A Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, no seu artigo 51, sinala a obriga de que os prezos privados sexan fixados polas consellerías correspondentes, logo de informe favorable da Consellería de Economía e Facenda, e publicados no Diario Oficial de Galicia.

Para cumprir este mandato e despois de emitido informe preceptivo favorable pola Consellería de Economía e Facenda, esta consellería,

DISPÓN:

Artigo único.-O prezo de venda ao público da publicación editada por esta consellería denominada Libro Branco do Cooperativismo en Galicia será de 15,50 euros, IVE incluído.

Santiago de Compostela, 30 de abril de 2004.

María José Cimadevila Cea

Conselleira de Asuntos Sociais, Emprego

e Relacións Laborais