Téndose producido renuncias ás subvencións concedidas na Orde do 5 de xullo de 2004 (DOG do 14 de xullo), pola que se resolve o concurso público convocado na Orde do 9 de decembro de 2003 (DOG do 22 de decembro) que regula a concesión de subvencións a empresas privadas para fomentar o uso social da lingua galega, e vista a proposta formulada pola comisión constituída ao abeiro do artigo 4 da devandita orde, esta consellería
DISPÓN:
Artigo 1º
A aceptación das renuncias ás subvencións concedidas na contía que se indica aos proxectos relacionados no anexo I.
Artigo 2º
A concesión de axudas polo importe que se especifica aos proxectos relacionados no anexo II, someténdoas á condición suspensiva de que os interesados completen correctamente as deficiencias observadas
nos seus expedientes de acordo co establecido na Orde do 9 de decembro de 2003.
Artigo 3º
Contra esta resolución que esgota a vía administrativa, os interesados poderán interpoñer recurso potestativo de reposición ante o conselleiro de Educación e Ordenación Universitaria no prazo dun mes a partir do día seguinte ao da publicación da resolución no DOG, segundo o disposto nos artigos 116 e 117 da Lei 4/1999 (BOE nº 12, do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente recurso contencioso-administrativo no prazo de dous meses perante o Tribunal Superior de Xustiza de Galicia.
Disposición derradeira
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 14 de setembro de 2004.
Celso Currás Fernández
Conselleiro de Educación e Ordenación
Universitaria
ANEXO I
Nº EXPEDIENTE SOLICITANTE OBXECTO DA SUBVENCIÓN IMPORTE
2004/0000044-0 ADEXOTA, S.L.L. CAMPAÑA PUBLICITARIA, PÁXINA WEB 826
2004/00000334-0 AINEL, AUTOMÁTICA, INFORMÁTICA Y ELECT., S.L. PORTAL WEB 1.135
2004/00000466-0 ZAGORA AVENTURA, S.L. PÁXINA WEB, BOLSAS, ETIQUETAXE 619
ANEXO II
Nº EXPEDIENTE SOLICITANTE OBXECTO DA SUBVENCIÓN IMPORTE
2004/00000134-0 CARPINTERÍA ANTONIO CANEDA E HIJOS, S.L. DOCUMENTACIÓN, ROTULACIÓN, CATÁLOGOS E PUBLICIDADE 1.548
2004/00000660-0 BARTUMEU LÓPEZ, S.L. CAMPAÑA PUBLICITARIA 1.032
CONSELLERÍA DE POLÍTICA AGROALIMENTARIA E
DESENVOLVEMENTO RURAL