Dentro das actividades programadas para o ano 2004 en colaboración coa Deputación Provincial de Pontevedra, en virtude do convenio de formación asinado entre a Consellería de Xustiza, Interior e Administración Local e a Deputación Provincial de Pontevedra, anúnciase a realización dun curso de actualización en materia penal, que deberá desenvolverse conforme as seguintes bases:

Obxectivos:

-Coñecer as novidades habidas na normativa penal e procesual-penal que teñan maior incidencia na operativa diaria das policías locais.

-Saber qué cambios se introducen coa nova reforma do Código Penal e a afectación sobre o traballo policial que vai supor a súa entrada en vigor.

Publicación:

Esta actividade formativa, e tamén todas aquelas que se desenvolvan en colaboración coa Deputación Provincial de Pontevedra, será obxecto de publicación no Diario Oficial de Galicia e no BOP de Pontevedra.

Destinatarios:

O curso vai dirixido aos membros dos corpos de policía local da provincia de Pontevedra.

Inscrición:

A inscrición dos participantes será totalmente gratuíta.

Prazas:

30 prazas.

Solicitudes:

1. O persoal que desexe participar neste curso deberá presentar, cuberta á máquina ou con letra moi clara, a instancia que figura no anexo.

2. O prazo para a presentación de instancias rematará o día 23 de setembro de 2004, ás 14.00 horas.

3. As instancias deberán enviarse á Deputación Provincial de Pontevedra-Área de Recursos Humanos e Formación (fax: 986 80 41 41), avenida Montero Ríos, s/n, 36001 Pontevedra; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

Datas:

O curso realizarase do 4 ao 8 de outubro de 2004.

O horario será de 16.30 a 20.30 horas.

Contido:

O curso desenvolverase en sesións de tarde, de luns a venres, e nel trataranse os seguintes módulos:

I. A reforma do Código Penal: novidades máis importantes que presenta esta reforma, que entrará en vigor en outubro de 2004.

II. Actualización na operativa policial referida aos xuízos rápidos.

Relación de admitidos:

A relación de admitidos farase pública o día 24 de setembro a partir das 14.00 horas, tanto pola Deputación Provincial de Pontevedra como pola Academia Galega de Seguridade, que os interesados poden coñecer e confirmar a súa asistencia chamando aos teléfonos 986 59 00 21 (AGS) ou 986 80 41 00, ext. 306/307 (Área de Recursos Humanos e Formación da Deputación Provincial de Pontevedra).

Lugar:

O curso desenvolverase no concello de Sanxenxo, no Auditorio Municipal do Pazo Emilia Pardo Bazán, avda. Miraflores, s/n.

Certificado de asistencia:

Ao remate do curso entregaráselles un certificado de asistencia a aquelas persoas que acrediten a súa participación continuada a el.

Modificacións:

Tanto a Academia Galega de Seguridade como a Deputación Provincial de Pontevedra, se é o caso, poderán modificar o desenvolvemento do curso para adaptalo ás necesidades da Administración e ás continxencias que poidan xurdir.

A Estrada, 3 de agosto de 2004.

Juan José Fariñas-Ferro Rodríguez

Director xeral da Academia Galega de Seguridade