Visto o expediente da revisión salarial para o ano 2003 do convenio colectivo do sector de comercio vario, que tivo entrada nesta delegación provincial o día 27-4-2004 e subscrito pola comsión paritaria do convenio colectivo o día 2-4-2004, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servizos da Administración do Estado á

Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordenar a súa inscrición no libro rexistro de convenios colectivos de traballo, desta delegación provincial, e notificación ás representacións económica e social da comisión negociadora.

Segundo.-Ordenar o depósito do citado acordo no Servizo de Relacións Laborais, Sección de Mediación, Arbitraxe e Conciliación.

Terceiro.-Dispoñer a súa publicación no Diario Oficial de Galicia.

A Coruña, 30 de abril de 2004.

Luis Alberto Álvarez Freijido

Delegado provincial da Coruña

Convenio colectivo provincial de comercio vario da provincia da Coruña

Acta.

Asistentes:

Parte empresarial:

Ángel López Martínez (Asecode).

Francisco Vázquez Alvedro (xoieiros).

Francisco Mosteiro Ponce (calzado).

Secundino Garrido Belmonte (material eléctrico).

Julia Pardo (téxtil).

Ramón Vila (téxtil).

Marina Graña: asesora.

Francisco González: asesor.

Parte social:

Alfredo Santomil García (CIG).

Juan Fco. Cousillas Mosquera (CC.OO.).

Nieves Montes Patiño (UGT).

Na Coruña, sendo as doce trinta horas do día 2 de abril de 2004, reúnense as persoas que á marxe se relacionan, compoñentes da comisión deliberadora do convenio colectivo de comercio vario da provincia da Coruña.

A parte social encóntrase representada polas centrais sindicais: UGT, CC.OO. e CIG, que, de acordo cos datos do SMAC, contan co cento por cento dos delegados do sector.

Pola parte empresarial os presentes están en representación da Asociación Empresarial del Comercio de Materiales de Construcción y Decoración (Asecode), do Gremio Provincial de Joyeros, Plateros y Relojeros de A Coruña, da Asociación Provincial de Empresarios del Comercio del Calzado de A Coruña, da Asociación Provincial de Mayoristas de Material Eléctrico (Asomatel) e da Asociación de Empresarios del Comercio Textil da provincia da Coruña, que asocian, entre todas, á maioría das empresas afectadas no ámbito do convenio e son as únicas representativas do sector.

Ambas as partes recoñécense mutuamente a capacidade necesaria para negociar o convenio de eficacia xeral e acordan:

1. Acórdase actualizar as táboas salariais correspondentes ao ano 2003, incrementando o 0,6%, que é o resultado da desviación do IPC, seguindo así o estipulado no artigo 28 do convenio vixente.

2. Elabóranse as táboas salariais para o ano 2003, actualizadas.

3. Apróbanse as táboas que se xuntan, para a súa publicación no BOP.

E non tendo máis asuntos que tratar deuse por finalizada a sesión sendo as catorce horas da data e lugar indicados no encabezamento.

Táboas salariais do convenio colectivo de comercio vario da provincia da Coruña

Táboas salariais de comercio téxtil ano 2003

Táboas salariais de comercio da pel ano 2003