A Consellería de Familia, Xuventude, Deporte e Voluntariado, a través da Dirección Xeral de Xuventude, leva a cabo a promoción e organización de actividades de animación sociocultural destinadas á xuventude no ámbito do lecer e o tempo libre.
Asumidas as competencias neste eido polo Decreto 146/1982, do 1 de decembro, e consciente esta
consellería da importancia que ten facilitar canles polas que a xuventude poida participar neste tipo de actividades, é polo que este ano, ao igual que en anos anteriores, se convoca a Campaña Verán-2004.
A oferta da Campaña Verán-2004 comprende, ademais daquelas que se desenvolven na Comunidade Autónoma galega, actividades de ámbito nacional, tendo lugar a súa celebración noutras comunidades autónomas de España.
A Consellería de Familia, Xuventude, Deporte e Voluntariado, a través da Dirección Xeral de Xuventude, pretende desta forma atender a demanda individual, cada día máis crecente, de mozos e mozas no eido do lecer e o tempo libre.
Por todo isto,
DISPOÑO:
Artigo 1º.-Obxecto.
1. Co obxectivo de facilitarlle á xuventude a participación en actividades de tempo libre, a Consellería de Familia, Xuventude, Deporte e Voluntariado, a través da Dirección Xeral de Xuventude, oferta un plan xeral de actividades que se detalla no anexo I desta orde.
As diferentes actividades que integran esta oferta xeral levaranse a cabo tanto en Galicia como nas comunidades autónomas de España, en diferentes quendas de entre unha semana e quince días de duración durante os meses de xullo e agosto.
2. A información sobre a convocatoria desta campaña, así como de cada actividade e instalación xuvenil onde se desenvolverá, atoparase detallada na páxina web da Rede de Información Xuvenil (www.rix.org). Ademais os interesados poden solicitar folletos informativos da convocatoria na Dirección Xeral de Xuventude, nos servizos e oficinas locais de xuventude das delegacións provinciais da Consellería de Familia, Xuventude, Deporte e Voluntariado, nas oficinas e puntos de información xuvenil da Rede Galega de Información e Documentación Xuvenil, no Centro Coordinador de Información e Documentación Xuvenil, nas oficinas de información administrativa e atención ao cidadán e no teléfono xove (902 152 535).
Artigo 2º.-Servizos ofertados.
1. A participación na oferta da Campaña Verán-2004 realizarase a través de inscrición individual. Os participantes dispoñerán dos seguintes servizos:
a) Un programa de actividades de carácter socio cultural, recreativo, formativo e convivencial, que posibilite a participación do mozo.
b) Aloxamento en albergue xuvenil, residencia xuvenil ou campamento xuvenil.
c) Manutención en réxime de pensión completa.
d) O material necesario para a actividade.
e) Un equipo técnico de persoal especializado en animación sociocultural e actividades de tempo libre.
f) Atención sanitaria de primeiros auxilios e seguro de accidentes.
g) Nas actividades desenvolvidas noutras comunidades autónomas inclúese o transporte desde Santiago de Compostela ata o lugar de destino.
2. A incorporación aos campamentos e albergues de Galicia será por conta do interesado o día de inicio da quenda correspondente, entre as 16.00 e as 19.00 horas, tendo como límite ás 10.00 horas do día seguinte. Non se admitirá ningún participante despois deste límite.
Artigo 3º.-Participantes.
1. Poden solicitar a súa participación nas actividades ofertadas nesta convocatoria os mozos e mozas con idades comprendidas nos tramos de idades que se especifican para cada actividade no anexo I.
2. Canto á marxe de idade mínima e máxima que se especifica para cada actividade, deberase ter en conta que:
a) A idade mínima especificada deberá cumprirse durante o ano 2004, agás nos casos en que a idade mínima sexa os 18 anos, nese caso deberanse ter cumpridos antes do comezo da actividade.
b) A idade máxima especificada deberá terse cumprida o 31-7-2004, para aquelas actividades que se desenvolvan en xullo e o 31-8-2004 para as que se desenvolvan en agosto.
3. O incumprimento destas normas dará lugar á non admisión da solicitude.
Artigo 4º.-Solicitude.
1. As solicitudes deberán formularse no impreso que se indica no anexo II desta orde, que poderá solicitar nos servizos que especifica o artigo 1.2 ou ben descargar e cubrir directamente desde a páxina web www.rix.org
Os impresos de solicitude deben ser cubertos de acordo coas seguintes normas:
a) Cada mozo ou moza só poderá cubrir unha solicitude elixindo, por orde de prioridade, un máximo de cinco quendas ou actividades. (Cada quenda ou actividade vai identificada cun código no anexo I desta orde).
b) Os datos do solicitante deben ser os do mozo ou moza que opta a participar nas actividades.
c) A solicitude deberá asinala o solicitante e o seu pai/nai ou titor/a.
d) Se o solicitante é galego non residente en Galicia, na súa solicitude debe figurar, para as comunicacións, un enderezo nesta comunidade autónoma.
e) A duplicidade dunha solicitude dará lugar á inadmisión de ambas, por incumprimento do artigo 4.1.a), quedando o solicitante fóra do sorteo.
2. As solicitudes dirixiranse á directora xeral de Xuventude e poderán presentarse no rexistro xeral da Consellería de Familia, Xuventude, Deporte e Voluntariado, nos rexistros das súas delegacións provinciais ou por calquera dos medios establecidos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.
O interesado poderá comprobar a recepción da súa solicitude a partir do 4 de maio no teléfono xove 902 15 25 35 e na páxina web www.rix.org
Artigo 5º.-Prazo.
O prazo de presentación de solicitudes iniciarase ao día seguinte á publicación desta orde no Diario Oficial de Galicia e rematará o día 27 de abril de 2004.
Artigo 6º.-Adxudicación de prazas.
A adxudicación das prazas realizarase da seguinte forma:
1. Por adxudicación directa, no caso de que a demanda non supere o número de prazas dispoñibles.
2. Por sorteo, por medios informáticos, no suposto de que o número de solicitudes supere o número de prazas dispoñibles.
Neste caso o sorteo realizarase, ante notario, o día 10 de maio de 2004 nas dependencias da Secretaría Xeral da Consellería de Familia, Xuventude, Deporte e Voluntariado en Santiago de Compostela.
Mediante este sorteo, cubriranse as prazas nas distintas actividades que especifica o anexo I desta orde.
Así mesmo, dará lugar a unha lista de espera para cada unha das actividades. Esta lista xerarase unicamente pola primeira opción elixida polos solicitantes. O número de reservas en cada actividade será do 50% das prazas convocadas.
No caso de que se produzan baixas a Dirección Xeral de Xuventude ou o servizo de Xuventude correspondente contactarán, seguindo a orde de lista, cos suplentes mediante chamada telefónica. Realizaranse 3 chamadas entre as 9.00 e as 16.00 horas que quedarán rexistradas para a súa constancia. De non contactar co interesado, este será dado de baixa e procederase á chamar ao seguinte na lista de espera.
2. A Dirección Xeral de Xuventude fará público o resultado do sorteo, incluídas as listas de espera, e confeccionará a correspondente lista de admitidos para cada quenda e actividade. A lista de admitidos será exposta o día 11 de maio de 2004, na Dirección Xeral de Xuventude, no rexistro xeral da Consellería de Familia, Xuventude, Deporte e Voluntariado, nos rexistros e servizos de Xuventude das súas delegacións provinciais, no Centro de Información Administrativa e Atención ao Cidadán de Santiago de Compostela, no teléfono xove (902 152 535) e na páxina web www.rix.org
Artigo 7º.-Documentación.
1. Os participantes seleccionados deberán presentar desde o día seguinte ao da data de exposición das listas e ata o día 21 de maio de 2004, na Delegación Provincial da Consellería de Familia, Xuventude, Deporte e Voluntariado da provincia onde se vai a desenvolver a actividade, ou na Dirección Xeral de Xuventude, no caso das actividades pluriprovinciais (que se desenvolven en dúas ou tres instalacións de diferentes provincias) ou actividades que se realicen fóra da Comunidade Autónoma de Galicia, a seguinte documentación:
-Xustificación de pagamento (impreso oficial).
-Fotocopia do DNI ou da folla correspondente do libro de familia.
-Fotocopia do documento de afiliación á Seguridade Social ou seguro médico privado.
-Cuestionario médico-sanitario (anexo III).
-Certificado médico de non padecer ningunha enfermidade ou discapacidade que lle impida participar na actividade con normalidade.
-Declaración responsable de que sabe nadar.
-Fotocopia compulsada do título de familia numerosa, de ser o caso.
-Fotocopia compulsada do Carné Xove ou Carné Máis, de ser o caso.
2. No caso de que a referida documentación non fose presentada no prazo indicado a praza será ofrecida á persoa que se atope no primeiro lugar da lista de espera correspondente.
Artigo 8º.-Adxudicación de prazas ás listas de espera.
1. As vacantes que se produzan por non presentar a documentación, por presentala fóra do prazo establecido ou por renunciar á praza obtida no sorteo, serán ofrecidas desde o día 26 ao 28 de maio, ambos incluídos, aos solicitantes que figuran nas listas de espera correspondentes. Unha vez recibida a comunicación da baixa e aceptada a praza ofrecida, deberán presentar a documentación sinalada no artigo 7º antes do día 5 de xuño.
2. No caso de non presentar a mencionada documentación no prazo indicado a praza pasará á oferta pública, aplicándose o procedemento disposto no artigo 9º desta orde.
Artigo 9º.-Adxudicación das prazas de resultas.
1. As prazas que non se cubrisen polos procedementos de adxudicación establecidos nos artigos 6º e 8º desta orde, concederanse por adxudicación directa segundo se vaian solicitando. Estas prazas estarán expostas na páxina web www.rix.org
Para estes efectos, o día 11 de xuño poderán solicitar as prazas vacantes todos aqueles solicitantes aos que non se lles adxudicou praza no sorteo nin na adxudicación de prazas ás listas de espera.
Transcorrido o dito período, as prazas vacantes poderán ser solicitadas por calquera persoa interesada, sempre e cando cumpra as limitacións de idade ás que se fai mención no artigo 3º desta orde.
2. Para solicitar as prazas de resultas, o interesado poderá efectuar a oportuna reserva da praza, no caso de que existan vacantes, por teléfono a través de calquera servizo de Xuventude das delegacións provinciais da Consellería de Familia, Xuventude, Deporte e Voluntariado ou da Dirección Xeral de Xuventude.
Cada persoa só poderá facer a reserva, como máximo, de catro prazas para catro participantes.
A reserva de prazas poderase efectuar en horario de 9.00 a 14.00 horas, en días laborables agás os sábados.
3. Unha vez efectuada a reserva de praza, o interesado disporá dun prazo de 48 horas para presentar o impreso que se indica no anexo II desta orde debidamente cuberto, e a documentación relacionada no artigo 7º. Os solicitantes aos que non se lles adxudicou praza no sorteo non terán que presentar o anexo II. Esta documentación poderá presentala en calquera das oficinas anteriormente relacionadas. En caso contrario, perderá o dereito á praza reservada.
4. No anexo IV indícanse os enderezos e teléfonos das oficinas administrativas a través das que pode efectuar a oportuna reserva de praza, para os efectos do disposto neste artigo.
Artigo 10º.-Prezos.
1. Os prezos de aplicación para cada actividade e quenda aparecen detallados no anexo I desta orde, de acordo co sinalado na Orde do 23 de decembro de 2003 (DOG nº 251, do 29 de decembro).
2. Os membros de familia que teñan o título de numerosa terán un desconto do 50% sobre os prezos que aparecen detallados no anexo I desta orde. Circunstancia que debe ser acreditada coa presentación dunha fotocopia compulsada do título de familia numerosa vixente.
3. Os usuarios do Carné Xove ou do Carné Máis gozarán dun desconto do 20% sobre os prezos que aparecen detallados no anexo I desta orde. Circunstancia que debe ser acreditada coa presentación dunha fotocopia compulsada do Carné Xove ou Máis, vixente.
4. Os descontos citados nos dous puntos anteriores en ningún caso serán acumulables.
Artigo 11º.-Devolucións de cotas.
1. Se unha vez obtida a praza e aboado o prezo correspondente o interesado non puidese asistir á actividade, só terá dereito á devolución deste no caso de que comunique a renuncia á praza por escrito e solicite a devolución da cantidade aboada polo menos vinte días antes do inicio da actividade, ou cando, por causas non imputables ao interesado non se preste o servizo ou a Administración anule a actividade (Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia e Decreto lexislativo 172/1992, do 26 de xuño, polo que se ditan normas para a xestión da liquidación e recadación das taxas e prezos públicos da Comunidade Autónoma de Galicia).
2. Para estes efectos os interesados dispoñen dun modelo normalizado de solicitude de devolución de cota de participación anexo a esta orde (anexo V), que tamén poderán solicitar na Dirección Xeral de Xuventude e nos servizos de xuventude das delegacións provinciais da Consellería de Familia, Xuventude, Deporte e Voluntariado.
3. A solicitude deberá dirixirse ao delegado provincial da Consellería de Familia, Xuventude, Deporte e Voluntariado da provincia onde se vai desenvolver a actividade, ou á directora xeral de Xuventude no caso das actividades que se desenvolvan en máis dunha provincia ou fóra da Comunidade Autónoma de
Galicia, que serán os órganos encargados de resolver en cada caso.
Disposicións derradeiras
Primeira.-Facúltase a directora xeral de Xuventude para ditar, no ámbito das súas competencias, as resolucións precisas para o desenvolvemento desta orde.
Segunda.-Esta orde entrará en vigor ao día seguinte da súa publicación no Diario Oficial de Galicia.
Santiago de Compostela, 1 de abril de 2004.
Pilar Rojo Noguera
Conselleira de Familia, Xuventude, Deporte
e Voluntariado
ANEXO I
Campamentos de verán 2004
praza (A)
Instalación xuvenil Actividade Data Idade Importe
Nº de código
Res. xuv. Altamar
Alb. xuv. Gandarío
Camp. xuv. Os Chacotes
Camp. xuv. Os Chacotes
Res. Xuv. Irmáns Pedrosa
Rutas Coñece Galicia 17-31/7/2004 15-17 173 150001
Alb. xuv. Gandarío
Mar e natureza 1-15/07/2004 15-17 130 150003
Camp. xuv. A Devesa
Mar e natureza 17-31/07/2004 13-15 130 150004
Alb. xuv. Marina Española (*) A miña primeira aventura 26/06-03/07/2004 9-10 81 150101
3-10/07/2004 9-10 81 150102
10-17/07/2004 9-10 81 150103
17-24/07/2004 9-10 81 150104
24-31/07/2004 9-10 81 150105
Deporte e recreación 17-31/08/2004 11-12 158 150106
Alb. xuv. Gandarío (*) Actividades no mar 1-15/07/2004 13-14 173 150201
Vela e táboa 1-15/07/2004 15-17 173 150202
Actividades no mar 16-30/07/2004 12-14 173 150203
Actividades no mar 1-15/08/2004 12-14 173 150204
Vela e táboa 1-15/08/2004 15-17 173 150205
Actividades no mar 17-31/08/2004 12-14 173 150206
Vela e táboa 17-31/08/2004 15-17 173 150207
En canoa pola ría de Ares e Betanzos 17-31/07/2004 15-17 158 150211
Camp. xuv. Furelos En bicicleta e cabalo pola natureza 1-15/07/2004 13-14 155 150301
16-30/07/2004 15-17 155 150302
1-15/08/2004 13-14 155 150303
Camp. xuv.Virxe de Loreto Natureza xunto ao mar 1-15/07/2004 13-15 130 150401
16-30/07/2004 13-15 130 150403
1-15/08/2004 15-17 130 150402
Camp. xuv. Espiñeira Campamento de teatro 1-15/07/2004 11-12 130 150501
Maxia na natureza 16-30/07/2004 11-12 130 150502
Alb. xuv. Area Actividades no mar: vela e táboa, esquí acuático e aula natureza mariña 1-15/07/2004 15-17 205 270101
17-31/07/2004 14-15 205 270102
1-15/08/2004 15-17 205 270103
17-31/08/2004 13-14 205 270104
Alb. xuv. Benigno Quiroga (*) A nosa aventura: iniciación ao deporte da vela e do piragüismo 27/06-03/07/2004 9-11 81 270201
4-10/07/2004 9-11 81 270202
11-17/07/2004 9-11 81 270203
18-24/07/2004 9-11 81 270204
25-31/07/2004 9-11 81 270205
1-07/08/2004 9-11 81 270206
8-15/08/2004 9-11 81 270207
Camp. xuv. A Devesa Multiaventura, medio ambiente e mar 1-15/07/2004 15-17 130 270301
Mar e deporte. Actividade complementaria: clases de mar 27/06-3/07/2004 10-12 66 270302
4-10/07/2004 10-12 66 270303
Res. xuv. Irmáns Pedrosa Campamento de teatro 1-15/08/2004 15-17 158 270901
Camp. xuv. P. de Xacinto Aventura e deporte 1-15/07/2004 9-11 130 320101
16-30/07/2004 12-14 130 320102
1-15/08/2004 13-15 130 320103
praza (A)
Instalación xuvenil Actividade Data Idade Importe
Nº de código
Medio Ambiente
Res. Colexio Pablo VI Piragüismo 1-15/07/2004 12-13 173 320201
16-30/07/2004 14-15 173 320202
Alb. Escola Vilamarín (*) Granxa agro-gandeira 1-15/07/2004 9-11 166 320301
16-30/07/2004 11-13 166 320302
1-15/08/2004 9-11 166 320303
Alb. xuv. O Corgo Piragüismo e remo 1-15/07/2004 14-15 173 320401
16-30/07/2004 13-15 173 320402
1-15/08/2004 14-15 173 320403
Alb. xuv. Ordelles Multiaventura 10-20/07/2004 13-15 173 321001
Alb. xuv. Os Biocos de San Xoan de Río (*) Aire libre
1-15/07/2004 11-13 166 320901
16-30/07/2004 14-15 166 320902
1-15/08/2004 13-15 166 320903
Alb. xuv. As Sinas (*) A miña primeira aventura 23-30/06/2004 9-10 81 360105
Actividades no mar: vela, dorna, táboa, piragüismo, kaiak polo e aula natureza mariña 1-15/07/2004 12-14 173 360101
16-30/07/2004 12-14 173 360102
1-15/08/2004 13-15 173 360103
17-31/08/2004 15-17 173 360104
Camp. xuv. Pontemaril Aventura na natureza 1-15/07/2004 10-12 130 360201
Natureza fotográfica 16-30/07/2004 13-15 130 360202
Aventura na natureza 1-8/08/2004 9-11 66 360203
9-16/08/2004 10-12 66 360204
17-31/08/2004 13-15 130 360207
Camp. xuv. Illa de Ons Aventura na illa 1-15/07/2004 11-13 126 360301
16-30/07/2004 10-12 126 360302
1-15/08/2004 13-14 126 360303
(*) Actividade complementaria: informática.
Campamentos noutras comunidades autónomas
Ano 2004. Campaña verán
Comunidade autónoma Instalación xuvenil Modalidade Idade Data Prezo (A) Código
Álava Isla de Zuatza Náutica 12-13 11-20/07/2004 195 501402
Alb. Espejo Tempo libre-inglés 14-16 16-30/07/2004 195 501403
Aragón Aula Natureza de Pineta Campus montaña 14-17 1-15/07/2004 195 501301
Alb. xuv. Quinta Vista Alegre Multiaventura-inglés 14-17 1-15/07/2004 200 501302
Alb. xuv. Ntra. Sra. Pilar-Villanua Vacacións de cine 14-17 2-16/08/2004 200 501303
Aula natureza de Pineta Campus montaña 14-17 2-16/08/2004 195 501304
Canarias Res. xuv. San Antonio Turístico-cultural 14-17 1-11/07/2004 330 500203
Cantabria Camp. Loredo Náutica 14-17 30/06-14/07/2004 220 500301
Alb. xuv. Solórzano Iniciación inglés 13-15 16-30/07/2004 200 500306
Alb.xuv. Loredo e alb. xuv. Braña Vieja Praia-montaña 14-17 17-31/07/2004 195 500302
Camp. xuv. Picos de Europa Ruta de montaña 13-15 17-31/07/2004 195 500303
Alb. xuv. Tama Ruta de montaña 15-17 2-16/08/2004 200 500307
Castela-A Mancha Alb. xuvenil Entrepeñas Náutica e aire libre 15-17 17-31/07/2004 220 500506
Castela e León Alb. xuvenil Navarredonda de Gredos Multiaventura 14-17 1-15/07/2004 200 500401
Alb. xuvenil Arbejal-Palencia Multiaventura 15-17 1-15/07/2004 200 500413
Alb. xuv. Puente Viejo-Boñar-León Náutica 15-17 1-15/07/2004 220 500412
Alb. xuv. Espinosa de los Monteros Multiaventura 15-17 1-15/07/2004 200 500406
Alb. xuvenil Valdeavellano Tera-Soria Multiaventura 15-17 11-20/07/2004 180 500410
Alb. xuv. S. Martín de Castañeda-Sanabria Multiaventura 14-17 16-30/07/2004 200 500409
Extremadura Campamento Emperador Carlos V Multiactividade 15-17 2-16/08/2004 195 500603
Murcia Alb. xuvenil Calarreona Mar e natureza 14-17 16-30/07/2004 220 500701
Águilas Náutica 14-17 220 500704
Navarra Murillo del Gállego Multiactividade 15-17 11-20/07/2004 195 500810
Urbasa-2 (Estella-Zudaire) Ambiente 15-17 195 500813
A Rioxa Camp. xuvenil Molino Viejo Aula de natureza 13-14 2-16/07/2004 195 500901
Alb. xuvenil Hospital San José Iniciación á montaña 15-17 200 500902
