Visto o texto do convenio colectivo de ámbito provincial para a empresa Teydesa Conectores, S.A. para o ano 2004, código de convenio número 3200412, subscrito con data do 4 de maio de 2004, entre o representante da empresa, José María Sargatal Raskonit, pola parte económica, e doutra polo delegado de persoal, Avelino Bangueses Bande, en representación da parte social, e Xan Losada González, como asesor pola central sindical CIG en representación da parte social, e de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordenar a súa inscrición no libro de rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.
Segundo.-Ordenar o seu depósito no Servizo de Relacións Laborais, Unidade de Mediación, Arbitraxe e Conciliación.
Terceiro.-Dispoñer a súa publicación no Diario Oficial de Galicia.
Ourense, 15 de xuño de 2004.
José Lage Lage
Delegado provincial de Ourense
Convenio colectivo para a empresa
Teydesa Conectores, S.A. para o ano 2004
Capítulo I
Artigo 1º.-Ámbito de aplicación.
De acordo co establecido no título III do Real decreto lexislativo 1/1995, do 24 de marzo, que aproba o texto refundido da Lei do Estatuto dos traballadores, este convenio afectará a totalidade dos empregados e asalariados da empresa.
Sen prexuízo do anteriormente exposto, e tendo en conta as especiais circunstancias e características do persoal, que a continuación se enumeran, quedará fóra do ámbito de aplicación deste convenio o persoal que realiza traballos de alta dirección ou alta xestión na empresa.
Artigo 2º.-Vixencia, duración e prórroga.
Este convenio aplicarase unha vez que sexa homologado pola autoridade laboral; agora ben, os seus efectos económicos retrotraeranse ao día 1 de xaneiro de 2004, independentemente da data da súa publicación no BOP. A súa duración será desde o día 1 de xaneiro de 2004 ata o 31 de decembro de 2004.
Non obstante, entenderase automaticamente prorrogado de ano en ano, ata que unha das partes o denuncie expresamente, de conformidade coa lexislación vixente, e cunha antelación mínima de dous meses ao termo da vixencia deste convenio ou da prórroga en curso.
Na denuncia deberase facer constar:
-Ámbito de aplicación do novo texto do convenio.
-Materias de negociación debidamente analizadas.
-Representación que desempeña o denunciante.
-Igualmente sinálase que durante o tempo que medie entre a data do remate dos efectos do convenio e a entrada en vigor dun novo convenio que o substitúa, enténdese prorrogado para todos os efectos este convenio.
Artigo 3º.-Compensación e absorción.
As melloras resultantes de aplicación deste convenio poderán ser absorbidas ou compensadas ata onde alcance o cómputo anual con aqueloutras condicións de índole superior que estean establecidas pola empresa, agás pacto expreso en contrario, todo isto de conformidade co preceptuado no decreto de ordenación do salario e disposicións concorrentes.
Artigo 4º.-Xornada de traballo.
A xornada de traballo será de 40 horas semanais, de luns a venres, e en ningún caso a devandita xornada poderá superar un cómputo anual de 1.784 horas.
Dentro do cómputo de traballo efectivo entenderase por comprendidos os tempos horarios empregados nas xornadas continuadas como descanso e outras interrupcións, cando por normativa legal o acordo entre as dúas partes ou pola propia organización do traballo se entendan integradas na xor
nada diaria de traballo. A este respecto establécese un período mínimo de descanso de 15 minutos.
O horario establécese de luns a venres, agás o personal a quendas, que teña necesidade de compensación de horas, que de ser o caso, poderá traballar o sábado ata compensar a xornada.
Para adaptar a xornada anual, establécense os seguintes días libres remunerados: 23 de febreiro, 11 de outubro, 12 de novembro, 7, 24 e 31 de decembro; estes días poderán ser cambiados por acordo entre empresa e traballadores.
Artigo 5º.-Vacacións.
O período de vacacións será de 30 días naturais, sendo o salario que percibirán durante elas igual ao dunha nómina normal de mes.
O período de desfrute das vacacións será preferentemente nos meses de verán, debendo coñecer o traballador cunha antelación mínima de dous meses a data de inicio de desfrute. Fixaranse de común acordo entre a empresa e o traballador, e salvo acordo entre as dúas partes serán rotativas, e sempre que non afecten os progamas de produción da empresa.
Artigo 6º.-Salario e outros conceptos retributivos.
Os salarios bases establecidos para cada categoría profesional son os que se fixan no anexo que se achega, primeira columna.
A gratificación de carencia de incentivos aboarase pola segunda columna do anexo salarial e por día efectivo de traballo, entendendo o sábado como día efectivamente traballado.
Artigo 7º.-Permisos retribuídos e non retribuídos.
Establécese un permiso retribuído nos casos que se indica ou polo período que a continuación se sinala:
-Por matrimonio do traballador: 15 días naturais.
-Por matrimonio de fillos: dous días naturais.
-Por nacemento de fillos: catro días naturais.
-Por morte ou enfermidade grave do cónxuxe, pais, irmáns, pais politicos, avós, netos e fillos: o tempo necesario, como mínimo dous días hábiles.
-Pola morte de irmáns políticos, avós políticos: 2 días naturais.
-Pola morte de tíos e sobriños: dous días naturais.
-Pola morte de tíos políticos: un día natural.
-Por consulta médica: o tempo necesario con xustificación.
A asistencia a exames, entregando xustificación, será sen dereito a retribución, e concedida polo tempo necesario para a súa realización.
Artigo 8º.-Desprazamentos e axudas de custo.
Se por razóns técnicas e organizativas a empresa ten que trasladar os seus produtores a prestar servizos a outros centros de traballo, aboaralles por axuda de custo completa a cantidade de 22,64 euros e por media axuda de custo 11,33 euros.
Artigo 9º.-Traballos especiais.
Aplicarase o preceptuado no artigo 77 da ordenanza laboral para a industria siderometalúrxica, sendo as porcentaxes do 25, 30, e 35%, en lugar das sinaladas na mencionada norma.
Artigo 10º.-Comité de seguridade e hixiene.
A empresa obrígase ao cumprimento inescusable das normas de seguridade e hixiene no traballo, en materia de aseos, vestiario, dotacións sanitarias de urxencia, duchas, etc, de conformidade coa ordenanza de seguridade e hixiene vixente. Para tal efecto designaranse dous membros como vixilantes de seguridade e hixiene, que serán elixidos polos traballadores fixos do cadro de persoal.
As funcións do comité de seguridade e hixiene serán asegurar os dereitos dos traballadores en canto ás cuestións relacionadas coa seguridade e hixiene no traballo fixadas pola lei ou convenio entre ambas as partes. Os membros do comité non terán dereito a horas retribuídas.
Artigo 11º.-Período de proba.
O período de proba será de 15 días para os seguintes traballadores: peón, especialista, oficial de 3ª, oficial de 2ª, e oficial de 1ª. Para as demais categorías aplicarase o establecido no Estatuto dos traballadores.
Artigo 12º.-Roupa de traballo.
Ao persoal afectado por este convenio entregaralle a empresa unha peza de roupa de traballo ou funda cada seis meses, sendo obrigatorio o seu uso cando o traballo o requira. As devanditas pezas de roupa serán en todo momento propiedade da empresa, e o traballador está obrigado á boa conservación e uso, podendo a empresa facer constar nas devanditas pezas o anagrama ou actividade dela.
Así mesmo, segundo o posto de traballo, a empresa daralle os elementos e medios necesarios exixidos legalmente para protección, debendo utilizalos o traballador na realización das súas tarefas.
Artigo 13º.-Gratificacións extraordinarias.
O persoal afecto ao presente convenio percibirá dúas pagas extraordinarias que se farán efectivas o 15 de xullo e o 22 de decembro.
A súa contía será dunha mensualidade de salario real.
Artigo 14º.-Antigüidade.
Este complemento salarial de carácter persoal, consistirá en quinquenios, de contía do 6% do salario base:
Artigo 15º.-Gratificacións de toxicidade e penosidade, penosidade e nocturnidade.
Aboaranse de acordo co disposto na ordenanza laboral siderometalúrxica e disposicións concordantes.
Artigo 16º.-Incapacidade laboral transitoria.
O persoal que se atope en situación de IT derivada de enfermidade común, a partir do primeiro día do
segundo mes, percibirá o 100% do seu salario; no caso de hospitalización, desde o primeiro día percibirá o 100%. No caso de ser a primeira baixa do ano por enfermidade común o traballador percibirá o 75% os tres primeiros días da baixa.
Cando esta situación derive de accidente de traballo ou accidente in itinere, desde o primeiro día aboaráselle o 100% do salario.
Artigo 17º.-Horas extraordinarias.
Axustaranse ao disposto no artigo 35 do Estatuto dos traballadores.
Artigo 18º.-Póliza de seguros.
A empresa concertará unha póliza de seguros que cubra as seguintes indemnizacións:
-Accidente laboral ou común do que derive a morte do traballador: 27.045,54 euros.
-Ídem anterior do que derive a situación de incapacidade permanente, total ou absoluta ou grande invalidez: 27.045,54 euros.
-Ao persoal de nova incorporación non lle será de aplicación a póliza antes sinalada, ata transcorridos trinta días desde a contratación.
Artigo 19º.-Premios de xubilación.
-Xubilación aos 60 anos: 6 mensualidades.
-Xubilación aos 61 anos: 5 mensualidades.
-Xubilación aos 62 anos: 4 mensualidades.
-Xubilación aos 63 anos: 3 mensualidades.
Aos devanditos premios só terán dereito aqueles traballadores que teñan na data do feito máis de dez anos de antigüidade na empresa.
Artigo 20º.-Gratificación de carencia de incentivos.
Establécese o aboamento desta gratificación como prima de produtividade e asistencia, ao non ter a empresa regulamentada a retribución en función de rendemento. O dereito de percibo desta gratificación perderase totalmente ou parcialmente polas seguintes causas:
a) O 25% da gratificación de carencia de incentivos correspondente ao salario do día por falta de puntualidade de ata 5 minutos. A reincidencia deste tipo de falta gravarase co 50%.
b) O 75% da gratificación de carencia de incentivos correspondente ao salario do día por falta de puntualidade superior a 5 minutos e ata media hora.
c) O 100% por máis de media hora sen chegar a un día completo.
d) O correspondente a 2 días por cada falta de asistencia.
e) O abandono do traballo antes da hora sinalada, a non incorporación á hora xusta de comezalo e as interrupcións inxustificadas consideraranse como faltas de puntualidade para estes efectos.
Artigo 21º.-Produtividade.
O sistema de traballo que se vaia empregar será de libre iniciativa da empresa, debendo axustarse
ao previsto neste convenio e a lexislación concordante, sen prexuízo da posterior aprobación da autoridade laboral competente.
A actividade normal de traballo é a desenvolvida polo operario medio que actúa baixo unha dirección competente, pero sen estímulo dun sistema de renumeración por rendemento e sen coacción ningunha, isto é, a cantidade de traballo desenvolvida efectivamente por un obreiro capacitado realizando unha actividade mínima normal equivalente a 4,800 km/hora e que se determinara por unha correcta cronometraxe.
A actividade normal vén determinada por 100 unidades centesimais ou 60 puntos Bedaux ou o seu equivalente noutros sistemas de medición que sexan aceptados internacionalmente.
A actividade óptima é a que pode desenvolver un traballador activo adestrado no traballo e que logre nel con seguridade un nivel de calidade e precisión fixados pola tarefa. Esta actividade está valorada en 140 unidades centesimais ou 80 Bedaux ou o seu equivalente. Será sancionable todo traballador que non alcance a actividade normal durante tres días consecutivos ou cinco alternos no período de 30 días. En cada caso, a empresa para os efectos de sanción, apreciará a gravidade da falta á vista dos feitos producidos. Así mesmo, será obxeto de sanción o produtor que de maneira reiterada manteña unha actividade inferior á normal.
Establécese especificamente que a facultade de organización práctica do traballo corresponde á dirección da empresa trala ausencia; sinálase entre outras as seguintes funcións:
a) Exixencia da actividade normal fixada polo convenio.
b) Adxudicación do número de máquinas ao traballador a rendemento normal.
c) Mobilidade e cambio de persoal nas empresas de acordo coas necesidades de organización da produción na forma sinalada regulamentariamente.
De establecer a empresa un sistema de traballo incentivado, a actividade normal comprenderá a gratificación de carencia de incentivos fixada no anexo. Unha vez aprobado o sistema de traballo incentivado, non poderán aplicarse penalizacións ata trascorridos tres meses desde a data de implantación do sistema, considerándose o devandito espazo de tempo como período de proba.
En ningún caso poderá penalizarse a falta de produtividade e a falta de puntualidade e asistencia á vez.
Artigo 22º.-Medidas de fomento do emprego e da contratación laboral.
O contrato de duración determinada da modalidade de eventual por circunstancias da produción, acumulación de tarefas ou excesos de pedidos, regulado polo artigo 15.1º b) do Estatuto dos traballadores, segundo a redacción establecida pola Lei 63/1997, poderá ter unha duración máxima de 12 meses dentro dun período máximo de 18 meses.
Esta duración máxima será aplicable tanto aos novos contratos desta modalidade asinados a partir da entrada en vigor deste convenio como ás prórrogas dos contratos de traballo vixentes antes da súa entrada en vigor.
Artigo 23º.-Gratificación de xefe de equipo.
De acordo co establecido no artigo 79 da ordenanza laboral de siderometalúrxica, o xefe de equipo percibirá unha gratificación consistente nun 20% sobre o salario base da súa categoría.
Artigo 24º.-Excedencias.
Poderana solicitar todos os traballadores que leven un mínimo dun ano ao servizo da empresa. A duración da excedencia poderá ser dun ano a cinco anos. A petición de excedencia farase por escrito cun mes de antelación e será resolta pola empresa afirmativamente cando non se cubrira con contrato de interino; nos demais casos ateranse ao disposto no Estatuto dos traballadores.
Artigo 25º.-Traballo da muller.
Se a realización das tarefas consideradas tóxicas, penosas, molestas ou insalubres afectara á situación de embarazo ou maternidade, terán que ser excluídas para a muller.
Artigo 26º.-Servizo militar.
Durante o tempo que se preste servizo militar ou social voluntario e obrigatorio, o traballador terá dereito á reserva do posto de traballo, que se entenderá 20 días despois de licenciado, e á percepción das pagas extras, na mesma contía que se estivera traballando.
Artigo 27º.-Reserva do posto de traballo no caso de invalidez provisoria.
Os traballadores que cesaran na empresa por causas de invalidez provisoria teñen dereito a ser declarados aptos para o traballo e ser reintegrados no posto de traballo que con carácter normal ocupaban na empresa na data na que causaron baixa ou no posto adecuado as súas condicións. Será preciso que o traballador o solicite da empresa dentro do mes seguinte á data da súa declaración de aptitude.
Artigo 28º.-Revisión médica do persoal.
A empresa efectuará unha revisión médica anual a todos os traballadores do cadro de persoal. Estas revisións serán a cargo da mutualidade correspondente ou da propia Seguridade Social.
Disposicións transitorias
Primeira.-O aumento deste convenio para o ano 2004 será do 3,5% sobre os conceptos retributivos da táboa salarial (salario base e gratificación de carencia de incentivos) tomada como base para esta negociación.
Establécese unha claúsula de revisión; no caso de que ao final de ano o IPC supere o 3%, actualizaranse as táboas de salarios ata o IPC real con carácter retroactivo.
Segunda.-Os efectos económicos deste convenio retrotraeranse ao 1 de xaneiro de 2004, e aboaranse na nómina do mes seguinte á súa publicación no BOP.
Terceira.-As partes asinantes deste convenio son: pola parte económica José María Sargatal Raskonit e pola parte social Avelino Bangueses Bande, como delegado de persoal, e Xan Losada González, como asesor pola CIG.
Cuarta.-En todo o non previsto no texto deste convenio, será norma supletoria a ordenanza laboral das industrias siderometalúrxicas e a lei pola que se aproba o Estatuto dos traballadores, e disposicións concordantes.
ANEXO
Táboa salarial 2004
Grupos e categorías profesionais Salario base Gratif. carencia de incentivos
* Persoal obreiro
Peón 22,38 5,86 Lavador 22,38 5,86 Especialista 22,41 6,15 Oficial de 3ª 22,45 6,38 Oficial de 2ª 22,48 6,77 Oficial de 1ª 22,50 7,76 Oficial de 1ª montador 22,50 8,31 Traballador menor de 18 anos 13,38 3,38
* Persoal subalterno
Almaceneiro 22,38 5,86 Probador 22,52 6,77 Listeiro 22,45 6,38 Recepcionista 22,38 5,86 Pesador de báscula 22,38 5,86 Vixilante 22,38 5,86 Ordenanza 22,38 5,86 Porteiro 22,38 5,86 Conserxe 21,52 5,63 Chofer turismo 22,49 6,77 Chofer camión 22,50 7,79 Dependente aux. maior 25 anos 22,45 6,38 Dependente principal maior 25 anos 22,45 6,38 Telefonista 22,52 6,38
* Persoal técnico
Mestre de taller 28,08 8,39 Xefe de taller 28,09 9,84 Contramestre 28,09 8,39 Encargado 28,09 8,39 Titulado medio 28,09 9,84 Titulado superior 29,38 10,35 Delineante proxectista 25,50 10,35 Delineante de 1ª 25,47 7,74 Delineante de 2ª 22,50 7,76 Calcador reprodutor 22,45 6,38 Técnico de laboratorio 25,51 8,39 Analista 24,53 8,07
* Persoal administrativo
Auxiliar administrativo 22,45 6,38 Oficial administrativo de 1ª 22,50 7,77 Oficial administrativo de 2ª 22,49 6,77 Xefe administrativo de 1ª 22,50 8,31 Xefe administrativo de 2ª 22,50 7,79 Caixeiro 22,49 6,77 Xefe de almacén 22,50 7,79 Xefe de contabilidade 22,50 8,31 Vixilante e vendedor 21,83 6,38 Xefe de laboratorio 28,09 9,84 ATS 28,09 9,84
