O artigo 28.2º da Constitución española recoñece, como dereito fundamental da persoa, o dereito á folga.

O exercicio deste dereito na Administración e nas empresas, entidades e institucións públicas ou privadas, que presten servizos públicos ou de recoñecida e inaprazable necesidade, no ámbito e competencias da Comunidade Autónoma de Galicia, está condicionado ao mantemento dos servizos esenciais fixados no artigo 2 do Decreto 155/1998, do 9 de xuño (DOG nº 116, do 20 de xuño), entre os que se atopa a sanidade.

O exercicio público da prestación da asistencia sanitaria non se pode ver afectado gravemente polo lexítimo dereito do exercicio de folga, xa que aquel é considerado e recoñecido prioritariamente en relación a este.

O artigo 3 do citado decreto faculta os conselleiros competentes, por razón dos servizos esenciais afectados, para que, mediante orde e diante de cada situación de folga, decidan o mínimo de actividade necesaria para asegurar o mantemento de tales servizos, así como para determinar o persoal necesario para a súa prestación.

Convocada folga pola Organización Sindical de Médicos de Galicia Independentes (O'mega) para os días 12, 13, 14, 19, 20, 21, 26, 27 e 28 de abril de 2004, desde as 0.00 horas ás 24.00 horas, que afectarán ao persoal médico de atención primaria

e de atención especializada que presta servizos nas institucións sanitarias do Servizo Galego de Saúde, outorgada audiencia ao comité de folga

DISPOÑO:

Artigo 1º

As convocatorias de folga realizadas pola Organización Sindical de Médicos de Galicia Independentes (O'mega) para os días 12, 13, 14, 19, 20, 21, 26, 27 e 28 de abril de 2004, desde as 0.00 horas ás 24.00 horas, que afectarán ao persoal facultativo de atención primaria e de atención especializada que prestan servizos nas institucións sanitarias do Servizo Galego de Saúde, deberán entenderse condicionadas ao mantemento dos servizos mínimos, segundo os criterios que se dispoñen nesta orde.

Os servizos mínimos que se fixan resultan totalmente imprescindibles para manter a axeitada cobertura dos servizos esenciais de asistencia sanitaria nos centros sanitarios, para os efectos de evitar que se produzan graves prexuízos aos usuarios.

Tales mínimos responden á necesidade de compatibilizar o respecto ineludible ao exercicio do dereito á folga, coa atención aos usuarios que, baixo ningún concepto, poden quedar desasistidos polas características do servizo dispensado.

E por iso, mantéñense os servizos mínimos necesarios para garantir a asistencia imprescindible a pacientes hospitalizados, así como a atención urxente e permanente aos usuarios, que non poden aprazarse sen consecuencias negativas para a saúde.

Entrando na análise pormenorizada dos servizos mínimos, establécense os seguintes criterios rectores na determinación do persoal necesario para o mantemento dos servizos esenciais:

Criterios rectores:

Os criterios de determinación do persoal facultativo para a cobertura dos servizos mínimos nas institucións sanitarias de atención primaria e de atención especializada serán os seguintes:

A. Persoal facultativo dependente de atención especializada:

I. Cobertura do 100% da actividade urxente nun triple ámbito:

-Servizos de urxencias e gardas médicas.

-Quirófanos urxentes (xerais e de tocoloxía) para a atención dos usuarios que requiran intervención cirúrxica inaprazable no seu ingreso.

-Atención aos paritorios.

II. Cobertura da actividade cirúrxica dos pacientes hospitalizados, respecto ás patoloxías que poñan en perigo a vida deles ou agraven o seu estado de saúde.

III. Na área de hospitalización establecerase o número necesario para garantir as visitas médicas, a atención indefectible dos pacientes hospitalizados e as altas clínicas.

IV. No ámbito de consulta atenderanse as consideradas como urxentes ou preferentes, así como as interconsultas dos pacientes hospitalizados que o requiran, a criterio do facultativo. Así mesmo, atenderanse as consultas inaprazables dos pacientes desprazados.

V. Garantirase, así mesmo, a realización das probas complementarias urxentes e as que se refiren aos pacientes hospitalizados que, a criterio do facultativo, sexan necesarias e inaprazables.

VI. Garantirase a dispensación de medicamentos e de productos sanitarios, que a criterio do facultativo sexan necesarias.

B. Persoal facultativo dependente das xerencias de atención primaria:

I. Cobertura do 100% da actividade urxente.

II. Os servizos mínimos que se fixan no tramo ordinario de atención prestarán asistencia urxente ou inaprazable desa unidade calquera que sexa a modalidade da prestación. A determinación dos efectivos realizarase con base nos tramos seguintes:

-En centros con catro ou menos profesionais: 1 efectivo.

-En centros con cinco a oito profesionais: 2 efectivos.

-En centros con nove a doce profesionais: 3 efectivos.

-En centros con máis de 13 profesionais: 4 efectivos.

Efectivos:

A determinación dos profesionais necesarios con base nos criterios anteriores farase en cada centro e a súa fixación debe estar adecuadamente motivada. A xustificación debe constar no expediente de determinación de mínimos de cada centro e debe exteriorizarse axeitadamente para xeral coñecemento dos destinatarios. Deberá quedar constancia no expediente dos factores ou criterios cuxa ponderación conduce a determinar as prestacións mínimas.

Os profesionais necesarios para a cobertura dos servizos mínimos deberán ser publicados nos taboleiros de anuncios de cada centro, con antelación ao inicio da folga.

Con tales premisas, no anexo desta resolución recóllense, o número de efectivos de servizos mínimos para cubrir as xornadas de folga.

Artigo 2º

A designación nominal, que deberá recaer nos profesionais de xeito rotatorio, será determinada polo director-xerente do centro e notificada aos profesionais designados.

O profesional designado como servizo mínimo, que desexe exercer o seu dereito de folga, poderá instar a substitución da súa designación por outro pro-

fesional que voluntariamente acepte o cambio de maneira expresa.

Artigo 3º

Os paros e alteracións no traballo por parte do persoal necesario para o mantemento dos servizos mínimos determinados no anexo, así como os expostos nos taboleiros de anuncios de cada centro, serán considerados ilegais para os efectos do establecido no artigo 16.1º do Real decreto lei 17/1977, do 4 de marzo (BOE nº 58, do 9 de marzo).

Artigo 4º

O disposto nos artigos anteriores non significará ningún tipo de limitación dos dereitos que a normativa reguladora da folga recoñece ao persoal nesta situación, nin tampouco sobre a tramitación e efectos das peticións que a motiven.

Artigo 5º

Sen prexuízo do que establecen os artigos anteriores, deberanse observar as normas legais e regulamentarias vixentes en materia de garantías dos usuarios dos establecementos sanitarios.

Disposición derradeira

Esta orde entrará en vigor o mesmo día da súa publicación no Diario Oficial de Galicia.

Santiago de Compostela, 2 de abril de 2004.

José Mª Hernández Cochón

Conselleiro de Sanidade

ANEXO

Provincia da Coruña

Centro: Complexo Hospitalario Universitario de Santiago de Compostela.

Categoría/servizo	Número de efectivos de servizos mínimos
	Mañá	Tarde	Noite

Persoal facultativo
Urxencias	11	10	6
Área cirúrxica	52	30	30
Área clínica	49	21	21
Servizos centrais	26	14	12

Centro: Complexo Hospitalario Juan Canalejo-Marítimo Oza da Coruña.

Categoría/servizo	Número de efectivos de servizos mínimos
	Mañá	Tarde	Noite

Persoal facultativo
Urxencias	8	7	5
Área cirúrxica	75	33	33
Área clínica	62	19	18
Servizos centrais	27	8	8

Centro: Complexo Hospitalario Arquitecto Marcide-Novoa Santos.

Categoría/servizo	Número de efectivos de servizos mínimos
	Mañá	Tarde	Noite

Persoal facultativo
Urxencias	4	4	2
Área cirúrxica	19	12	12
Área clínica	16	8	8
Servizos centrais	12	3	3

Centro: Xerencia de Atención Primaria de Santiago de Compostela.

Categoría/servizo	Número de efectivos de servizos mínimos
	Mañá	Tarde	Noite

Persoal facultativo	75	36	22
Pediatras	33	4
Odontólogos	8

Centro: Xerencia de Atención Primaria da Coruña (área de Ferrol).

Categoría/servizo	Número de efectivos de servizos mínimos
	Mañá	Tarde	Noite

Persoal facultativo	39	23	12
Pediatras	16	4
Odontólogos	5	1

Centro: Xerencia de Atención Primaria da Coruña-Ferrol (área da Coruña).

Categoría/servizo	Número de efectivos de servizos mínimos
	Mañá	Tarde	Noite

Médicos de familia	95	49	19
Pediatras	41	6
Odontólogos	8	1

Provincia de Lugo

Centro: Complexo Hospitalario Xeral-Calde de Lugo.

Categoría/servizo	Número de efectivos de servizos mínimos
	Mañá	Tarde	Noite

Persoal facultativo
Urxencias	9	9	5
Área cirúrxica	26	14	14
Área clínica	37	9	9
Servizos centrais	28	8	7

Centro: Hospital Comarcal de Monforte de Lemos.

Categoría/servizo	Número de efectivos de servizos mínimos
	Mañá	Tarde	Noite

Persoal facultativo
Urxencias	2	2	2
Área cirúrxica	9	9	9
Área clínica	2	2	2
Servizos centrais	6	6	5

Centro: Hospital da Costa de Burela.

Categoría/servizo	Número de efectivos de servizos mínimos
	Mañá	Tarde	Noite

Persoal facultativo
Urxencias	3	3	2
Área de cirurxía	11	11	11
Área clínica	8	3	3
Servizos centrais	8	2	2

Centro: Xerencia de Atención Primaria de Lugo.

Categoría/servizo	Número de efectivos de servizos mínimos
	Mañá	Tarde	Noite

Médicos de familia	108	37	26
Pediatras	20	1
Odontólogos	14

Provincia de Ourense

Centro: Complexo Hospitalario de Ourense.

Categoría/servizo	Número de efectivos de servizos mínimos
	Mañá	Tarde	Noite

Persoal facultativo
Urxencias	7	6	4
Área cirúrxica	38	12+7 localizadas	12+7 localizadas
Área clínica	48	14+1 localizadas	11+2 localizadas
Servizos centrais	25	5+2 localizadas	4+3 localizadas

Centro: Hospital do Barco de Valdeorras.

Categoría/servizo	Número de efectivos de servizos mínimos
	Mañá	Tarde	Noite

Persoal facultativo
Urxencias	2	2	2
Área cirúrxica	8	4	4
Área clínica	5	4	4
Servizos centrais	4	4	3

Centro: Xerencia de Atención Primaria de Ourense.

Categoría	Número de efectivos de servizos mínimos
	Mañá	Tarde	Noite

Médicos de familia	108	32	26
Pediatras	19	5
Odontólogos	13

Provincia de Pontevedra

Centro: Hospital do Meixoeiro.

Categoría/servizo	Número de efectivos de servizos mínimos
	Mañá	Tarde	Noite

Persoal facultativo
Urxencias	100%	100%	100%
Área cirúrxica	18	Gardas	Gardas
Área clínica	16	Gardas	Gardas
Servizos centrais	22	Gardas	Gardas

Centro: Complexo Hospitalario de Pontevedra.

Categoría/servizo	Número de efectivos de servizos mínimos
	Mañá	Tarde	Noite

Persoal facultativo
Urxencias	6	3	Gardas
Área cirúrxica	34	Gardas	Gardas
Área clínica	45	Gardas	Gardas
Servizos centrais	20	Gardas	Gardas

Centro: Complexo Hospitalario Xeral-Cíes de Vigo.

Categoría/servizo	Número de efectivos de servizos mínimos
	Mañá	Tarde	Noite

Persoal facultativo
Urxencias	7	5	3
Área cirúrxica	20	Persoal de garda	Persoal de garda
Área clínica	29	Persoal de garda	Persoal de garda
Servizos centrais	18	Persoal de garda	Persoal de garda

Centro: Hospital Nicolás Peña.

Categoría/servizo	Número de efectivos de servizos mínimos
	Mañá	Tarde	Noite

Persoal facultativo
Área clínica	3	2	2
Servizos centrais	5

Centro: Xerencia de Atención Primaria de Pontevedra-Vigo (área de Pontevedra).

Categoría/servizo	Número de efectivos de servizos mínimos
	Mañá	Tarde	Noite

Médicos de familia	62	26	16
Pediatras	26	3	1
Odontólogos	8	1

Centro: Xerencia de Atención Primaria de Vigo.

Categoría/servizo	Número de efectivos de servizos mínimos
	Mañá	Tarde	Noite

Médicos de familia	44	32	19
Pediatras	36	7
Odontólogos	9	1

CONSELLERÍA DE XUSTIZA, INTERIOR E ADMINISTRACIÓN

LOCAL