Determinadas sociedades públicas autonómicas desenvolven a súa actividade a través de programacións cun período de realización que se difire varios exercicios económicos. Unha adecuada xestión orzamentaria dos recursos asignados a tales programas exixe que o recoñecemento dos dereitos en favor das sociedades públicas estea en consonancia co nivel de compromisos adquiridos, máis que co de execución do gasto.
Por todo o anterior,
DISPOÑO:
Artigo único.
Engádese unha disposición adicional terceira na Orde do 27 de xullo de 2000 sobre o desenvolvemento da xestión orzamentaria e contabilización dos ingresos procedentes de transferencias correntes e de capital, coa seguinte redacción:
«Terceira.-O conselleiro de Economía e Facenda, logo de petición motivada, determinará, naquelas sociedades públicas en que, polas especiais características da actividade desenvolvida, o gasto executado sexa diferido a varios exercicios económicos, o momento do recoñecemento de dereitos en favor da sociedade e da obriga correspondente na consellería a que estea adscrita».
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 29 de setembro de 2004.
José Antonio Orza Fernández
Conselleiro de Economía e Facenda
CONSELLERÍA DE POLÍTICA TERRITORIAL, OBRAS PÚBLICAS
E VIVENDA