A importancia primordial que ten a profundización na cultura da calidade dentro do sistema universitario, déixase xa patente na exposición de motivos da Lei orgánica 6/2001, do 21 de decembro, de universidades. Entre os mecanismos deseñados por esta lei para o fomento da excelencia, sinálase como un dos máis importantes, o da procura da mellora da calidade na docencia e na investigación.
Cualifícase tamén o profesorado, na propia exposición de motivos, como a pedra angular da universidade, o que leva a esta lei a adoptar medidas consideradas unanimemente prioritarias para a comunidade universitaria, entre as que cabe destacar un novo deseño da carreira académica no que se procura un maior equilibrio e coherencia mediante a creación de novas figuras contractuais, nas que se introduce un baremo para a contratación, segundo
parámetros de calidade, por parte da Administración xeral do Estado, comunidades autónomas e as propias universidades.
Nesta dirección, tanto a Lei orgánica 6/2001, do 21 de decembro, de universidades, nos seus artigos 50 a 52, como o Decreto autonómico 266/2002, do 6 de setembro, de contratación de profesorado universitario, nos seus artigos 5 ao 7, exixen para a contratación de profesores axudantes doutores, profesores colaboradores e profesores contratados doutores polas universidades públicas, a previa avaliación positiva ou informe favorable da súa actividade docente e investigadora. Así mesmo, o número 2 do artigo 72 da citada lei orgánica establece que polo menos o 25 por 100 do profesorado das universidades privadas debe estar en posesión do título de doutor e, ademais, obtivesen tamén esta avaliación positiva ou informe favorable.
Estas funcións de avaliación e informe das actividades docentes, investigadoras e de xestión, para a contratación de profesorado universitario, previstas pola Lei orgánica 6/2001, de universidades, son,
a través do artigo 31 da LOU, atribuídas á Axencia Nacional de Avaliación da Calidade ou ao órgano de avaliación que a Lei das comunidades autónomas determine. A Axencia para a Calidade do Sistema Universitario de Galicia asume estas competencias, dentro do ámbito da súa Comunidade Autónoma, a través da disposición adicional vixésimo sétima da Lei 3/2002, do 29 de abril, de medidas de réxime fiscal e administrativo.
Definido este marco de actuación, a Consellería de Educación e Ordenación Universitaria publica as disposicións legais necesarias para poñer en marcha o programa de avaliación e informe para a contratación de profesorado universitario polas universidades do SUG, así pois:
A través da Orde do 1 de abril de 2003 establécense os criterios xerais de avaliación que deberá ter en conta a ACSUG para a emisión das avaliacións ou informes.
E a través do Decreto 270/2003, do 22 de maio, regulador da xa citada Axencia para a Calidade do Sistema Universitario de Galicia, por un lado, regúlase o procedemento para a obtención dos informes e avaliacións (título II), e por outro, créase a Comisión Galega de Informes, Avaliación, Certificación e Acreditación (CGIACA) (título III) que será, como o seu propio nome indica, o órgano encargado da emisión dos correspondentes informes e avaliacións exixidos, para o que contará co asesoramento de comités de expertos, que serán os que realicen as avaliacións dentro dos campos científicos nos que aquela se estrutura.
Así mesmo, establécese na disposición derradeira primeira deste decreto que os protocolos para avaliar ou informar as actividades docentes, investigadoras e de xestión dos profesores se regularán por orde.
Coa presente orde complétase o sistema para avaliar ou informar das actividades docentes, investigadoras e de xestión, para a contratación do profesorado polas universidades de Galicia, coa aprobación, por un lado, do protocolo para avaliar ou informar das actividades docentes, investigadoras e de xestión, para a contratación do profesorado polas universidades de Galicia, e por outro, dos baremos de puntuación que se deben ter en conta para a emisión dos respectivos informes e avaliacións, en función das distintas figuras contractuais existentes. Concrétanse así os criterios xerais de informe e avaliación aprobados na Orde do 1 de abril de 2003, ofrecendo deste xeito, aos administrados da nosa Comunidade Autónoma, un sistema de avaliación obxectivo, transparente e equilibrado, baseado nos principios de igualdade, mérito e capacidade e no que se evite na súa interpretación, todas as dúbidas e ambigüidades posibles.
En consecuencia co anteriormente sinalado, e unha vez informado polo Consello de Dirección da Axencia o protocolo, baremo e anexos establecidos por esta orde, esta consellería, facendo uso das atribucións que lle están conferidas na Lei 1/1983, do 22 de
febreiro, reguladora da Xunta de Galicia e do seu presidente, e en virtude do establecido na disposición derradeira segunda do Decreto 270/2003, xa mencionado
DISPÓN:
TÍTULO I
Disposicións xerais
Artigo 1º.-Obxecto.
1. Pola presente orde apróbanse os baremos de puntuación que se terán en conta para a avaliación dos méritos alegados polas persoas que, de conformidade coa Lei 6/2001, do 21 de decembro, de universidades, soliciten a previa e necesaria emisión da avaliación ou informe, para seren contratados polas universidades integrantes do Sistema Universitario de Galicia para as figuras de profesor axudante doutor, profesor contratado doutor, profesor colaborador e profesor de universidade privada, así como o protocolo que se debe seguir para a emisión da referida avaliación ou informe.
2. Non obstante, quedarán excluídos do regulado por esta orde os solicitantes que se atopen nalgún dos seguintes supostos:
a) Cando pertenzan ao corpo de catedráticos de universidade ou estean na situación administrativa e académica de atoparse habilitados para o dito corpo.
b) Cando pertenzan ao corpo de profesores titulares de universidade ou estean na situación administrativa e académica de atoparse habilitados para o dito corpo.
c) Cando pertenzan ao corpo de catedráticos de escola universitaria ou estean na situación administrativa e académica de atoparse habilitados para este corpo e soliciten emisión de informe para a contratación para a figura de proferor colaborador así como cando ademais posúan o título de doutor, e soliciten a avaliación para a contratación para as figuras de profesor axudante doutor, profesor contratado doutor e profesor de universidade privado.
d) Cando pertenzan ao corpo de profesores titulares de escola universitaria ou estean na situación administrativa e académica de atoparse habilitados para ese corpo e soliciten emisión de informe para a contratación para a figura de profesor colaborador, así como cando ademais posúan o título de doutor, e soliciten a avaliación para a contratación para a figura de profesor axudante doutor.
Artigo 2º.-Principios de actuación.
Tanto co protocolo como cos baremos de puntuación establecidos nesta orde perséguese establecer un sistema obxectivo, transparente e equilibrado, no que se teñen en conta as especialidades de cada figura contractual de profesorado, baseado nos principios de igualdade, mérito, capacidade e pleno sometemento a lei, cos que a CGIACA desenvolverá as súas funcións á hora de emitir os correspondentes informes ou avaliacións.
TÍTULO II
Protocolo de avaliación
Artigo 3º.-Solicitude de avaliación ou informe.
Poderase solicitar a avaliación ou o informe para todas as figuras para as que se considere que se reúnen os requisitos esxxidos polos artigos 5, 6 e 7 do Decreto 266/2002, do 6 de setembro, de contratación de profesorado, así como o establecido no artigo 72 da LOU.
Artigo 4º.-Requisitos previos para admisión a trámite da solicitude.
Os interesados, na data de presentación da solicitude, deberán reunir os seguintes requisitos para que a súa solicitude sexa admitida a trámite, que variarán en función da figura contractual para a que se pida a avaliación ou informe.
a) Para solicitar a avaliación para a figura de profesor axudante doutor será necesario:
-Ter o título de doutor.
-Acreditar ter realizado tarefas docentes e/ou investigadoras durante un período de dous anos.
b) Para solicitar o informe para a figura de profesor colaborador será necesario:
-Ter o título de licenciado, arquitecto, enxeñeiro, arquitecto técnico, enxeñeiro técnico ou diplomado universitario.
c) Para solicitar a avaliación para a figura de profesor contratado doutor será necesario:
-Ter o título de doutor.
-Acreditar, como mínimo, tres anos de actividade postdoutoral docente e investigadora, ou prioritariamente investigadora.
d) Para solicitar a avaliación para a figura de profesor de universidade privada será necesario:
-Ter o título de doutor.
-Acreditar actividade docente e investigadora.
Artigo 5º.-Presentación da solicitude e documentación.
1. A solicitudes presentaranse ante a Axencia para a Calidade do Sistema Universitario de Galicia de conformidade co disposto no artigo 13 do Decreto 270/2003, do 22 de maio, regulador da Axencia para a Calidade do Sistema Universitario de Galicia.
2. As cuestións relativas aos requisitos formais que deberán cumprir estas: número de copias, tipo de documentación acreditativa dos méritos curriculares alegados, cotexo da documentación, formato de presentación desta, etc, estableceranse ad hoc nas respectivas convocatorias que se fagan para o efecto.
Artigo 6º.-Órgano encargado das avaliacións.
A Comisión Galega de Informes, Avaliación e Certificación, creada polo Decreto 270/2003, do 22 de maio, regulador da Axencia para a Calidade do Sis
tema Universitario de Galicia, será, como o seu propio nome indica, o órgano encargado da emisión dos respectivos informes, avaliacións e certificacións, para o que contará con comités de asesores de expertos, que serán os que avalíen os curricula dos solicitantes.
Para a realización das súas funcións, estes comités contarán co adecuado soporte técnico e administrativo, e poderán solicitar asesoría concreta en temas específicos, que consideren necesarios para o proceso de avaliación.
Artigo 7º.-Comités de asesores expertos.
1. Establécese que o número de comités de asesores expertos será de 5 (Comités de: Ciencias Sociais e Xurídicas, Ciencias Experimentais, Ciencias da Saúde, Ensinanzas Técnicas e Humanidades, respectivamente) que se fan coincidir cos cinco grandes campos científicos nos que se recollen todas as áreas de coñecemento. A distribución das áreas de coñecemento nos cinco grandes campos científicos será a que aparece reflectida no anexo I.
2. Os comités de asesores expertos estarán constituídos por 7 membros, dos que un deles será o presidente, outro o secretario e os cinco restantes serán vogais. En cada comité, o presidente será designado polo Conselleiro de Educación e Ordenación Universitaria e o secretario será o membro de menor idade.
3. Para formar parte dos comités de asesores expertos deberase ser catedrático de universidade, ter un mínimo de tres sexenios de investigación e non pertencer ao SUG. Este último requisito non será de aplicación para os presidentes dos comités.
4. A selección dos membros dos comités farase, por parte da CGIACA, a partir das listaxes dos profesores de cada ámbito científico que cumpran cos requisitos mencionados no parágrafo anterior. O seu nomeamento corresponderalle ao conselleiro de Educación e Ordenación Universitaria.
Artigo 8º.-Adscrición da solicitude, en función da área de coñecemento, a un comité de asesores expertos.
1. A avaliación do curriculum do solicitante asignarase, en función das áreas de coñecemento que se sinalen na solicitude, ao comité de asesores expertos a que corresponda en función da distribución de áreas recollida no anexo I.
O informe ou avaliación que se emita non estará vinculado a ningunha área específica, senón que estará vinculado á figura contractual solicitada polo interesado.
2. A ACSUG, a través da CGIACA, daralles traslado aos comités de asesores expertos dos expedientes que fosen admitidos a trámite, distribuíndoos de acordo co criterio establecido no parágrafo anterior, que realizarán a avaliación ou informe dos curricula de conformidade co establecido no título III desta orde.
Artigo 9º.-Emisión de informe ou avaliación.
1. As propostas motivadas de avaliación ou informe elaboradas pola CGIACA serán vinculantes para o Consello de Dirección da ACSUG que, de conformidade con elas, adoptará os correspondentes acordos.
2. Os acordos do Consello de Dirección, tamén motivados, dictaranse de conformidade co establecido no artigo 89 da Lei 30/1992, do 26 de novembro, de réxime xurídico das administracións públicas e do procedemento administrativo común (LRJ-PAC) e serán notificados a cada solicitante, persoal e directamente, no prazo máximo dos seis meses seguintes á presentación da solicitude.
Artigo 10º.-Recurso.
Os acordos do Consello de Dirección esgotan a vía administrativa polo que, de conformidade co disposto no artigo 116 da Lei 30/1992, do 26 de novembro (LRX-PAC), poderán ser recorridos en reposición ante o mesmo órgano que os ditou ou ser impugnados directamente perante a xurisdición contencioso-admnistrativa.
Artigo 11º.-Efectos da avaliación ou informe
1. Os informes favorables ou as avaliacións positivas non teñen prazo de caducidade unha vez obtidos, e terán validez para as universidades integrantes do sistema universitario de Galicia ou as do sistema universitario doutra Comunidade Autónoma que teña subscrito un convenio previo coa Comunidade Autónoma de Galicia.
2. Se os informes son desfavorables ou as avaliacións negativas, poderase volver a solicitar unha nova avaliación ou informe unha vez transcorridos seis meses dende a notificación da referida avaliación ou informe negativo. Esto non impide solicitar a avaliación ou o informe para outra figura contractual distinta da que resultase negativa ou desfavorable, sen que neste caso este prazo de seis meses sexa de aplicación.
TÍTULO III
Criterios de avaliación e baremos de puntuación
Artigo 12º.-Criterios de avaliación e baremación dos currículos.
1. Os comités de asesores de expertos avaliarán os currículos dos solicitantes de conformidade cos principios de igualdade, mérito e capacidade e os criterios xerais de informe e avaliación da Axencia para a Calidade do Sistema Universitario de Galicia establecidos a través da Orde do 1 de abril de 2003 (DOG do 21 de abril).
2. Co fin da transparencia, equilibrio e obxectividade das avaliacións e á luz dos principios enumerados anteriormente, a CGIACA establece un baremo de puntuación para cada unha das figuras contractuais, que tendo en conta as especiais particularidades de cada unha delas, completa os criterios de avaliación existentes. Este baremo de pun
tuación correspóndese co anexo II desta orde, que será de obrigado cumprimento para os comités de asesores expertos.
Artigo 13º.-Avaliación do currículo para a figura de profesor axudante doutor.
1. Cada un dos membros do comité de asesores expertos avaliará positiva ou negativamente o currículo do solicitante, con referencia ao correspondente campo científico, de conformidade cos criterios establecidos para esta figura contractual no artigo 2 da Orde do 1 de abril de 2003 e puntuando o currículo de acordo co baremo establecido para esta figura na táboa 2 do anexo II.
2. Para que a avaliación sexa positiva a puntuación total obtida deberá ser de 35 puntos como mínimo. Ademais, tamén deberán obter un mínimo de 7 puntos na epígrafe de publicacións e teses de doutoramento, e un mínimo de 5 puntos na epígrafe de formación para a docencia.
Artigo 14º.-Avaliación do currículo para a figura de profesor colaborador.
1. Cada un dos membros do comité de asesores expertos avaliará positiva ou negativamente o currículo do solicitante, con referencia aos campos científicos nos que se integren as áreas de coñecemento a que se refire o artigo 51 da Lei orgánica 6/2001, e que se relacionan no anexo III desta orde, de conformidade cos criterios establecidos para esta figura contractual no artigo 3 da Orde do 1 de abril de 2003 e puntuando o currículo de acordo co baremo establecido para esta figura na táboa 3 do anexo II.
2. Para que o informe sexa favorable a puntuación total obtida deberá ser de 40 puntos como mínimo. Ademais, tamén deberán obter un mínimo de 15 puntos na suma das puntuacións das epígrafes de experiencia docente, formación académica e publicacións.
Artigo 15º.-Avaliación do currículo para a figura de profesor contratado doutor.
1. Cada un dos membros do comité de asesores expertos avaliará positiva ou negativamente a actividade docente e investigadora, ou prioritariamente investigadora, do solicitante, sobre a base do seu curriculum vitae, con referencia ao correspondente campo científico, de conformidade cos criterios establecidos para esta figura contractual no artigo 1 da Orde do 1 de abril de 2003 e puntuando o currículo de acordo co baremo establecido para esta figura na táboa 4 do anexo II.
2. Para que a avaliación sexa positiva, a puntuación total obtida deberá ser de 45 puntos como mínimo. Ademais, tamén deberán obter un mínimo de 15 puntos na epígrafe de experiencia investigadora, e un mínimo de 10 puntos na epígrafe de experiencia docente.
Artigo 16º.-Avaliación do currículo para a figura de profesor de universidade privada.
1. Cada un dos membros do comité de asesores expertos avaliará positiva ou negativamente a acti
vidade docente e investigadora do solicitante, sobre a base do seu curriculum vitae, con referencia ao campo científico correspondente, de conformidade cos criterios establecidos para esta figura contractual no artigo 1 da Orde do 1 de abril de 2003 e puntuando o currículo de acordo co baremo establecido para esta figura na táboa 5 do anexo II.
2. Para que a avaliación sexa positiva, a puntuación total obtida deberá ser de 45 puntos como mínimo. Ademais, tamén deberán obter un mínimo de 15 puntos na epígrafe de experiencia investigadora, e un mínimo de 10 puntos na epígrafe de experiencia docente.
Disposicións adicionais
Primeira.-Convocatoria.
O presidente da ACSUG, escoitado o Consello de Dirección, convocará, mediante resolución, a apertura do prazo para a presentación de solicitudes de avaliación ou informe para a contratación de profesorado polas universidades da Comunidade Autónoma de Galicia. Farase unha convocatoria anual ordinaria, sen prexuízo de que se poidan facer as convocatorias extraordinarias que se consideren oportunas.
As convocatorias serán publicadas no Diario Oficial de Galicia.
Disposición derradeira
Vixencia.
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 23 de xuño de 2004.
Celso Currás Fernández
Conselleiro de Educación e Ordenación Universitaria
ANEXO
Distribución de áreas de coñecemento en campos científicos
1. Ciencias sociais e xurídicas.
030 Antropoloxía Social
040 Biblioteconomía e Documentación
070 Ciencia Política e da Administración
095 Comercialización e Investigación de Mercados
105 Comunicación Audiovisual e Publicidade
125 Dereito Administrativo
130 Dereito Civil
135 Dereito Constitucional
140 Dereito do Traballo e da Seguridade Social
145 Dereito Eclesiástico do Estado
150 Dereito Financeiro e Tributario
155 Dereito Internacional Privado
160 Dereito Internacional Público e Relacións Internacionais
165 Dereito Mercantil
170 Dereito Penal
175 Dereito Procesual
180 Dereito Romano
187 Didáctica da Expresión
189 Didáctica da Expresión Musical
193 Didáctica da Expresión Plástica
195 Didáctica da Lingua e da Literatura
200 Didáctica da Matemática
205 Didáctica das Ciencias Experimentais
210 Didáctica das Ciencias Sociais
215 Didáctica e Organización Escolar
225 Economía Aplicada
230 Economía Financeira e Contabilidade
235 Economía, Socioloxía e Política Agraria
245 Educación Física e Deportiva
381 Filosofía do Dereito
383 Filosofía Moral
415 Fundamentos de Análise Económico
470 Historia do Dereito e as Institucións
475 Historia do Pensamento e dos Movementos Sociais e Políticos
480 Historia e Institucións Económicas
620 Metodoloxía das Ciencias e do Comportamento
625 Métodos de Investigación e Diagnóstico en Educación
650 Organización de Empresas
675 Periodismo
680 Personalidade, Avaliación e Tratamento Psicolóxico
725 Psicobioloxía
730 Psicoloxía Básica
735 Psicoloxía Evolutiva
740 Psicoloxía Social
775 Socioloxía
805 Teoría e Historia da Educación
813 Traballo Social e Servizos Sociais
2. Ciencias experimentais.
005 Álxebra
015 Análise Matemática
038 Astronomía e Astrofísica
050 Bioloxía Celular
060 Bioquímica e Bioloxía Molecular
063 Botánica
065 Ciencia dos Materiais e Enxeñaría Metalúrxica
075 Ciencia da Computación e Intelixencia Artificial
120 Cristalografía e Mineraloxía
220 Ecoloxía
240 Edafoloxía e Química Agrícola
247 Electromagnetismo
250 Electrónica
265 Estatística e Investigación Operativa
280 Estratigrafía
315 Farmacoloxía
385 Física Aplicada
390 Física Atómica, Molecular e Nuclear
395 Física da Materia Condensada
398 Física da Terra
405 Física Teórica
410 Fisioloxía
412 Fisioloxía Vexetal
420 Xenética
427 Xeodinámica Externa
428 Xeodinámica Interna
430 Xeografía Física
440 Xeometría e Topoloxía
443 Histoloxía
505 Enxeñaría Cartográfica, Xeodésica e Fotogrametría
555 Enxeñaría Química
566 Inmunoloxía
570 Linguaxes e Sistemas Informáticos
595 Matemática Aplicada
600 Mecánica de Fluídos
605 Mecánica de Medios Continuos e Teoría de Estruturas
630 Microbioloxía
640 Nutrición e Bromatoloxía
647 Óptica
655 Paleontoloxía
660 Parasitoloxía
685 Petroloxía e Xeoquímica
700 Produción Animal
705 Produción Vexetal
710 Prospección e Investigación Mineira
750 Química Analítica
755 Química Física
760 Química Inorgánica
765 Química Orgánica
770 Radioloxía e Medicina Física
773 Sanidade Animal
780 Tecnoloxía dos Alimentos
785 Tecnoloxía Electrónica
790 Tecnoloxías do Medio Natural
819 Zooloxía
3. Ciencias da saúde.
020 Anatomía Patolóxica
025 Anatomía e Anatomía Patolóxica Comparadas
027 Anatomía e Embrioloxía Humana
028 Antropoloxía Física
050 Bioloxía Celular
060 Bioquímica e Bioloxía Molecular
063 Botánica
090 Cirurxía
183 Dermatoloxía
245 Educación Física e Deportiva
255 Enfermaría
275 Estomatoloxía
310 Farmacia e Tecnoloxía Farmacéutica
315 Farmacoloxía
410 Fisioloxía
413 Fisioterapia
420 Xenética
443 Histoloxía
460 Historia da Ciencia
566 Inmunoloxía
610 Medicina
613 Medicina Legal e Forense
615 Medicina Preventiva e Saúde Pública
617 Medicina e Cirurxía Animal
630 Microbioloxía
640 Nutrición e Bromatoloxía
645 Obstetricia e Xinecoloxía
646 Oftalmoloxía
653 Otorrinolaringoloxía
660 Parasitoloxía
670 Pediatría
725 Psicobioloxía
745 Psiquiatría
770 Radioloxía e Medicina Física
773 Sanidade Animal
807 Toxicoloxía
4. Ensinanzas técnicas.
035 Arquitectura e Tecnoloxía de Computadores
075 Ciencia da Computación e Intelixencia Artificial
083 Ciencias e Técnicas da Navegación
100 Composición Arquitectónica
110 Construcións Arquitectónicas
115 Construcións Navais
250 Electrónica
295 Explotación das Minas
300 Expresión Gráfica
305 Expresión Gráfica na Enxeñaría
495 Enxeñaría Aeroespacial
500 Enxeñaría Agroforestal
505 Enxeñaría Cartográfica, Xeodésica e Fotogrametría
510 Enxeñaría da Construción
515 Enxeñaría dos Procesos de Fabricación
520 Enxeñaría de Sistemas e Automática
525 Enxeñaría de Terreo
530 Enxeñaría e Infraestruturas dos Transportes
535 Enxeñaría Eléctrica
540 Enxeñaría Hidráulica
545 Enxeñaría Mecánica
550 Enxeñaría Nuclear
555 Enxeñaría Química
560 Enxeñaría Telemática
565 Enxeñaría Téxtil e Papeleira
570 Linguaxes de Sistemas Informáticos
590 Máquinas e Motores Térmicos
600 Mecánica de Fluídos
605 Mecánica de Medios Continuos e Teoría de Estruturas
700 Produción Animal
705 Produción Vexetal
710 Prospección e Investigación Mineira
715 Proxectos Arquitectónicos
720 Proxectos de Enxeñaría
780 Tecnoloxía de Alimentos
785 Tecnoloxía Electrónica
800 Teoría do Sinal e Comunicacións
815 Urbanística e Ordenación do Territorio
5. Humanidades.
010 Análise Xeográfica Rexional
033 Arqueoloxía
085 Ciencias e Técnicas Historiográficas
185 Debuxo
260 Escultura
270 Estética e Teoría das Artes
285 Estudios Árabes e Islámicos
290 Estudios Hebreos e Arameos
320 Filoloxía Alemana
325 Filoloxía Catalana
327 Filoloxía Eslava
335 Filoloxía Francesa
340 Filoloxía Grega
345 Filoloxía Inglesa
350 Filoloxía Italiana
355 Filoloxía Latina
360 Filoloxía Románica
365 Filoloxía Vasca
370 Filoloxía Galega e Portuguesa
375 Filosofía
381 Filosofía do Dereito
383 Filosofía Moral
435 Xeografía Humana
445 Historia Antiga
450 Historia Contemporánea
455 Historia de América
460 Historia da Ciencia
465 Historia da Arte
485 Historia Medieval
490 Historia Moderna
567 Lingua Española
568 Lingua e Cultura do Extremo Oriente
575 Lingüística Xeral
580 Lingüística Indoeuropea
583 Literatura Española
585 Lóxica da Filosofía da Ciencia
635 Música
690 Pintura
695 Prehistoria
796 Teoría da Literatura Comparada
814 Tradución e Interpretación
Áreas que pertencen a dous campos científicos
Pertencen ao campo de Ciencias Sociais e Xurídicas e ao de Humanidades:
381 Filosofía do Dereito
383 Filosofía Moral
Pertencen ao campo de Ciencias Sociais e Xurídicas e ao da Saúde:
245 Educación Física e Deportiva
725 Psicobioloxía
Pertencen ao campo de Ciencias da Saúde e ao de Humanidades:
460 Historia da Ciencia
Pertencen ao campo de Ciencias Experimentais e ao de Ciencias da Saúde:
050 Bioloxía Celular
060 Bioquímica e Bioloxía Molecular
063 Botánica
315 Farmacoloxía
410 Fisioloxía
420 Xenética
443 Histoloxía
566 Inmunoloxía
630 Microbioloxía
640 Nutrición e Bromatoloxía
660 Parasitoloxía
770 Radioloxía e Medicina Física
773 Sanidade Animal
Pertencen ao campo de Ciencias Experimentais e ao de Ensinanzas Técnicas:
075 Ciencia da Computación e Intelixencia Artificial
250 Electrónica
505 Enxeñaría Cartográfica, Xeodésica e Fotogrametría
555 Enxeñaría Química
570 Linguaxes de Sistemas Informáticos
600 Mecánica de Fluídos
605 Mecánica de Medios Continuos e Teoría de Estruturas
700 Produción Animal
705 Produción Vexetal
710 Prospección e Investigación Mineira
780 Tecnoloxía de Alimentos
785 Tecnoloxía Electrónica
CONSELLERÍA DE POLÍTICA TERRITORIAL, OBRAS PÚBLICAS
E VIVENDA
