A nova estrutura orgánica da Consellería de Economía e Facenda e do Instituto Galego de Estatística establecida en virtude do Decreto 115/2004, do 3 de xuño, así como a necesidade de acadar unha maior eficacia no exercicio das funcións que ten encomendadas, fan necesario aprobar unha nova relación de postos de traballo da dita consellería e do Instituto Galego de Estatística.

En consecuencia, por proposta da Consellería de Economía e Facenda, consultadas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia, na súa reunión do día 23 de setembro de 2004, adoptou o seguinte

ACORDO:

Primeiro.-Aprobar a relación de postos de traballo do persoal funcionario e laboral da Consellería de Economía e Facenda e do Instituto Galego de Estatística nos termos que se sinalan nos anexos ao presente acordo.

Segundo.-Ordenar a súa publicación no Diario Oficial de Galicia para efectos da súa entrada en vigor a partir do día seguinte a ela.

Terceiro.-Clasificar de libre designación, ademais dos postos de traballo con nivel de complemento de destino comprendido entre 28 (inclusive) e 30, os de nivel inferior que a continuación se relacionan, de acordo coas motivacións que se especifican, todo iso de conformidade co disposto no artigo 28 da Lei 4/1988, do 26 de maio, da función pública de Galicia:

Visto o acordo adoptado polo Consello da Xunta de Galicia na súa reunión do vinte e tres de setembro de dous mil catro, relativo á aprobación da relación de postos de traballo da Consellería de Economía e Facenda e do Instituto Galego de Estatística coa finalidade de cumprir o dito acordo, dispoño que se publique no Diario Oficial de Galicia como anexo a esta resolución.

Santiago de Compostela, 22 de setembro de 2004.

Jaime Pita Varela

Conselleiro da Presidencia, Relacións

Institucionais e Administración Pública