No Diario Oficial de Galicia do 11 de decembro de 2003 publicouse a Lei 6/2003, de taxas, prezos e exaccións reguladoras da Comunidade Autónoma de Galicia. Esta norma, aplicable á USC en virtude do seu artigo 3 establece as taxas por servizos administrativos.

Este reitorado,

RESOLVEU:

Primeiro.-As taxas para aboar pola inscrición nas convocatorias para a selección de persoal da USC, de conformidade coa Lei 6/2003, de taxas, prezos e exaccións reguladoras da Comunidade Autónoma de Galicia, actualizadas pola Lei 8/2003, do 23 de decembro, de orzamentos xerais da Comunidade Autónoma de Galicia, serán:

Para acceder a un posto de traballo do grupo A ou grupo I do convenio: 36,72 A.

Para acceder a un posto de traballo do grupo B ou grupo II do convenio: 31,62 A.

Para acceder a un posto de traballo do grupo C ou grupo III do convenio: 27,54 A.

Para acceder a un posto de traballo do grupo D ou grupo IV do convenio: 22,44 A.

Segundo.-A Universidade poderá determinar para a inscrición en listas de espera o pagamento da taxa establecida na devandita lei.

Terceiro.-A taxa aboarase no momento en que se presente a solicitude para participar no proceso selectivo ou para inscribirse nunha lista.

Cuarto.-O pagamento das taxas poderá exixirse no momento da solicitude por coincidir este co devengo.

Quinto.-Gozarán de exención na inscrición nas convocatorias para a selección de persoal as persoas con minusvalidez igual ou superior ao 33%, logo de xustificación documental.

Santiago de Compostela, 23 de abril de 2004.

Senén Barro Ameneiro

Reitor da Universidade de Santiago de Compostela

CONSELLERÍA DE POLÍTICA TERRITORIAL, OBRAS PÚBLICAS

E VIVENDA