Visto o texto do convenio colectivo da empresa Alonarti Envases, S.A., con número de código 3602992, que tivo entrada no rexistro único do edificio administrativo da Xunta de Galicia en Vigo o día 14-6-2004, subscrito en representación da parte económica pola representación da empresa, e da parte social, polo comité de empresa, en data 31-5-2004. De conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordenar a súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordenar o seu depósito no Servizo de Relacións Laborais, Sección de Mediación, Arbitraxe e Conciliación.
Terceiro.-Dispoñer a súa publicación no Diario Oficial de Galicia.
Vigo, 21 de xuño de 2004.
Joaquín Macías Sánchez
Delegado provincial de Pontevedra
Convenio colectivo da empresa
Alonarti Envases, S.A.
Artigo 1º.-Partes asinantes e ámbito.
Son partes asinantes do presente convenio colectivo, pola parte económica, a representación da empresa Alonarti Envases, S.A. (centro de Vigo), e pola parte social, o comité de Alonarti Envases, S.A. (centro de Vigo).
Este convenio, que se concerta entre a representación económica e social da empresa referida, será de aplicación a todo o seu persoal no centro de traballo de Vigo.
Artigo 2º.-Vixencia.
O presente convenio terá vixencia desde o 1 de xaneiro de 2004 ata o 31 de decembro de 2004. Calquera que for a data do seu asinamento ou publicación no Diario Oficial de Galicia, os efectos económicos retrotraeranse, en todo caso, ao 1 de xaneiro de 2004.
Este convenio prorrogarase por un ano máis, salvo denuncia dalgunha das partes, cun mes de anticipación á fin da súa vixencia. Denunciado o convenio, subsistirán os seus preceptos ata a entrada en vigor do que o substitúa.
Artigo 3º.-Normas supletorias.
Serán as de carácter xeral.
Artigo 4º.-Dereitos adquiridos.
Este convenio garante como mínimo as condicións existentes, aplicándose sobre elas os seus beneficios.
Respectaranse os dereitos adquiridos e condicións máis beneficiosas que están establecidas na empresa á entrada en vigor deste convenio.
Artigo 5º.-Xornada e vacacións.
A xornada anual será de 1.768 horas de traballo efectivo e as vacacións anuais en 30 días ininterrompidos. A xornada diaria efectiva será de 8 horas de traballo.
Os días establecidos como descanso ou vacacións serán retribuídos como tempo efectivo de traballo.
Artigo 6º.-Xornada nocturna.
Establécese un complemento de nocturnidade, como complemento de posto de traballo para os traballadores que presten os seus servicios en quenda de noite, consistente, para o ano 2004, nun 18% sobre o salario base que corresponda en cada caso e por noite efectivamente traballada.
Malia o anterior, recoñécese o dereito adquirido de maneira expresa e a favor dos traballadores fixos do cadro de persoal á entrada en vigor do convenio para 1997 de que a referida porcentaxe sexa un 25% en lugar do 18% de 2004. Tamén se recoñece o dereito adquirido aos mesmos traballadores que, prestando normalmente os seus servizos en quenda de día e temporalmente pasen, por requirimento da empresa, á quenda de noite, a percibir, ademais do complemento citado, os seguintes complementos por noite efectivamente traballada: para dúas semanas consecutivas ou menos de traballo en quenda de noite: 19,909 A por noite efectivamente traballada. Para máis de dúas semanas consecutivas de traballo na quenda de noite: 18,030 A por noite efectivamente traballada. Nestas circunstancias, o paso á quenda de noite será voluntario.
O paso dun destes traballadores fixos da quenda de día, co dereito adquirido descrito, a fixos da quenda de noite, exixirá o previo acordo do interesado coa empresa respecto das condicións de remuneración do seu traballo como fixo da quenda de noite.
Artigo 7º.-Salario.
O importe do salario base, para o ano 2004, será o que figura nas táboas anexas.
Artigo 8º.-Pagas extraordinarias.
Todo o persoal percibirá 2 pagas extraordinarias, unha no mes de xullo, pagadoira na primeira quincena, e outra en decembro, pagadoira do 15 ao 18, cun importe de 30 días de salario base, máis, de ser o caso, a antigüidade que corresponda.
Artigo 9º.-Beneficios.
Todo o persoal percibirá unha gratificación anual que se devengará semestralmente, do 15 ao 20 dos meses de xaneiro e xullo. En xaneiro a correspondente ao segundo semestre do ano anterior e en xullo, a do primeiro semestre do ano que corre. Consistirá no 10% sobre o salario base, sobre a antigüidade, se é o caso, e sobre as dúas pagas extra efectivamente percibidas.
Artigo 10º.-Accidente laboral.
As baixas por accidente laboral non darán lugar á perda da paga de beneficios, a cal se percibirá como se se traballase.
Ademais, para os accidentes que dean lugar a IT, ocorridos dentro do recinto da empresa ou durante as horas en que estea a prestar servizo á empresa, completarase a prestación da Seguridade Social por accidente laboral ata o 100% da base reguladora a partir do 4º día de baixa, incluído. En caso de hospitalización dos 4 primeiros días, completarase ao 100% a prestación desde o primeiro día. Para este complemento a cargo da empresa, establécese un límite de duración de 18 meses desde o inicio da baixa, coincidindo co período máximo de IT establecido na lei.
Artigo 11º.-Antigüidade.
Acordan as partes que a partir do día de entrada en vigor do convenio para 1997, desaparecerá o concepto retributivo de antigüidade, salvo para as persoas a prol das cales se recoñece a continuación o seguinte dereito adquirido: recoñécese de maneira expresa e formal a prol de todos os traballadores fixos do cadro de persoal á entrada en vigor do convenio de 1997 e que estean a prestar servizos para a empresa o dereito adquirido ás percepcións polo extinguido concepto de antigüidade.
Este dereito adquirido esténdese non só a seguir devengando no futuro as cantidades que ata a data viñan percibindo por este concepto, senón a que sigan xerando quinquenios, cos correspondentes devengos, ata chegar ao límite máximo de cinco quinquenios. O réxime destas percepcións por antigüidade, para quen teña o dereito adquirido a elas, seguirá sendo o mesmo que existía ata o de agora, e sobre estas percepcións seguiranse aplicando os incrementos que se pacten nos futuros convenios colectivos.
Artigo 12º.-Horas extraordinarias.
Tenderase á supresión das horas extra que non veñan impostas por causas de forza maior ou que teñan o carácter de estruturais. Enténdese por horas extra estruturais:
a) As que veñan exixidas pola necesidade de reparar sinistros e outros danos extraordinarios e urxentes.
b) As necesarias por pedidos imprevistos ou períodos punta de produción, ausencias imprevistas, cambios de quenda e outras circunstancias de carácter estrutural derivadas da natureza da actividade de que se trate. As de mantemento, sempre que non poidan ser substituídas pola utilización das distintas modalidades de contratación previstas legalmente.
Terán a consideración de horas extra festivas aquelas que se realicen en sábado ou nos días festivos declarados legalmente, e retribuiranse na contía establecida na táboa anexa ao presente convenio.
En todas as horas extra retribuídas que se realicen cada día, o traballador percibirá, ademais do valor da hora extra pactado en convenio, e co obxecto de axudar a todos os gastos en que puidese incorrer o traballador como consecuencia da realización das ditas horas, os seguintes complementos:
-Ata 4 horas: 3,189 A/hora.
-Máis de 4 horas: 12,762 A/día.
Se as horas extra se realizan entre as 22.00 horas e as 6.00 horas do día seguinte, ademais do complemento anterior o traballador percibirá o valor da hora extra pactado na táboa, incrementado nun 25% en concepto de nocturnidade.
O importe das horas extraordinarias será o que figura na táboa anexa.
Artigo 13º.-Falecemento dun traballador.
En caso de falecemento dun traballador, a empresa aboaralle ao seu cónxuxe, no seu defecto aos fillos e no seu defecto aos pais, nesta orde e sempre que dependan economicamente do traballador falecido, as cantidades que se relacionan segundo as seguintes causas:
a) Se o falecemento é debido á enfermidade ou accidente non laboral: 3.421,26 A.
b) Se o falecemento é debido a accidente laboral: 5.909,45 A.
Artigo 14º.-Categorías profesionais.
Substitúese a categoría de aprendiz menor de 18 anos pola de aprendiz, cos salarios que figuran na táboa anexa.
Os especialistas de 2ª serán promovidos á categoría de especialistas de 1ª como máximo aos 6 meses de antigüidade na empresa.
Os porteiros e serenos equipáranse como mínimo a especialistas de 1ª en categoría e retribución.
Artigo 15º.-Roupa de traballo.
As empresas proverán os seus traballadores da roupa necesaria para o exercicio do seu labor e esta non poderá ser inferior a dúas pezas ao ano.
Artigo 16º.-Complemento de asistencia e puntualidade.
Calcularase como o 10% do salario base, para o ano 2004.
Computarase por períodos semanais e terá dereito a el o persoal que non cometese máis dunha falta de asistencia ou puntualidade durante o dito período e alcanzará aos días traballados máis domingos e festivos.
Malia o exposto no parágrafo anterior, o dito complemento percibirase igualmente nos seguintes supostos:
a) Cando o traballador se ausente para cumprir funcións de carácter sindical.
b) Durante os períodos regulamentarios de vacacións.
c) Cando o traballador se ausente por causas de citacións xudiciais ou gobernativas ou para asistir a algún exame por estudos oficiais, mesmo o obrigatorio para obter o permiso de conducir e para a obtención ou renovación do DNI.
d) Durante os días traballados na semana na que se produza a baixa ou a alta, orixinados por causa de accidente laboral.
e) Por asistencia á consulta médica.
f) Durante os días en que o traballador estea ausente con permiso por causa de morte dos pais, cónxuxe,
fillos, avós, netos e irmáns. En caso de convivencia co traballador, calquera persoa.
g) Durante o permiso motivado por parto de esposa, intervención cirúrxica ou enfermidade grave dos familiares comprendidos na alínea f).
Artigo 17º.-Traballos tóxicos, penosos e perigosos.
Os traballadores que viñeran prestando servizos para as empresas o 1 de xaneiro de 1996 e que, conforme o artigo 60 da Ordenanza laboral para a industria metalgráfica, viñan percibindo o complemento de traballos tóxicos, penosos e perigosos na contía establecida no anterior convenio, conservarán o dito dereito malia a derrogación da ordenanza, percibindo o complemento na contía do ano anterior, incrementada coa mesma porcentaxe pactada para a táboa salarial do convenio.
Artigo 18º.-Incapacidade permanente parcial.
Cando ao traballador lle sexa declarada unha incapacidade permanente parcial para a súa profesión habitual, a empresa terá a obriga de o admitir e lle proporcionar traballo que non lle supoña diminución na súa remuneración, a cal se deberá manter na contía íntegra que lle corresponda, segundo a súa categoría profesional.
Artigo 19º.-Axuda escolar.
Todos os traballadores terán dereito a percibir por cada fillo escolarizado a cantidade de 19,789 A mensuais, durante os doce meses do ano, e na idade de 3 a 24 anos, logo de xustificación.
Artigo 20º.-Axuda a minusválidos.
Os traballadores con fillos beneficiarios da prestación de minusvalidez da Seguridade Social percibirán da empresa unha axuda de 139,038 A mensuais.
Artigo 21º.-Xubilacións.
Os traballadores que se xubilen entre os 60 e os 65 anos percibirán da empresa as cantidades que se detallan na seguinte escala:
Aos 60 anos: 6.064,96 A.
Aos 61 anos: 5.256,30 A.
Aos 62 anos: 4.603,15 A.
Aos 63 anos: 3.950 A.
Aos 64 anos: 3.452,36 A.
Aos 65 anos: 2.954,73 A. Para este caso, establécese unha marxe máxima de tres meses, cumprida a idade, para devengar o premio.
En caso de xubilación parcial, a empresa aboará as cantidades anteriores segundo a idade e en proporción á porcentaxe de xubilación en cada caso.
Artigo 22º.-Baixas por incapacidade permanente absoluta.
Os traballadores que causen baixas por incapacidade permanente, no grao de absoluta, por proposta da comisión técnica cualificadora provincial ou central da Seguridade Social, percibirán por parte da empresa 3.421,26 A por unha soa vez, calquera que sexa a súa idade.
Artigo 23º.-Ausencias retribuídas.
O traballador, avisando coa posible anticipación e xustificándoo, poderá faltar ou ausentarse do traballo
con dereito a remuneración, por algún dos motivos e durante o tempo que a seguir se expón:
a) Durante tres días, que se poderán ampliar ata dous máis, cando o traballador necesite realizar un desprazamento para:
Nos casos de parto da esposa, enfermidade grave ou falecemento do cónxuxe, fillos, pai ou nai, netos, avós e irmáns. En caso de convivencia co traballador, calquera persoa.
b) Durante un día por traslado do seu domicilio habitual.
c) Un día natural en caso de matrimonio de fillos, irmáns ou pais.
d) O tempo necesario para o cumprimento de funcións de carácter sindical, nos casos representativos e non excedendo de 40 horas laborables ao mes.
e) As nais con fillos menores de nove meses terán unha redución dunha hora na xornada laboral, a cal será retribuída pola empresa.
f) A empresa aboará un permiso retribuído en 15 días naturais, en caso de matrimonio.
g) Acórdase que a empresa concederá permiso para as saídas ao médico de cabeceira da Seguridade Social, debidamente xustificadas, e serán retribuídas ata 20 horas ao ano. O traballador procurará, na medida do posible, non asistir a esas citas en horas de traballo.
Nos parentescos enténdese tanto nos graos de consanguinidade como de afinidade.
Artigo 24º.-Complemento de transporte.
Incrementarase para o 2004 no 3,0% sobre o que estivo en vigor no ano anterior.
Artigo 25º.-Maternidade.
As traballadoras en período de xestación poderán solicitar o cambio parcial ou temporal de posto de traballo, sempre que, a xuízo do médico de empresa e do seu xinecólogo, o posto que desempeña lle proporcione dificultades anormais.
A empresa complementará a traballadora desde a súa baixa por maternidade o 100% da base reguladora durante 16 semanas.
Artigo 26º.-Funcións do comité de empresa.
De acordo co convido nas leis, os comités terán facultades para interviren en materia de:
a) Negociación colectiva.
b) Seguridade e hixiene.
c) Expedientes de regulación de emprego.
d) Folga.
e) Seren informados trimestralmente pola empresa acerca da súa situación e marcha xeral.
E serán informados, do mesmo xeito, en materia de:
a) Mobilidade do persoal.
b) Imposición de sancións e despedimentos.
c) Evolución do emprego e horas extras.
A empresa facilitará un local para o funcionamento dos comités, dotado de arquivos para a súa documentación e máquina de escribir. Para a reprodución de circulares para o persoal, procurará facilitarlles o seu servizo de multicopista compatibilizándoo co traballo normal das oficinas.
Artigo 27º.-Asembleas.
Poderán ter lugar dentro dos locais da empresa, fóra de horas de traballo, cando o soliciten da empresa o comité ou o 20% dos traballadores, polo menos con 48 horas de anticipación á súa realización.
Mentres non se destine a outro fin, o local que cederá a empresa será o mesmo utilizado ata o de agora.
Artigo 28º.-Cota sindical.
A empresa descontaralles aos traballadores afiliados aos sindicatos con representación do 10% de delegados no comité e que pertenzan a centrais de ámbito nacional, de nacionalidade ou rexión, a cota sindical, logo de conformidade do interesado por escrito.
Os mencionados escritos dos traballadores terán unha vixencia mínima dun ano, salvo comunicación en contrario do interesado.
Artigo 29º.-Seccións sindicais.
Terán as seguintes garantías:
a) No suposto de medidas disciplinarias contra calquera afiliado, a empresa, xunto ao escrito de sanción ao interesado, entregará copia para a súa sección sindical.
b) Poderán difundir libremente as publicacións da súa central, cobrar cotas e afiliar, sen máis limitacións que a non obstaculización da produción.
c) As seccións sindicais coa representación mencionada no presente artigo poderán realizar asembleas fóra de horas de traballo, nos locais da empresa, logo de llo solicitar a esta.
d) As seccións sindicais de empresa que cumpran o 10% disporán para o conxunto dos seus afiliados de ata un máximo de 7 días anuais de licenza non retribuída, para asistencia a cursos, congresos, etc. dunha central.
A licenza requirirá notificación á empresa cunha semana de anticipación.
e) A empresa estará obrigada a conceder a excedencia polo tempo necesario para os traballadores que ocupen
un cargo sindical con carácter, como mínimo, provincial.
Artigo 30º.-Revisión salarial.
No caso de o índice de prezos de consumo (IPC) establecido polo Instituto Nacional de Estatística, rexistrar no 31 de decembro de 2004 un incremento respecto ao 31 de decembro de 2003 superior ao 2,4% (dous con catro por cento), efectuarase unha revisión salarial tan axiña como se constate oficialmente a dita circunstancia. Esta diferenza así calculada aplicarase sobre aqueles meses en que o seu IPC acumulado desde o 1-1-2004 supera a porcentaxe de referencia fixada do 2,4%.
Artigo 31º.-Comisión paritaria.
Crearase unha comisión paritaria integrada por tres representantes dos traballadores e tres representantes da empresa. Será presidida pola persoa que a mesma comisión designe por ambas as partes, podendo actuar a comisión sen presidente, se así se acordase.
Será función principal da comisión paritaria interpretar as cláusulas do convenio pronunciando unha arbitraxe nas cuestións controvertidas que se lle presenten.
Artigo 32º.-Retribución persoal feminino.
Aplicarase o establecido no artigo 28 do Estatuto dos traballadores.
Vigo, 31 de maio de 2004.
Por Alonarti Envases, S.A. (centro de Vigo):
-Pola empresa:
Javier Freitas.
Juan Ferradáns.
-Polos traballadores:
Dolores Miguéns Castro.
Vanessa Díaz Mariño.
Alberto González Docampo.
Antonio Piñeiro Pérez.
Rubén Alonso González.
ANEXO
Táboa salarial para o ano 2004
Categorías Táboa 2004 Táboa 2003
S.B. día/mes H.E. normal H.E. festiva H.E. noct. H.E. noct. F. S.B. día/mes H.E. normal H.E. festiva H.E. noct. H.E. noct. F.
Aprendiz 20,828 7,909 9,286 9,886 11,608 20,221 7,679 9,016 9,599 11,270
Peón 25,016 9,828 11,525 12,285 14,406 24,287 9,542 11,189 11,928 13,986
Especialista de 2ª 25,859 10,001 11,766 12,501 14,708 25,106 9,710 11,423 12,138 14,279
Especialista de 1ª 26,646 10,250 11,934 12,813 14,918 25,870 9,951 11,586 12,439 14,483
Oficial de 3ª 29,008 10,803 12,663 13,504 15,829 28,163 10,488 12,294 13,110 15,368
Oficial de 2ª 31,678 11,934 13,946 14,918 17,433 30,755 11,586 13,540 14,483 16,925
Oficial de 1ª 33,167 12,569 14,667 15,711 18,334 32,201 12,203 14,240 15,254 17,800
Of. es. litog. 34,910 13,537 15,812 16,921 19,765 33,893 13,143 15,351 16,429 19,189
Porteiro/sereno 26,646 10,250 11,934 12,813 14,918 25,870 9,951 11,586 12,439 14,483
Almaceneiro 29,008 10,803 12,663 13,504 15,829 28,163 10,488 12,294 13,110 15,368
Xefe de 1ª 1.150,860 14,834 17,323 18,543 21,654 1.117,340 14,402 16,818 18,003 21,023
Xefe de 2ª 1.082,247 14,834 17,323 18,543 21,654 1.050,725 14,402 16,818 18,003 21,023
Categorías Táboa 2004 Táboa 2003
S.B. día/mes H.E. normal H.E. festiva H.E. noct. H.E. noct. F. S.B. día/mes H.E. normal H.E. festiva H.E. noct. H.E. noct. F.
Oficial admtvo. de 1ª 1.008,834 12,569 14,667 15,711 18,334 979,450 12,203 14,240 15,254 17,800
Oficial admtvo. de 2ª 963,533 11,934 13,946 14,918 17,433 935,469 11,586 13,540 14,483 16,925
Auxiliar admtvo. 882,304 10,803 12,663 13,504 15,829 856,606 10,488 12,294 13,110 15,368
Telefonista 810,502 10,250 11,934 12,813 14,918 786,895 9,951 11,586 12,439 14,483
Delineante de 3ª 910,422 11,378 13,211 14,223 16,514 883,905 11,047 12,826 13,809 16,033
Delineante de 2ª 964,368 11,934 13,946 14,918 17,433 936,280 11,586 13,540 14,483 16,925
Delineante de 1ª 1.020,025 12,822 15,003 16,028 18,754 990,316 12,449 14,566 15,561 18,208
Mestre encargado 1.148,881 14,834 17,323 18,543 21,654 1.115,418 14,402 16,818 18,003 21,023
Encargado de sección 1.093,058 13,879 16,098 17,349 20,123 1.061,221 13,475 15,629 16,844 19,536
Titulado medio 1.150,860 14,834 17,323 18,543 21,654 1.117,340 14,402 16,818 18,003 21,023
Titulado superior 1.494,493 14,834 17,323 18,543 21,654 1.450,964 14,402 16,818 18,003 21,023
Para RU 1 Para RU 2
Categorías Q RU 1 ano 2004 RU 2 ano 2004 Cálculo por día e ano Cálculo por día e ano
1 hora-RU 1 Comp./vac. 1 hora RU 2 Comp./vac. 1 día=8 h 221 días 1 día=8 h 221 días
Oficial de 1ª 4 0,224 53,760 0,448 107,520 1,792 396,032 3,584 792,064
" 5 0,236 56,640 0,472 113,280 1,888 417,248 3,776 834,496
Oficial de 2ª 3 0,206 49,440 0,412 98,880 1,648 364,208 3,296 728,416
" 4 0,213 51,120 0,426 102,240 1,704 376,584 3,408 753,168
" 5 0,224 53,760 0,448 107,520 1,792 396,032 3,584 792,064
Oficial de 3ª 5 0,205 49,200 0,410 98,400 1,640 362,440 3,280 724,880
Especialista de 1ª 5 0,190 45,600 0,380 91,200 1,520 335,920 3,040 671,840
Categorías Q R1/2004 R2/2004
1 ano A 1 mes A 1 ano A 1 mes A
Xefe de 1ª 2 493,788 41,149
" 3 516,000 43,000
" 4 538,332 44,861
" 5 561,252 46,771
Of. admvo. 1ª 1 396,312 33,026
" 2 413,004 34,417
" 3 427,272 35,606
" 4 446,460 37,205
" 5 472,692 39,391
Enc. sección 5 526,356 43,863 1.052,796 87,733
Titulado sup. 2 667,404 55,617
" 3 697,488 58,124
" 4 727,896 60,658
" 5 757,824 63,152
Titulado med. 2 493,788 41,149
" 3 516,000 43,000
" 4 538,332 44,861
" 5 561,252 46,771 1.122,612 93,551
Delineante de 1ª 5 486,240 40,520