvo as empresas Trisko, S.A., Sastrería López Parga, S.L. e Neyva, S.L. de todas as pretensións da demanda.

Notifíqueselles esta sentenza ás partes, ás que se lles fará saber que en contra da dita resolución cabe o recurso de suplicación, que deberá anuncialo o seu avogado ou representante legal designado para o efecto, perante este xulgado, no prazo de cinco días contado a partir da notificación desta sentenza, por comparecencia ou por escrito das partes. É posible o anuncio por mera manifestación da parte recorrente ao ser notificada, e será resolto, se é o caso e cumpridos os trámites legais, pola Sala do Social do Tribunal Superior de Xustiza de Galicia. A empresa condenada deberá, ademais, acreditar, ao anunciar o recurso, ter consignado o importe da condena na conta de consignacións deste xulgado, aberta no BBV, conta nº 5602-60, e que se pode substituír polo aseguramento mediante aval bancario, coa constancia da responsabilidade solidaria do avalista, máis outra cantidade de 150,25 euros na mesma conta e en calidade de depósito, nun impreso separado do do importe da condena.

Así, por esta miña sentenza, pronúncioo, mándoo e asínoo».

E para que lles sirva de notificación ás empresas Sastrería López Parga, S.L. e Neyva, S.L., que tiveron o seu último domicilio coñecido en Santa Gema nº 23 da Coruña, e que na actualidade se descoñece, e co fin da súa publicación no Diario Oficial de Galicia, expido e asino este edicto na Coruña o 30 de xullo de 2004.

O secretario xudicial

Rubricado