Por Decreto 415/1996, do 21 de novembro (DOG nº 233, do 28 de novembro), aprobouse a segregación de parte do termo municipal de Vilanova de Arousa, comprendido pola parroquia de S. Xulián de Arousa, para a constitución dun concello novo e independente chamado A Illa de Arousa.
Por orde da Consellería de Xustiza, Interior e Relacións Laborais, do 20 de maio de 1998 (DOG nº 117, do 19 de xuño), ditáronse as disposicións necesarias para facilitar a reparación de cargas entre os concellos da Illa de Arousa e Vilanova de Arousa, resultantes do proceso segregador.
Co obxecto de pechar o proceso segregador, ao existir conformidade nas obrigas que se estipulan no convenio que aprobado polo Consello da Xunta de Galicia, a Deputación Provincial de Pontevedra e os concellos interesados, por proposta do conselleiro de Xustiza, Interior e Administración Local e logo de deliberación do Consello da Xunta na súa reunión do día vinte e cinco de xuño de dous mil catro.
DISPOÑO:
Artigo único.-Tense por concluso o proceso segregador dos concellos de Vilanova de Arousa e a Illa de Arousa, coa aprobación do convenio que regula as obrigas das partes.
Disposición derradeira
Única.-Este decreto producirá efectos desde a data da súa publicación.
Santiago de Compostela, vinte e cinco de xuño de dous mil catro.
Manuel Fraga Iribarne
Presidente
Jesús C. Palmou Lorenzo
Conselleiro de Xustiza, Interior e Administración Local
CONSELLERÍA DE FAMILIA, XUVENTUDE, DEPORTE
E VOLUNTARIADO