Por orde da Consellería de Innovación, Industria e Comercio do 13 de maio de 2004, (DOG do 20 de maio), convócanse as bolsas correspondentes a diversas accións de formación de investigadores do programa de Recursos Humanos do Plan Galego de Investigación, Desenvolvemento e Innovación Tecnolóxica para o ano 2004 e actualízanse as bases correspondentes, aprobadas pola Orde do 15 de xullo de 2002 (DOG do 24 de xullo).
No seu punto primeiro, establécese o prazo de presentación de solicitudes así como os créditos destinados a elas e prevese a posibilidade de incremento dos mesmos, en función das peticións presentadas e de acordo coas dispoñibilidades de crédito.
Na súa virtude, e polo que antecede, esta consellería
DISPÓN:
Artigo único.-Ampliar en cen mil euros (100.000 A) o crédito destinado, na anualidade 2005, ás accións convocadas nos anexos I, II e III da orde da Consellería de Innovación, Industria e Comercio do 13 de maio de 2004.
O importe total dos compromisos de gastos futuros (exercicio 2005) ascende, como consecuencia desta ampliación, a un máximo dun millón novecentos setenta mil euros (1.970.000 A) que se financian con cargo á aplicación orzamentaria 08.05.432A.480.0.
Santiago de Compostela, 24 de setembro de 2004.
Juan Rodríguez Yuste
Conselleiro de Innovación, Industria e Comercio
CONSELLERÍA DE CULTURA, COMUNICACIÓN SOCIAL
E TURISMO