A Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, no seu artigo 51, sinala a obriga de que os prezos privados sexan fixados polas consellerías correspondentes, precedendo informe favorable da Consellería de Economía e Facenda, e publicados no Diario Oficial de Galicia.

Para cumprir este mandado e despois de emitido o preceptivo informe favorable da Consellería de Economía e Facenda, esta consellería

DISPÓN:

Artigo único.

1. Queda aprobado o prezo de venda ao público da publicación editada pola Fundación Pública Urxencias Sanitarias de Galicia 061 que se relaciona no anexo.

2. Este prezo entenderase, de ser o caso, con IVE incluído.

Santiago de Compostela, 22 de marzo de 2004.

José María Hernández Cochón

Conselleiro de Sanidade

ANEXO

* Manual del técnico en transporte sanitario: 24 euros.

* Manual del técnico en transporte sanitario (test): 9 euros.