Subscrito, logo da tramitación regulamentaria, o convenio de colaboración específico entre o Instituto para a Reestruturación da Minaría do Carbón e Desenvolvemento Alternativo das Comarcas Mineiras e a Consellería de Innovación, Industria e Comercio da Xunta de Galicia para a execución do proxecto de mellora de accesos ao polígono industrial de Acebedo (A Coruña), procede a publicación no Diario Oficial de Galicia do dito convenio, que figura como anexo desta resolución.

Santiago de Compostela, 27 de febreiro de 2004.

Ramón Ordás Badía

Director xeral de Industria, Enerxía e Minas

ANEXO

Convenio de colaboración específico entre o Instituto para a Reestruturación da Minaría do Carbón e Desenvolvemento Alternativo das Comarcas Mineiras e a Consellería de Innovación, Industria e Comercio da Xunta de Galicia para a execución do proxecto de mellora de accesos ao polígono industrial de Acebedo (A Coruña).

Na cidade de Santiago de Compostela, 19 de decembro de 2003.

Dunha parte,

José Folgado Blanco, secretario de Estado da Enerxía, Desenvolvemento Industrial e da Pequena e Mediana Empresa, nomeado por Real decreto 700/2002, do 12 de xullo, na súa calidade de presidente do Instituto para a Reestruturación da

Minaría do Carbón e Desenvolvemento Alternativo das Comarcas Mineiras, no exercicio das competencias atribuídas na disposición adicional décimo terceira da Lei 30/1992, do 26 de novembro, de réxime xurídico das administracións públicas e do procedemento administrativo común, na redacción dada a esta pola Lei 4/1999, do 13 de xaneiro.

De outra,

Juan Rodríguez Yuste, conselleiro de Innovación, Industria e Comercio da Xunta de Galicia, nomeado por Decreto 16/2003, do 18 de xaneiro, que en virtude do disposto no artigo 3 da orde da Consellería de Innovación, Industria e Comercio do 21 de xaneiro de 2003, sobre delegación das competencias en materia de subscrición de convenios no secretario xeral da Consellería de Innovación, Industria e Comercio, reclama neste acto para si o exercicio da competencia delegada pola anterior orde.

Ambos se recoñecen, na representación que representan, capacidade para formalizar este convenio de colaboración específico para a execución do proxecto de mellora de accesos ao polígono industrial de Acebedo (A Coruña) e no do protocolo de colaboración subscrito o día 11 de febreiro de 1998 entre o Ministerio de Industria e Enerxía e a Comunidade Autónoma de Galicia, actualizado por Acordo Suplementario do 30 de setembro de 2003, e en virtude das competencias que ambas as partes se recoñecen no citado protocolo, e para tal efecto,

EXPOÑEN:

Que o proxecto de mellora de accesos ao polígono industrial de Acevedo (A Coruña) se atopa recollido, entre os que se executarán, no anexo ao protocolo de colaboración subscrito entre o Ministerio de Industria e Enerxía e o Goberno da Comunidade Autónoma de Galicia.

Que a cláusula quinta do protocolo de colaboración entre o Ministerio de Industria e Enerxía e a Comunidade Autónoma de Galicia para a promoción do desenvolvemento económico alternativo das zonas mineiras de Galicia, prevía que en convenios de colaboración específicos adicionais ao citado pro

tocolo se determinarían, entre outras, as seguintes cuestións:

-As actuacións que hai que realizar no desenvolvemento dun proxecto de infraestructuras, en concreto, o prazo de execución, o custo e a xustificación das actuacións para a súa realización.

-Unha vez adxudicada a obra, os termos en que se realizarán as contribucións económicas da Administración Xeral do Estado, en concreto, do Instituto para a Reestruturación da Minaría do Carbón e o Desenvolvemento Alternativo das Comarcas Mineiras.

-Calquera outra cuestión que se estime conveniente para o mellor desenvolvemento do convenio de colaboración específico de execución do proxecto de mellora de accesos ao polígono industrial de Acevedo (A Coruña) e do protocolo de referencia.

Que consideran conveniente proceder ao desenvolvemento do protocolo de colaboración na Comunidade Autónoma de Galicia e, en concreto, a realización do proxecto de mellora de accesos ao polígono industrial de Acevedo (A Coruña) e, que para iso,

ACORDAN:

Primeiro.-Desenvolver as actuacións necesarias en execución do proxecto de mellora de accesos ao polígono industrial de Acebedo (A Coruña), cuxo custo ascende a trescentos noventa e un mil cincocentos corenta e tres euros (391.543 euros).

Segundo.-De acordo co previsto na cláusula terceira do protocolo de colaboración entre o Ministerio de Industria e Enerxía e a Comunidade Autónoma de Galicia para a promoción do desenvolvemento económico alternativo das zonas mineiras do carbón, o Instituto para a Reestruturación da Minaría do Carbón e Desenvolvemento Alternativo das Comarcas Mineiras financiará as actuacións previstas neste convenio de colaboración específico cunha achega económica que non superará os trescentos noventa e un mil cincocentos corenta e tres euros (391.543 euros).

A Consellería de Innovación, Industria e Comercio da Xunta de Galicia dedicará os fondos transferidos a financiar os investimentos na contía de trescentos noventa e un mil cincocentos corenta e tres euros (391.543 euros).

O Instituto reserva para si a facultade de non financiar aquelas actuacións do proxecto de desenvolvemento que considere non axeitadas aos fins do convenio de colaboración específico ou que a súa posterior execución non sexa conforme ao proxecto.

Terceiro.

1. As achegas realizaranse con cargo aos orzamentos do Instituto para a Reestruturación da Minaría do Carbón e Desenvolvemento Alternativo das Comarcas Mineiras para o ano 2003, aplicación orzamentaria 24.101.741A.751, ou, se é o caso, aos da anualidade correspondente, con suxeición á existencia de crédito e habilitación legal para iso.

2. O instituto transferirá os fondos á Consellería de Economía e Facenda do modo seguinte:

2.1. O 25% do importe do proxecto de mellora de accesos ao polígono industrial de Acevedo (A Coruña) no ano 2003, cando se produza a adxudicación da obra obxecto do investimento.

2.2. O 50% do importe do citado proxecto no ano 2004, cando a execución deste se efectuara en igual porcentaxe, téndose recibido os documentos xustificativos que o acrediten ou, se é o caso, mediante certificación do órgano competente do emprego dado aos fondos.

2.3. O 25% restante no ano 2005, cando se executase a totalidade do citado proxecto, recibíndose os documentos xustificativos que o acrediten ou, se é o caso, mediante certificación do órgano competente do emprego dado aos fondos.

Xunto co anterior, será preciso presentar a memoria de execución e os informes aos que fai referencia a cláusula quinta do protocolo de colaboración.

Se a Comunidade Autónoma acredita a necesidade de realizar actuacións avaliables economicamente con carácter previo á adxudicación da obra, poderase anticipar o seu custo ata un máximo do 10% do financiamento deste proxecto antes da citada adxudicación. Neste caso, aboarase a porcentaxe restante ata o 25% á adxudicación da obra.

3. As modificacións que superen a achega económica fixada no punto 2º deste convenio de colaboración específico para financiar as actuacións previstas en execución deste formalizaranse, se é o caso, mediante addenda, cumprindo os trámites legalmente esixidos e previo informe da Comisión de Seguimento e Avaliación.

Cuarto.-De acordo co previsto na cláusula sexta do protocolo de colaboración entre o Ministerio de Industria e Enerxía e o Goberno da Comunidade Autónoma para a promoción do desenvolvemento económico alternativo das zonas mineiras do carbón, nos carteis informativos de identificación do proxecto de mellora de accesos ao polígono industrial de Acevedo (A Coruña) que se instalarán nas obras das distintas actuacións que este comprende, deberá figurar, como cabeceira, en superior ou igual tamaño aos da Comunidade Autónoma, o escudo de España, Ministerio de Economía, Instituto para a Reestruturación da Minaría do Carbón e Desenvolvemento Alternativo das Comarcas Mineiras e a lenda Plan da Minaría do Carbón e Desenvolvemento Alternativo das Comarcas Mineiras, na forma que se establece no anexo a este convenio, e igualmente deberase incluír a mención a proxecto financiado polo Instituto para a Reestruturación da Minería do Carbón e Desenvolvemento Alternativo das Comarcas Mineiras.

Así mesmo, en calquera outra publicidade que do proxecto ou das súas distintas actuacións, realice, tanto a Administración executante do convenio

como polo adxudicatario deste, deberá incluírse o escudo e lendas na mesma forma antes exposta.

A Comunidade Autónoma deberalle comunicar á presidencia do instituto, a data en que serán inauguradas as obras ou actuacións que comprende o proxecto de mellora de accesos aos polígono industrial de Acebedo (A Coruña).

Quinto.-Este convenio ten natureza administrativa, sendo o réxime xurídico aplicable a este, o establecido no título I da Lei 30/1992, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro. En materia de interpretación, modificación e resolución en xeral das cuestións non consideradas no citado protocolo, aplicaranse as normas de dereito administrativo, cando así sexa necesario.

Sexto.-A execución das actuacións que se recollen no punto primeiro deberá ter lugar no prazo de tres anos desde a sinatura deste convenio. A xustificación das ditas actuacións deberá producirse dentro dos catro meses seguintes á finalización da execución. Non obstante, o devandito prazo poderá ser ampliado polas entidades asinantes, logo de petición da comisión mixta de seguimento e avaliación, cando algunha circunstancia sobrevida así o aconselle e formalizándose para tal efecto. En caso de que a devandita ampliación de prazo supuxera modificación da distribución do gasto en anualidades, será sometida ós preceptivos actos de fiscalización e aprobación.

E en proba de conformidade, asinan os integrantes no lugar e data indicados no encabezamento, José Folgado Blanco, presidente do Instituto para a Reestruturación da Minería do Carbón e Desenvolvemento Alternativo das Comarcas Mineiras. Juan Rodríguez Yuste, conselleiro de Innovación, Industria y Comercio.

CONSELLERÍA DE POLÍTICA AGROALIMENTARIA E

DESENVOLVEMENTO RURAL