O Estatuto de autonomía de Galicia establece, no seu artigo 31, a súa competencia plena para o regulamento e administración do ensino en toda a súa extensión, niveis e graos, modalidades e especialidades, no ámbito das súas competencias e sen prexuízo do disposto no artigo 27 da Constitución e nas leis orgánicas que o desenvolvan.
A Lei orgánica 10/2002, de calidade da educación, dispón que as administracións educativas promoverán a mellora continua da cualificación profesional dos profesores e a adecuación dos seus coñecementos e métodos á evolución da ciencia e das didácticas específicas (artigo 57.1º).
A Consellería de Educación e Ordenación Universitaria, consciente da importancia que ten a formación permanente do profesorado de cara á mellora da calidade do ensino e á potenciación no uso do galego e a renovación da metodoloxía e das técnicas didácticas que se aplican nos centros docentes, e consciente da repercusión e incidencia real que teñen os movementos de renovación pedagóxica, as asociacións e fundacións pedagóxicas e as organizacións sindicais do ámbito educativo, en canto a que contribúen ao desenvolvemento deste proceso e potencian a realización de actividades de perfeccionamento, pretende facilitar o logro destes obxectivos a través da concesión de axudas económicas.
Na súa virtude, esta consellería
DISPÓN:
1. Convócanse axudas económicas para a organización durante o ano 2004 de actividades de formación do profesorado dirixidas a profesores que imparten a súa docencia en niveis non universitarios, que estean homologadas pola Consellería de Educación e Ordenación Universitaria e que dinamicen o ensino en galego.
2. O importe máximo total das axudas que se concedan é de 90.152 euros, con cargo ao concepto orzamentario 07.04.322I.480.0. A cantidade máxima que se concederá por movemento de renovación pedagóxica ou asociación non será superior a 9.100 euros.
O gasto que se proxecta está condicionado á existencia do crédito adecuado e suficiente nos orzamentos do exercicio do ano 2004.
3. Poderán ser beneficiarios destas axudas os movementos de renovación pedagóxica e as asociacións e fundacións pedagóxicas legalmente constituídas e recoñecidas cando nos seus estatutos figure como fin preferente a formación do profesorado e desenvolvan as
súas actividades na Comunidade Autónoma de Galicia, e sempre que teñan xustificadas as axudas concedidas en anteriores convocatorias.
4. Os movementos de renovación e as asociacións e fundacións pedagóxicas interesadas deberán dirixir as súas solicitudes, segundo o modelo que figura no anexo I, á Consellería de Educación e Ordenación Universitaria, Dirección Xeral de Formación Profesional e Ensinanzas Especiais, S. Caetano s/n, 15781-Santiago de Compostela.
As solicitudes deberán presentarse no rexistro xeral da Consellería de Educación e Ordenación Universitaria, nas súas delegacións provinciais ou nos lugares que determina o artigo 38.4º da Lei de réxime xurídico das administracións públicas e do procedemento administrativo común, xunto coa seguinte documentación:
A. Programa das actividades desenvolvidas ou que van desenvolver, conforme o modelo que figura no anexo II.
B. Orzamento, segundo o modelo do anexo IV, tendo en conta os módulos económicos e os conceptos que figuran no anexo III.
C. Copia compulsada dos documentos que acreditan a súa constitución legal.
D. Copia compulsada dos estatutos da entidade.
E. Copia do CIF.
F. Documentación acreditativa da representación que exerce o solicitante.
G. Certificación bancaria da conta corrente.
H. Declaración xurada asinada polo representante legal do movemento de renovación pedagóxica, da asociación ou da fundación indicando se recibe outras axudas para o desenvolvemento da actividade. En caso afirmativo, especificar a contía e a entidade que a concede.
A documentación das letras C, D, E, F e G non terá que ser achegada polos movementos de renovación pedagógica, non polas asociacións e fundacións pedagóxicas que xa recibiran axudas económicas en anos anteriores, sempre e cando non tiveran variación nos seus datos.
De acordo co establecido no artigo 71 da Lei de réxime xurídico das administracións públicas e do procedemento administrativo común, para aquelas solicitudes que non acheguen os documentos anteriormente sinalados, requirirase o interesado para que nun prazo de dez días emende as faltas ou remita os documentos preceptivos; de non facelo considerarase que desistiu da súa petición e arquivarase o expediente.
5. O prazo para a presentación de solicitudes será de dous meses contados a partir do día seguinte ao da publicación desta orde no Diario Oficial de Galicia.
6. As actividades (deseño, convocatoria, publicidade, desenvolvemento, certificacións, etc.) faranse en galego e de acordo co Decreto 173/1982, sobre normativización da lingua galega, e coa disposición adicional da Lei 3/1983, de normalización lingüística, e irán dirixidas ao profesorado da Comunidade Autónoma.
7. Financiaranse prioritariamente aquelas actividades que fomenten o ensino en galego e que coincidan basi
camente cos obxectivos xerais da política educativa establecidos pola Consellería de Educación e Ordenación Universitaria, especialmente os definidos nos plans de formación e que versen sobre os seguintes temas considerados como prioritarios:
a) Deseño e desenvolvemento curricular.
b) Contidos transversais do currículo.
c) Atención á diversidade.
d) Educación de adultos.
e) Modalidades, técnicas e instrumentos de avaliación.
f) Xestión e organización de centros educativos.
g) Orientación e titoría.
8. A contía das axudas establecerase en función do número de solicitudes, da adecuación dos proxectos ao establecido no artigo 7º da presente convocatoria e da dispoñibilidade orzamentaria, tendo en conta ademais que, sumadas a outros recursos que se obteñan, non excedan dos gastos orzados para as actividades programadas, e a súa distribución farase en función dunha programación anual de actividades, tendo en conta criterios como: calidade, número de horas reais de docencia e número de asistentes.
9. Comisión de selección. Constituirase unha comisión de selección integrada por:
Presidenta: a directora xeral de Formación Profesional e Ensinanzas Especiais, ou persoa en quen delegue.
Vogais:
-O xefe do Servizo de Formación do Profesorado.
-O xefe do Servizo de Plans e Programas do Ensino da Lingua Galega da Dirección Xeral de Política Lingüística.
-Un funcionario do Servizo de Formación do Profesorado.
-Un funcionario da Consellería de Educación e Ordenación Universitaria, que actuará como secretario, con voz e sen voto.
-Por cada un dos sindicatos da Mesa Sectorial Docente poderá asistir un representante ás sesións da comisión con voz e sen voto. O nome do representante sindical seralle comunicado á presidenta da comisión de selección coa debida antelación.
10. Resolución da convocatoria. Unha vez rematado o proceso de selección, formularáselle a proposta de concesión de axudas ao conselleiro de Educación e Ordenación Universitaria, determinando en cada caso a súa contía. A orde de concesión de axudas será publicada no Diario Oficial de Galicia.
Contra esta resolución os interesados poderán interpoñer recurso potestativo de reposición perante o conselleiro de Educación e Ordenación Universitaria no prazo dun mes contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.
No suposto de non resolverse expresamente esta convocatoria no prazo de seis meses desde a súa publi
cación, e sen prexuízo da súa posterior resolución, as solicitudes entenderanse desestimadas.
11. O pagamento das axudas económicas concedidas farase nun só libramento, unha vez feita a debida xustificación de gastos. A xustificación farase nos seguintes prazos: ata o 30 de outubro de 2004 para as actividades realizadas ata o 30 de setembro e ata o 25 de novembro de 2004 para as actividades que se realicen en outubro e novembro do mesmo ano. A devandita xustificación farase unicamente polos conceptos e módulos que figuran no anexo III e de acordo coas instrucións que figuran no anexo V.
As actividades, das que se xustifica o gasto, deben contar con homologación definitiva antes do 10 de decembro de 2004.
Cando a xustificación de gastos non se axuste aos anexos III e V, por presentar facturas ou recibíns incompletos ou incorrectos, pagarase unicamente a cantidade da axuda concedida correctamente xustificada.
Para poder percibir a axuda concedida, o número de asistentes con dereito a certificado non deberá ser inferior ao 50% das prazas ofertadas e en ningún caso este número poderá ser menor de 10.
A Consellería de Educación e Ordenación Universitaria poderá completar estas instrucións poñéndoas en coñecemento dos interesados cando se lles comunique a contía da axuda concedida.
12. O importe da axuda, tendo en conta os recursos que xere a actividade e outras subvencións ou axudas para a mesma finalidade, poderá reducirse no suposto de que, á hora de presentar a xustificación da axuda, houbese unha diminución dos gastos orzados que supoña que a axuda supera a diferencia entre os ingresos e os gastos reais.
13. Obrigas dos beneficiarios. Son obrigas dos beneficiarios das axudas, segundo o artigo 6º da Lei 8/1999, do 30 de decembro, de medidas fiscais e orzamentarias e de función pública e actuación administrativa, que modifica o artigo 78 do texto refundido da Lei de réxime financeiro e orzamentario, aprobado polo Decreto lexislativo 1/1999, do 7 de outubro:
a) Someterse ás actuacións de comprobación que realice a Dirección Xeral de Formación Profesional e Ensinanzas Especiais e ás de control financeiro que lle corresponden á Intervención Xeral da Comunidade Autónoma e ao Consello de Contas.
b) Comunicarlle á Consellería de Educación e Ordenación Universitaria a obtención de calquera outra subvención ou axuda para a mesma finalidade, procedente de calquera Administración ou ente público.
14. O incumprimento das condicións establecidas nesta orde constituirá obriga de reintegro, total ou parcial, da subvención ou axuda percibida, consonte cos artigos 19 e 20 do Decreto 287/2000, do 21 de novembro.
Calquera alteración das condicións tidas en conta para a concesión das axudas e, en todo caso, a obtención concorrente de subvencións ou axudas outorgadas por outras administracións ou entes públicos ou privados, nacionais ou internacionais, poderá dar lugar á modificación da resolución de concesión, segundo o número 7º do artigo 6 da citada Lei 8/1999.
15. A Consellería de Educación e Ordenación Universitaria poderá levar a cabo as inspeccións oportunas orientadas a comprobar a veracidade dos datos facilitados, así como a utilización dos fondos concedidos.
Derradeiras disposicións
Primeira.-Autorízase a Dirección Xeral de Formación Profesional e Ensinanzas Especiais para ditar as ins
trucións necesarias para a aplicación e desenvolvemento desta orde.
Segunda.-Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 26 de abril de 2004.
Celso Currás Fernández
Conselleiro de Educación e Ordenación
Universitaria
ANEXO III
Conceptos Contía máxima Documento xustificativo
Cursos, xornadas, simposios, escolas de verán, encontros.
1.1. Coordinación
1.2. Horas de docencia
1.3. Conferencias
-12 euros/hora-60 euros/hora-300 euros/hora
-Recibíns de relatores e coordinador.
2.1. Persoal subalterno
3.3. Material de paso audiovisual
3.4. Libros e material didáctico
1. Gastos de ensino.
2. Gastos de persoal subalterno
-150 euros -Recibín do persoal subalterno
3. Gastos de material. 3.1. Material funxible 3.2. Publicacións e impresos
-Poderase xustificar en material, como máximo, o 25% dos gastos de ensino -Facturas da empresa subministradora
Conceptos Contía máxima Documento xustificativo
da actividade 4.1. Desprazamentos
4.2. Manutención
4.3. Aloxamento
-0'168283 euros/quilómetro-18'33 euros por comida-58'89 euros/día
3.5. Aluguer de local para realización
3.6. Comunicacións (correos)
4. Outros gastos de relatores e coordinador.
-Recibíns de relatores e coordinador ou facturas da empresa subministradora
5. Gastos de difícil xustificación. -Ata o 10% do total da axuda concedida para cada actividade
ANEXO V
Xutificación de gastos:
-Os gastos da actividade xustifícanse con:
1. Recibíns, facturas e folla resumo que se presentarán por triplicado (orixinais ou copias compulsadas).
2. A folla resumo debe conter os seguintes puntos:
a) Ingresos totais:
b) Especificación do gasto:
-Ensino:-Persoal subalterno:-Material:-Outros gastos de relatores e coordinador:-Difícil xustificación:
c) Gastos totais:
-Cada actividade debe xustificarse por separado.
-Os recibíns dos relatores ou coordinador/a deben especificar a retención do 15% de IRPF, nº de horas, concepto (docencia, conferencia ou coordinación). Así mesmo, deben declarar que non superan os límites establecidos no artigo 3 do Decreto 202/2002, do 6 de xuño (DOG do 17 de xuño).
-Todas as facturas deben vir debidamente cubertas, sen emendas, a nome da asociación e indicando tamén nome da actividade que xera o gasto. Deben corresponder ao período que se xustifica e especificar CIF ou NIF e IVE.
-As facturas ou recibíns de desprazamentos, aloxamento ou manutención, dos relatores ou coordinador, deben incluír: nº de quilómetros, nº de comidas ou nº de días de utilización dun cuarto, segundo o caso.
-As facturas de material teñen que especificar: concepto, nº de unidades, custo por unidade e importe total.
