Con data do 12 de marzo de 2004 subscribiuse entre a Consellería de Innovación, Industria e Comercio e as empresas avaliadoras da conformidade un convenio aberto de colaboración para o fomento da certificación dos sistemas de xestión en Galicia, que foi publicado no DOG nº 65, do 2 de abril de 2004.
Na cláusula terceira do convenio considérase a posibilidade de adherirse a este aquelas certificadoras que o soliciten e reúnan os requisitos exixidos no convenio. Conforme o establecido na dita cláusula as certificadoras Asociación de Investigación Técnica de las Industrias de la Madera y Corcho (AITIM) e European Quality Assurance Spain, S.L. (EQA), presentaron solicitude de adhesión ao dito convenio aberto.
Vista a documentación remitida por ambas as dúas certificadoras, o conselleiro de Innovación, Industria
e Comercio resolveu adherir a Asociación de Investigación Técnica de las Industrias de la Madera y Corcho (AITIM) con CIF: G-28194603 representada por Mariano Hervás Vázquez, e a European Quality Assurance Spain, S.L. (EQA) con CIF: B-81584989 representada por Gustaf Horn Af Aminne ao convenio aberto de colaboración entre a Consellería de Innovación, Industria e Comercio e as empresas avaliadoras da conformidade para o fomento dos sistemas de xestión en Galicia, do 12 de marzo de 2004.
Cumprida a tramitación regulamentaria procede a publicación no Diario Oficial de Galicia da devandita adhesión co fin de dar publicidade a este feito.
O que se fai público para os efectos oportunos.
Santiago de Compostela, 30 de xullo de 2004.
José Manuel González González
Director xeral de Tecnoloxía e Desenvolvemento
Sectorial