A Orde do 20 de setembro de 2003 (DOG do 2 de outubro) pola que se convocaban os premios extraordinarios de formación profesional correspondentes ao curso 2002/2003, establecía no seu artigo oitavo 5 que, de acordo coa proposta feita polo tribunal, o director xeral de Centros e Ordenación Educativa concedería os premios extraordinarios de formación profesional.

Unha vez realizada a valoración polo tribunal de selección, publicada a acta provisional coas puntuacións obtidas polos candidatos e unha vez resoltas as reclamacións presentadas e vista a acta coa proposta definitiva de adxudicación dos premios extraordinarios, esta dirección xeral

RESOLVE:

Primeiro.-Conceder os premios extraordinarios de formación profesional, correspondentes ao curso 2002-2003, aos alumnos que figuran no anexo a esta resolución.

Segundo.-Contra esta resolución pódese recorrer mediante recurso de alzada ante o conselleiro de Educación e Ordenación Universitaria, no prazo dun mes contado desde o día seguinte á publicación dela no Diario Oficial de Galicia, conforme o disposto nos artigos 114 e 115 da Lei 30/1992, do 26 de novembro, do réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Santiago de Compostela, 2 de abril de 2004.

Alberto González Armesto

Director xeral de Centros e Ordenación Educativa

ANEXO