O Decreto 288/1994, de 30 de setembro (modificado no seu artigo 5 polo Decreto 286/1995, do 19 de outubro), polo que se crea o Premio das Letras e das Artes de Galicia, dispón no seu artigo 4º (publicada corrección de erros no DOG nº 13, do 19 de xaneiro) a composición do xurado do premio mediante a proposta das institucións citadas na devandita disposición.
En cumprimento do citado artigo cómpre proceder ao nomeamento dos membros do xurado do Premio das Letras e das Artes de Galicia. Na súa virtude
DISPOÑO:
Artigo 1º
Nomear presidente e membros do xurado do Premio das Letras e das Artes de Galicia as seguintes persoas:
1. Presidente:
Isaac Díaz Pardo, por delegación do conselleiro de Cultura, Comunicación Social e Turismo.
2. Vogais:
Ramón Castromil Ventureira, proposto polo Consello da Cultura Galega.
Xosé Ramón Barreiro Fernández, proposto pola Real Academia Galega.
Luis Iglesias Feijoo, proposto pola Universidade de Santiago de Compostela.
Luís Caparrós Esperante, proposto pola Universidade da Coruña.
Jesús Hernández Sánchez, proposto pola Universidade de Vigo.
María de las Mercedes Goicoa Fernández, proposta pola Real Academia de Belas Artes Nosa Señora do Rosario.
Agustín Sixto Seco, nomeado polo conselleiro de Cultura, Comunicación Social e Turismo.
José Manuel García Iglesias, nomeado polo conselleiro de Cultura, Comunicación Social e Turismo.
3. Secretaria:
Mª del Carmen García Campelo, directora xeral de Promoción Cultural.
Disposición derradeira
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 6 de abril de 2004.
Jesús Pérez Varela
Conselleiro de Cultura, Comunicación Social
e Turismo