Examinado o expediente de deslindamento do monte veciñal en man común Montes de Pereiras pertencente á comunidade da parroquia do mesmo nome do concello de Mos (Pontevedra) e tendo en conta os seguintes:
Antecedentes de feito.
Primeiro.-Que o Xurado Provincial de Montes Veciñais en Man Común, en Resolución do 29 de novembro de 1981, declarou como tal o Montes de Pereiras asinando a súa pertenza á comunidade da parroquia do mesmo nome do concello de Mos (Pontevedra).
Segundo.-O deslindamento do dito monte foi aprobado por Orde do 23 de decembro de 1991 da Consellería de Agricultura, Gandería e Montes (DOG nº 20, do 30 de xaneiro de 1992), e foi anulado por sentenza da sección segunda da Sala do Contencioso-Administrativo do Tribunal Superior de Xustiza de Galicia do 10 de febreiro de 1994, que mandaba retrotraer o expediente administrativo á fase de notificación.
Terceiro.-No ano 2000, e unha vez firme a sentenza citada, iníciase novamente o procedemento administrativo do deslindamento do dito monte.
O 30 de marzo de 2001 publícase no BOP de Pontevedra o anuncio do edicto de deslindamento e fíxase como data de comezo do apeo o 14 de setembro do mesmo ano. Consonte co establecido nos artigos 96 ao 124 do Regulamento de montes aprobado polo Decreto 485/1962, do 22 de febreiro, fanse as notificacións, con xustificante de recepción, a todos os propietarios lindantes dos que se ten coñecemento, así mesmo colócanse edicto no concello e nos sitios de costume. O Gabinete Xurídico Territorial de Pontevedra fai a clasificación da documentación presentada e o enxeñeiro operador realiza a clasificación de predios e dereitos, acordando o xefe do Servizo de Montes e Industrias Forestais de Pon
tevedra a realización das correspondentes anotacións preventivas no Rexistro da Propiedade de Redondela.
Cuarto.-O apeo do deslindamento comeza o 14 de setembro de 2001 consonte co indicado no edicto e conclúe, tras diversas vicisitudes, o 16 de xullo de 2003. No BOP do 12 de novembro de 2003 e mediante anuncio, ábrese o período de vista e reclamacións de expediente, remitíndose o dito anuncio ao concello de Mos e á comunidade propietaria do monte para a súa máxima difusión.
Quinto.-As reclamacións presentadas foron informadas polo Gabinete Xurídico Territorial de Pontevedra e remitidas, xunto co dito informe, á propiedade para que manifestase a súa conformidade ou disconformidade con estas, contestando o 26 de xaneiro de 2004 e manifestando a súa disconformidade con todas as reclamacións.
Finalmente, o 11 de febreiro de 2004 o xefe do Servizo de Montes e Industrias Forestais de Pontevedra remite o expediente, xunto co seu informe-proposta, á Dirección Xeral de Montes e Industrias Forestais que informa favorablemente a aprobación do deslindamento no senso proposto polo xefe do servizo.
Fundamentos de dereito.
I Que de acordo co disposto nos reais decretos 167/1981, do 9 de xaneiro; 1706/1982, do 24 de xullo e 1535/1984, do 20 de xuño, sobre transferencias de funcións e servizos do Estado á Comunidade Autónoma de Galicia en materia de conservación da natureza, no Decreto 23/2003, do 20 de xaneiro, polo que se establece a estrutura orgánica dos departamentos da Xunta de Galicia e finalmente, no Decreto 106/2004, do 27 de maio, polo que se establece a estrutura orgánica da Consellería de Medio Ambiente, o conselleiro de Medio Ambiente é competente para dictar esta orde.
II
O Servizo de Montes e Industrias Forestais de Pontevedra é competente para levar adiante o dito deslinde, cumpridas todas as prescricións legais en canto á publicidade, notificación e demais requisitos exixidos nos artigos 82 ao 125 do Regulamento de montes aprobado polo Decreto 485/1962, do 22 de febreiro.
III
As resolucións do Xurado Provincial de Montes Veciñais en Man Común son as únicas que outorgan a propiedade e estas só poden modificarse por sentenzas dos tribunais ordinarios polo que o enxeñeiro operador non pode senón dar cumprimento á do 29 de novembro de 1981 ao facer o apeo e na súa proposta.
Tendo en conta os preceptos legais citados e demais de xeral aplicación e o informe-proposta do xefe de Servizo de Montes e Industrias Forestais de Pontevedra.
Esta consellería, por proposta da Dirección Xeral de Montes e Industrias Forestais,
DISPÓN:
Primeiro.-Aprobar o deslindamento do monte veciñal en man común Montes de Pereiras, pertencente á comunidade da parroquia do mesmo nome do concello de Mos (Pontevedra), consonte coas actas, rexistros topográficos e planos que figuran no expediente, quedando o monte coa descrición seguinte:
Provincia: Pontevedra.
Nome: Montes de Pereiras.
Concello: Mos.
Pertenza: Comunidade de Montes Veciñais en Man Común de Pereiras.
Parcela oeste.
Lindes:
Norte: monte público da entidade local menor de Bembrive; monte veciñal en man común de Tameiga; predios particulares da parroquia de Tameiga; regato Salgueira e predios particulares da parroquia de Pereiras.
Leste: predios particulares da parroquia de Pereiras e autoestrada do Atlántico.
Sur: predios particulares das parroquias de Pereiras e Cela.
Oeste: monte público da entidade local menor de Bembrive.
Cabida total: 52,60 hectáreas.
Enclavados: non.
Atópase limitada polos piquetes do nº 1 ao 37 polo norte; do 37 ao 49, do 49 polo F e M ao 64 polo leste; do 64 ao 96 polo sur e do 96 ao 1 polo oeste.
Parcela leste.
Lindes:
Norte, leste e sur: predios particulares da parroquia de Pereiras.
Oeste: autoestrada do Atlántico e predios particulares da parroquia de Pereiras.
Cabida total: 0,85 hectáreas.
Enclavados: non.
Atópase limitada polos piquetes do nº 50 ao 58 polo norte; do 58 ao 61 polo leste; do 61 ao 63 polo sur e do 63 ao 50 polo oeste.
Segundo.-Declarar atribuídas ao monte os predios seguintes:
Predio Grilades.
Figura inscrito no Rexistro da Propiedade de Redondela no tomo 271, libro 56 de Mos, folio 46 volta, predio 6.980, a favor de Eugenia Lorenzo Pérez.
Predio Grilares do Norte.
Figura inscrito no Rexistro da Propiedade de Redondela, no tomo 301 de Mos, libro 63, predio 8.085, a favor de Eugenia Lorenzo Pérez.
Predio Monte Pousos do Agüeiro ou Salgueiro.
Figura inscrito no Rexistro da Propiedade de Redondela no tomo 259, folio 169, libro 53 de Mos, predio 6.240 inscrición 1ª (documento particional) a favor de Flora e Domingo Pérez Ucha.
Predio Coutada Nova.
Reclamado por Casiano Ucha Alonso, que non figura inscrito no Rexistro da Propiedade.
Predio Campo do Muíño.
Reclamado por Manuel Saavedra Alonso, que non figura inscrito no Rexistro da Propiedade.
Predio Salgueirón ou Pousos do Agüeiro.
Reclamado por María Silva Rivero e irmáns e durante o apeo por herdeiros de Severino Silva Represas.
Predio Salgeuiras.
Reclamado por Ascensión Vila Campos.
Predio Romeira.
Reclamado por Dolores Saavedra Alonso.
Terceiro.-Que se cancelen as anotacións preventivas practicadas no Rexistro da Propiedade de Redondela con data do 2 de setembro de 2003, dos seguintes predios ou dereitos:
Guilares ou Cachada.
Propietario: Casiano Ucha Alonso, veciño de Estivada-Petelos. Mos.
Cabida: 4 áreas e 16 centiáreas.
Lindes:
Norte: Manuel Bastos.
Sur: Rudosinda Rodríguez.
Leste: Jesusa Campo e regato.
Oeste: camiño de servizo.
Coutada Nova.
Propietario: Casiano Ucha Alonso, veciño de Estivada-Petelos. Mos.
Figura inscrito no Rexistro da Propiedade de Redondela ao folio 33, libro 57, tomo 274, predio 7.115.
Cabida: Monte de 3ª clase de 70 áreas.
Lindes:
Norte: Casiano Ucha Alonso.
Sur: gabia, camiño, máis de Severino Silva e outro.
Leste: camiño de servizo.
Oeste: camiño veciñal.
Salgueirón.
Propietario: Nemesio Dagraza Rodríguez, veciño de Balteiro, 4-Petelos. Mos.
Inscrito no Rexistro da Propiedade de Redondela ao tomo 381, libro 86, folio 152, predio 12.209, inscrición 1ª.
Cabida: monte a toxeira de 10 áreas.
Lindes:
Norte: Eusebio Pérez.
Sur: Dolores Dagraza Rodríguez.
Leste: camiño e José Alonso Rodríguez.
Oeste: camiño e José Rodríguez Álvarez.
Pousos do Agüeiro ou Salgueiros.
Propietaria: Dolores Dagraza Rodríguez, veciña de Casal 31-Pereiras. Mos.
Figura inscrito no Rexistro da Propiedade de Redondela, tomo 381, libro 86, folio 151, predio 12.208, inscrición 1ª.
Cabida: monte a toxeira de 10 áreas.
Lindes:
Norte: Nemesio Dagraza Rodríguez.
Sur: Antonio Oubiña Lorenzo.
Leste: camiño e José Alonso Rodríguez.
Oeste: camiño e José Rodríguez Álvarez.
Cuarto.-Que se cancelen totalmente as inscricións rexistrais dos predios seguintes e de calquera outra en canto resultasen contraditorios coa descrición do monte:
Grilades.
Figura inscrito no Rexistro da Propiedade de Redondela no tomo 271, libro 56 de Mos, folio 46 volta, predio 6.980, a favor de Eugenia Lorenzo Pérez.
Grilanes do Norte.
Figura inscrito no Rexistro da Propiedade de Redondela no tomo 301, libro 63 de Mos, predio 8.085, a favor de Eugenia Lorenzo Pérez.
Monte Pousos do Agüeiro ou Salgueiro.
Figura inscrito no Rexistro da Propiedade de Redondela, no tomo 259, folio 169, libro 53 de Mos, predio 6.240 inscrición 1ª (documento particional), a favor de Flora e Domingo Pérez Ucha.
Quinto.-A non admisión das reclamacións formuladas no período correspondente por:
-José Villanueva Pose.-María Silva Rivero.-Eugenio Gómez Saavedra.-Nemesio Dagraza Rodríguez.-Domingo Pérez Ucha.-Dolores Dagraza Rodríguez.-Flora Pérez Ucha.-Casiano Ucha Alonso.-Manuel Saavedra Alonso.
-Eugenia Lorenzo Pérez.-Ascensión Vila Campo.-Comunidade de Montes da parroquia de Pereiras.
Declarando expresamente esgotada a vía administrativa e expedita a xudicial civil.
Sexto.-Esta orde entrará en vigor o día seguinte ao da súa publicación, no Diario Oficial de Galicia.
Santiago de Compostela, 4 de xuño de 2004.
José Manuel Barreiro Fernández
Conselleiro de Medio Ambiente
