O conservatorio profesional de música de Redondela vén impartindo as ensinanzas de grao elemental e medio de música, con carácter provisional, en virtude do disposto na disposición transitoria sétima do Real decreto 389/1992, do 15 de abril, (BOE do 28 de abril).
Realizadas polo Concello de Redondela as obras necesarias para adaptar as instalacións aos requisitos mínimos previstos no artigo 15.1º do Real decreto 389/1992, do 15 de abril (Boletín Oficial del Estado do 28 de abril), creáse o dito conservatorio polo Decreto 88/2004, do 29 de abril (DOG do 12 de maio).
Polo anteriormente exposto esta consellería, por proposta da Dirección Xeral de Centros e Ordenación Educativa,
DISPÓN:
Primeiro.-Autorizar a posta en funcionamento do conservatorio profesional de música de Redondela segundo os datos que figuran no anexo a esta orde.
Segundo.-Facúltanse as direccións xerais de Centros e Ordenación Educativa e a de Formación Profesional e Ensinanzas Especiais para ditar as medidas necesarias para o desenvolvemento desta orde.
Santiago de Compostela, 28 de maio de 2004.
Celso Currás Fernández
Conselleiro de Educación e Ordenación
Universitaria
ANEXO
Provincia: Pontevedra.
Concello: Redondela.
Localidade: Redondela.
Enderezo: Alfonso XII, 2.
Código: 36024291.
Titular: Concello de Redondela.
Denominación: conservatorio profesional de música de Redondela.
Postos escolares autorizados: 80 de grao elemental e 180 de grao medio.