A Lei 12/1993, de fomento da investigación e desenvolvemento tecnolóxico de Galicia, no seu artigo 1, establece como obxectivo xeral o fomento da investigación científica e a innovación tecnolóxica para promover o desenvolvemento económico, social e productivo de Galicia. Como unha ferramenta encamiñada ao logro deste obxectivo, a citada lei, no seu capítulo II, crea o Plan Galego de Investigación e Desenvolvemento Tecnolóxico. O Consello da Xun
ta de Galicia, na súa reunión do 14 de marzo de 2002, aprobou o Plan Galego de Investigación, Desenvolvemento e Innovación Tecnolóxica (2002-2005).
O plan está integrado por programas xerais, sectoriais e horizontais. Dentro dos programas horizontais figura o programa de recursos humanos que ten, entre outros obxectivos, o de incrementar os recursos humanos dedicados a actividades de I+D+I tanto en número como en especialización nas áreas de maior interese, así como incrementar o número de doutores e tecnólogos incorporados ao sistema público de I+D.
O obxectivo do programa Isidro Parga Pondal é contribuír a superar o déficit de recursos humanos do sistema de I+D en Galicia continuando a acción iniciada no ano 2003 de inserción nas universidades do sistema universitario de Galicia e en centros de investigación da Comunidade Autónoma de xoves doutores cunha formación investigadora acreditada en organismos científicos nacionais ou estranxeiros. Na súa virtude e consonte o previsto no convenio de colaboración subscrito pola Consellería de Innovación, Industria e Comercio coas universidades do sistema universitario de Galicia e o CSIC, esta consellería
DISPÓN:
Artigo 1º.-Finalidade da convocatoria.
Esta convocatoria establece as bases que regulan a concesión de axudas para a realización de 48 contratos laborais de duración determinada e destinados á incorporación de investigadores que teñan acadado o título de doutor ás universidades do sistema universitario de Galicia (45 contratos), aos centros en Galicia do Consello Superior de Investigacións Científicas (CSIC) (2 contratos), así como ao Centro de Cultivos Mariños de Ribadeo dependente da Xunta de Galicia (1 contrato).
Artigo 2º.-Requisitos dos candidatos.
Os candidatos á obtención dalgún dos contratos obxecto desta convocatoria deberán acreditar o cumprimento dos seguintes requisitos:
a) Posuíren a nacionalidade española, seren nacionais dun país membro da Unión Europea ou seren estranxeiros con permiso de residencia en España.
b) Estaren en posesión do grao de doutor.
As titulacións obtidas no estranxeiro deberán estar homologadas polo Ministerio de Educación e Cultura a excepción das obtidas en países membros da Unión Europea.
Admitiranse solicitudes de candidatos que teñan iniciado o trámite de homologación do título de doutor polo Ministerio de Educación e Cultura, pero neste caso a selección do candidato, de producirse,
quedará condicionada, para os efectos de obtención de prórroga, a que a dita homologación se conceda antes do 1 de outubro de 2006.
c) Teren realizado estadías en universidades ou en centros de investigación distintos a aquela universidade en que se expediu o seu título de doutor, durante un período mínimo de 6 meses despois de teren acadado o grao de doutor. No caso de OPI requirirase que a estadía se realizase nun centro distinto daquel en que se realizou a tese de doutoramento.
d) Non teren un contrato do Programa Isidro Parga Pondal como consecuencia da convocatoria destas axudas correspondente ao ano 2003.
Artigo 3º.-Dotación, número e duración dos contratos.
A axuda máxima concedida para cada contrato laboral será de 26.075 euros por ano de contrato, incluíndo neste importe a retribución bruta anual do contrato e o pagamento de custos sociais.
O número máximo de contratos que poderán financiarse é de 48, un dos cales lle corresponde ao Centro de Cultivos Mariños de Ribadeo dependente da Xunta de Galicia e será financiado con cargo ás dotacións do capítulo I dos orzamentos para os anos 2004, 2005 e 2006 da Dirección Xeral de Investigación e Desenvolvemento e os 47 contratos restantes serán financiados con cargo á aplicación orzamentaria 08.05.432A.740.0 dos orzamentos xerais da Comunidade Autónoma para os anos 2004, 2005 e 2006, de acordo coa seguinte distribución: 2004: 306.381,25 A, 2005: 1.225.525 A, 2006: 919.143,75 A. A universidade correspondente ou o CSIC, segundo corresponda, serán os encargados do pagamento dos correspondentes contratos laborais.
A duración dos contratos será de dous anos e poderán ser obxecto de prórroga tras a publicación no DOG dunha convocatoria na que se recollan os requisitos e características desta.
A primeira anualidade dos contratos comezará a computarse na data que se indique na resolución desta convocatoria e non será anterior ao 1 de outubro de 2004.
Artigo 4º.-Formalización de solicitudes e prazo de presentación.
As solicitudes no modelo oficial RHU-10, do que a folla externa se publica como anexo á presente orde, están ao dispor dos interesados nas dependencias da Dirección Xeral de I+D e na Internet nos enderezos: http://www.dxid.org. ou http://www.cesga.es/dxid. As solicitudes presentaranse no rexistro xeral da Dirección Xeral de I+D ou por calquera das formas previstas no artigo 38.4º da Lei 30/1992.
As solicitudes deberán ir xunto coa seguinte documentación:
a) Fotocopia do documento nacional de identidade ou do documento equivalente no caso de ser nacional doutro país membro da Unión Europea ou da tarxeta de residente, no caso de nacionais doutros países.
b) Fotocopia compulsada do título de doutor ou doutro documento acreditativo de ter acadado o dito grao e a data da súa obtención. De ser o caso, fotocopia compulsada da homologación polo Ministerio de Educación e Cultura, ou da solicitude de homologación presentada ao dito ministerio.
c) Curriculum vitae do candidato segundo o modelo oficial acompañado dos documentos xustificativos correspondentes, así como de fotocopia compulsada dos documentos que acrediten a realización de estadías de posdoutoramento en universidades ou centros de investigación distintos a aquela universidade en que se expediu o seu título de doutor por un mínimo de 6 meses. Non serán obxecto de valoración aqueles méritos alegados que non sexan convenientemente acreditados.
d) Declaración das axudas solicitadas ou concedidas para o mesmo fin de todas as administracións públicas, consonte o documento que se inclúe no modelo de solicitude.
Na instancia de solicitude o candidato indicará, por orde de prioridade descendente, o código das prazas ás que opta, entre aquelas que figuran no anexo II desta orde, tendo en conta que como máximo poderá solicitar cinco prazas que non poderán corresponder a máis de dúas áreas temáticas ANEP. Para cada unha das prazas solicitadas o solicitante deberá argumentar a adecuación da súa formación ao perfil delas utilizando o impreso que para este fin se inclúe no modelo de solicitude.
O prazo de presentación de solicitudes será de 40 días naturais que se contarán a partir do día seguinte ao de publicación desta convocatoria no DOG.
Artigo 5º.-Tramitación.
Os servizos da Dirección Xeral de Investigación e Desenvolvemento comprobarán que todas as solicitudes reúnen os requisitos establecidos na presente orde e pola súa parte a Comisión de Selección de Investigación da Consellería de Innovación, Industria e Comercio, creada polo Decreto 37/1998, do 30 de xaneiro, analizará a xustificación de adecuación dos candidatos a cada unha das prazas solicitadas; como consecuencia elaborarase a lista de solicitudes admitidas e excluídas en que figurarán as prazas ás que se considera que pode concorrer cada solicitante e, de ser o caso, as causas de exclusión. A lista exporase nos taboleiros da Dirección Xeral de Investigación e Desenvolvemento e na Internet nos enderezos http://www.dxid.org ou
http://www.cesga.es/dxid desde o 24 de maio ao 4 de xuño de 2004 e os interesados poderán durante este prazo formular reclamacións para emendar erros e falta de documentos, perante a Dirección Xeral de Investigación e Desenvolvemento, achegando, se é o caso, a documentación necesaria. Transcorrido este prazo sen que se corrixan as causas de exclusión, procederase consonte o establecido no artigo 71 da Lei 30/1992, modificada pola Lei 4/1999.
Artigo 6º.-Avaliación, selección das solicitudes e resolución.
A avaliación científico-técnica dos méritos dos candidatos será realizada por comités constituídos por expertos externos, de acordo cos seguintes criterios:
-Contribución científico-técnica dos candidatos na súa área temática e área de coñecemento: ata 70 puntos. Valoraranse os seguintes aspectos: as publicacións científicas preferentemente recollidas no Science Citation Index (SCI), no Social Sciences Citation Index (SSCI) ou no Arts & Humanities Citation Index (AHCI); patentes rexistradas; artigos en congresos con avaliación estrita; proxectos técnicos, se é o caso; outras publicacións científicas; etc. Darase especial relevancia ás contribucións realizadas nos últimos cinco anos.
-Outros aspectos: ata 10 puntos. Valoraranse outros méritos do candidato.
No caso de que un solicitante concorra por dúas áreas temáticas ANEP diferentes poderá ser avaliado por dous comités diferentes e polo tanto poderá obter diferentes puntuacións para cada área.
Realizada a avaliación, a selección dos candidatos será efectuada pola Comisión de Selección de Investigación, consonte o baremo seguinte:
-Avaliación científico-técnica do candidato realizada polos expertos externos: ata 80 puntos.
-Estadías en centros de investigación, perfil do candidato e a súa adecuación ás prioridades do Plan Galego de Investigación, Desenvolvemento e Innovación Tecnolóxica: ata 20 puntos.
A Comisión de Selección de Investigación determinará a distribución das prazas dentro de cada área ANEP, tendo en conta a oferta de prazas, a demanda delas e o interese para o sistema galego de I+D.
Efectuada a selección, a comisión elevaralle a proposta de resolución ao conselleiro de Innovación, Industria e Comercio para que resolva. Esta resolución publicarase no DOG.
O prazo máximo para resolver as solicitudes presentadas ao abeiro da correspondente convocatoria será de 6 meses, contados desde a apertura do prazo de presentación de solicitudes. De non mediar resolución expresa no devandito prazo, as solicitudes deberán entenderse desestimadas.
Contra as resolucións expresas ou presuntas que poñen fin á vía administrativa poderán os interesados interpoñer potestativamente recurso de reposición ante o conselleiro de Innovación, Industria e Comercio no prazo dun mes contado a partir do día seguinte ao de recepción da correspondente notificación no caso de resolucións expresas. No caso de que a resolución se entenda desestimatoria por silencio administrativo, o prazo será de tres meses contados a partir do día seguinte a aquel en que se produza o acto presunto.
De non estimaren a presentación deste recurso, poderán os interesados interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses que se contarán a partir do día seguinte ao de recepción da correspondente notificación, se a resolución é expresa. No caso de que a resolución se entenda desestimada por silencio administrativo, o prazo será de seis meses contados a partir do día seguinte a aquel en que se produza o acto presunto.
Artigo 7º.-Formalización dos contratos.
Publicada a resolución no DOG, a Dirección Xeral de Investigación e Desenvolvemento iniciará os trámites necesarios para a formalización do contrato correspondente co Centro de Cultivos Mariños de Ribadeo. Pola súa parte as universidades galegas e o CSIC procederán a realizar os trámites necesarios para a contratación dos candidatos seleccionados para os seus organismos consonte o previsto no convenio de colaboración asinado entre a Consellería de Innovación, Industria e Comercio, as universidades galegas e o CSIC.
Os pagamentos que se realizarán ás universidades do sistema universitario de Galicia e ao CSIC por parte da Consellería de Innovación, Industria e Comercio axustaranse ao disposto no devantido convenio.
Artigo 8º.-Obrigas dos beneficiarios e seguimento.
1. Os contratos financiados con cargo a esta convocatoria serán incompatibles coa vixencia de calquera outro contrato laboral por parte do investigador contratado.
2. Os investigadores que sexan contratados ao abeiro do disposto nesta orde poderán, por petición propia, prestar colaboracións complementarias tales como tarefas docentes, neste último caso ata un máximo de cento vinte horas anuais, tras o acordo do departamento implicado, que documentará debidamente a dita colaboración para os efectos de concurso e respectando a normativa vixente de incompatibilidades.
Santiago de Compostela, 22 de marzo de 2004.
Juan Rodríguez Yuste
Conselleiro de Innovación, Industria e Comercio
ANEXO II
Solicitudes de prazas do programa Isidro Parga Pondal
PRAZA ORGANISMO ÁREA TEMÁTICA ÁREA COÑECEMENTO PERFIL DEPARTAMENTO/CENTRO/INSTITUTO LOCALIDADE
QUÍMICA ORGANOMETÁLICA
P-001 XUNTA DE GALICIA BIOLOXÍA VEXETAL E ANIMAL, ECOLOXÍA BIOLOXÍA ANIMAL -MOLUSCOS-MIDROALGAS CENTRO DE INVESTIGACIÓNS MARIÑAS (CIMA), PLANTA DE CULTIVOS MARIÑOS RIBADEO
P-002 CSIC AGRICULTURA PRODUCCIÓN VEXETAL BIODIVERSIDADE AGRÍCOLA MISIÓN BIOLÓXICA DE GALICIA PONTEVEDRA
P-003 CSIC GANDERÍA E PESCA PATOLOXÍA ANIMAL PATOLOXÍA EN ACUICULTURA INSTITUTO DE INVESTIGACIÓNS MARIÑAS VIGO
P-004 USC QUÍMICA QUÍMICA ORGÁNICA QUÍMICA BIOLÓXICA DPTO. QUÍMICA ORGÁNICA-FAC. QUÍMICA SANTIAGO DE C.
P-005 USC QUÍMICA QUÍMICA ORGÁNICA QUÍMICA ORGÁNICA DE BIOMOLÉCULAS DPTO. QUÍMICA ORGÁNICA-FAC. QUÍMICA SANTIAGO DE C.
P-006 USC QUÍMICA QUÍMICA FÍSICA NANOMATERIAIS POLIMÉRICOS INSTITUTO TECNOLÓXICO SANTIAGO DE C.
P-007 USC QUÍMICA -QUÍMICA INORGÁNICA QUÍMICA BIOINORGÁNICA
DPTO. QUÍMICA INORGÁNICA-FAC. QUÍMICA SANTIAGO DE C.
P-008 USC QUÍMICA QUÍMICA INORGÁNICA QUÍMICA MOLECULAR E DOS MATERIAIS DPTO. QUÍMICA INORGÁNICA-FAC. QUÍMICA SANTIAGO DE C.
P-009 USC MEDICINA MEDICINA LEGAL E FORENSE -XENÉTICA FORENSE-BIOLOXÍA MOLECULAR DPTO. MEDICINA LEGAL-FAC. MEDICINA SANTIAGO DE C.
P-010 USC MEDICINA ANATOMÍA PATOLÓXICA -BIOTECNOLOXÍA DA DIFERENCIACIÓN CELULAR-NEUROCIENCIA DPTO. CIENCIAS MORFOLÓXICAS-FAC. MEDICINA SANTIAGO DE C.
P-011 USC MEDICINA PARASITOLOXÍA -PARASITOLOXÍA MOLECULAR-PARASITOLOXÍA EXPERIMENTAL DPTO. MICROBIOLOXÍA E PARASITOLOXÍA-FAC. MEDICINA SANTIAGO DE C.
P-012 USC FISIOLOXÍA E FARMACOLOXÍA FARMACIA E TECNOLOXÍA FARMACÉUTICA TECNOLOXÍA FARMACÉUTICA INSTITUTO DE FARMACIA INDUSTRIAL -FAC. FARMACIA SANTIAGO DE C.
P-013 USC FISIOLOXÍA E FARMACOLOXÍA FISIOLOXÍA NEUROENDROCRINOLOXÍA DPTO. FISIOLOXÍA-FAC. FARMACIA SANTIAGO DE C.
P-014 USC FISIOLOXÍA E FARMACOLOXÍA FARMACOLOXÍA FARMACOLOXÍA DO SISTEMA CARDIOVASCULAR DPTO. FARMACOLOXÍA-FAC. FARMACIA SANTIAGO DE C.
P-015 USC FISIOLOXÍA E FARMACOLOXÍA NUTRICIÓN E BROMATOLOXÍA BROMATOLOXÍA DPTO. QUÍMICA ANALÍTICA, NUTRICIÓN E BROMATOLOXÍAFAC. FARMACIA SANTIAGO DE C.
P-016 USC GANDERÍA E PESCA PATOLOXÍA ANIMAL VIROLOXÍA EN ACUICULTURA INSTITUTO DE ACUICULTURA SANTIAGO DE C.
P-017 USC FÍSICA E CIENCIAS DO ESPAZO FÍSICA ATÓMICA, MOLECULAR E NUCLEAR ESTRUTURA NUCLEAR EXPERIMENTAL DPTO. FÍSICA DE PARTÍCULAS-FAC. FÍSICA SANTIAGO DE C.
P-018 USC FÍSICA E CIENCIAS DO ESPAZO FÍSICA TEÓRICA FÍSICA DE ASTROPARTÍCULAS DPTO. FÍSICA DE PARTÍCULAS-FAC. FÍSICA SANTIAGO DE C.
P-019 USC FÍSICA E CIENCIAS DO ESPAZO ASTRONOMÍA ASTROMETRÍA DPTO. MATEMÁTICA APLICADA OBSERVATORIO ASTRONÓMICO SANTIAGO DE C.
PRAZA ORGANISMO ÁREA TEMÁTICA ÁREA COÑECEMENTO PERFIL DEPARTAMENTO/CENTRO/INSTITUTO LOCALIDADE
P-020 USC FÍSICA E CIENCIAS DO ESPAZO ÓPTICA ÓPTICA TEMPORAL DPTO. FÍSICA APLICADA-FAC. FÍSICA SANTIAGO DE C.
P-021 USC FÍSICA E CIENCIAS DO ESPAZO FÍSICA DA MATERIA CONDENSADA ESTUDO DE MATERIAIS E MICROAGREGADOS CON TÉCNICAS DE SIMULACIÓN DPTO. FÍSICA DA MATERIA CONDENSADA-FAC. FÍSICA SANTIAGO DE C.
P-022 USC CIENCIA E TECNOLOXÍA DOS MATERIAIS MATERIAIS MAGNETISMO DE MATERIAIS DPTO. FÍSICA APLICADA-FAC. FÍSICA SANTIAGO DE C.
P-023 USC TECNOLOXÍA ELECTRÓNICA E DAS COMUNICACIÓNS ELECTRÓNICA ELECTRÓNICA PARA TRATAMENTO DE IMAXES DPTO. ELECTRÓNICA E COMPUTACIÓN-FAC. FÍSICA SANTIAGO DE C.
P-024 USC CIENCIAS DA COMPUTACIÓN E TECNOLOXÍA INFORMÁTICA ARQUITECTURA E TECNOLOXÍA DE COMPUTADORES DESEÑO DE PROCESADORES E SISTEMAS DPTO. ELECTRÓNICA E COMPUTACIÓN-FAC. FÍSICA SANTIAGO DE C.
P-025 USC BIOLOXÍA VEXETAL E ANIMAL, ECOLOXÍA BIOLOXÍA VEXETAL SINALIZACIÓN HORMONAL NOS PROCESOS DE CRECEMENTO DE PLANTAS DPTO. FISIOLOXÍA VEXETAL-FAC. BIOLOXÍA SANTIAGO DE C.
P-026 USC BIOLOXÍA CELULAR, MOLECULAR E XENÉTICA XENÉTICA XENÉTICA DE PEIXES INSTITUTO DE ACUICULTURA SANTIAGO DE C.
P-027 USC BIOLOXÍA CELULAR, MOLECULAR E XENÉTICA MICROBIOLOXÍA ENXEÑARÍA XENÉTICA EN LÉVEDOS DPTO. MICROBIOLOXÍA E PARASITOLOXÍA-FAC. BIOLOXÍA SANTIAGO DE C.
P-028 USC BIOLOXÍA CELULAR, MOLECULAR E XENÉTICA BIOLOXÍA CELULAR BIOLOXÍA DO DESENVOLVEMENTO DPTO. BIOLOXÍA CELULAR E ECOLOXÍA-FAC. BIOLOXÍA SANTIAGO DE C.
P-029 USC BIOLOXÍA CELULAR, MOLECULAR E XENÉTICA BIOLOXÍA CELULAR ENDROCRINOLOXÍA MOLECULAR DPTO. MEDICINA-FAC. MEDICINA SANTIAGO DE C.
P-030 USC AGRICULTURA PRODUCCIÓN VEXETAL SISTEMAS SILVOPASTORAIS INSTITUTO IBADER LUGO
P-031 USC AGRICULTURA EDAFOLOXÍA E QUÍMICA AGRÍCOLA XEOQUÍMICA DE SOLOS DPTO. EDAFOLOXÍA E QUÍMICA AGRÍCOLA-FAC. BIOLOXÍA SANTIAGO DE C.
P-032 USC AGRICULTURA EDAFOLOXÍA E QUÍMICA AGRÍCOLA PALEOAMBIENTE E PALEOCONTAMINACIÓN DPTO. EDAFOLOXÍA E QUÍMICA AGRÍCOLA-FAC. BIOLOXÍA SANTIAGO DE C.
P-033 USC FILOLOXÍA E FILOSOFÍA LINGUA ESPAÑOLA -LINGÜÍSTICA DE CORPUS-LINGÜÍSTICA COMPUTACIONAL DPTO. LINGUA ESPAÑOLA-FAC. FILOLOXÍA SANTIAGO DE C.
P-034 USC FILOLOXÍA E FILOSOFÍA LINGÜÍSTICA XERAL TEORÍAS E MÉTODOS EN LINGÜÍSTICA DPTO. LITERATURA ESPAÑOLA, TEORÍA DA LITERATURA E LINGÜÍSTICA XERAL-FAC. FILOLOXÍA SANTIAGO DE C.
P-035 USC MATEMÁTICAS ÁLXEBRA ÁLXEBRA DPTO. ÁLXEBRA-FAC. MATEMÁTICAS SANTIAGO DE C.
P-036 USC HISTORIA E ARTE HISTORIA DE AMÉRICA HISTORIA CONTEMPORÁNEA DE AMÉRICA DPTO. HISTORIA CONTEMPORÁNEA E DE AMÉRICA-FAC. XEOGRAFÍA E HISTORIA SANTIAGO DE C.
P-037 USC PSICOLOXÍA E CIENCIAS DA EDUCACIÓN PSICOLOXÍA EVOLUTIVA ADQUISICIÓN E DESENVOLVEMENTO DA LINGUAXE DPTO. PSICOLOXÍA EVOLUTIVA E DA EDUCACIÓN-FAC. PSICOLOXÍA SANTIAGO DE C.
P-038 USC ECONOMÍA FUNDAMENTOS DE ANÁLISES ECONÓMICAS -MACROECONOMÍA-ECONOMÍA MONETARIA INSTITUTO UNIVERSITARIO DE ESTUDOS E DESENVOLVEMENTO DE GALICIA (IDEGA) SANTIAGO DE C.
P-039 UVI FÍSICA E CIENCIAS DO ESPAZO FÍSICA APLICADA FÍSICA APLICADA FACULTADE DE CIENCIAS DO MAR VIGO
P-040 UVI -FÍSICA E CIENCIAS DO ESPAZO-CIENCIAS DA TERRA -FÍSICA DA MATERIA CONDENSADA-FÍSICA DA TERRA, ASTRONOMÍA E ASTROFÍSICA FÍSICA DA ATMOSFERA E DO OCÉANO FACULTADE DE CIENCIAS OURENSE
P-041 UVI CIENCIAS DA TERRA FÍSICA DA TERRA, ASTRONOMÍA E ASTROFÍSICA FÍSICA DA TERRA FACULTADE DE CIENCIAS DO MAR VIGO
P-042 UVI CIENCIAS DA TERRA EXPLOTACIÓN DE MINAS EXPLOTACIÓN DE MINAS ETSE MINAS VIGO
P-043 UVI CIENCIAS DA TERRA ESTRATIGRAFÍA XEOLOXÍA MARIÑA E AMBIENTAL FACULTADE DE CIENCIAS DO MAR VIGO
P-044 UVI CIENCIAS DA TERRA ENXEÑARÍA CARTOGRÁFICA, XEODÉSICA E FOTOGRAVIMÉTRICA -XEO-RADAR, TELEDETECCIÓN-FOTOGRAMETRÍA -EUET FORESTAL-EUET INDUSTRIAL -PONTEVEDRA-VIGO
P-045 UVI QUÍMICA QUÍMICA ANALÍTICA QUÍMICA ANALÍTICA EN TECNOLOXÍA ALIMENTARIA E AMBIENTAL FACULTADE DE CIENCIAS OURENSE
P-046 UVI QUÍMICA QUÍMICA FÍSICA QUÍMICA COLOIDAL FACULTADE DE QUÍMICA VIGO
P-047 UVI QUÍMICA QUÍMICA ANALÍTICA ANÁLISE QUÍMICA DE BIOTOXINAS E CONTAMINANTES FACULTADE DE QUÍMICA VIGO
P-048 UVI TECNOLOXÍA QUÍMICA ENXEÑARÍA QUÍMICA ENXEÑARÍA QUÍMICA FACULTADE DE CIENCIAS OURENSE
P-049 UVI BIOLOXÍA VEXETAL E ANIMAL. ECOLOXÍA ECOLOXÍA ECOLOXÍA ACUÁTICA FACULTADE DE CIENCIAS DO MAR VIGO
P-050 UVI BIOLOXÍA VEXETAL E ANIMAL. ECOLOXÍA BIOLOXÍA VEXETAL BIOTECNOLOXÍA VEXETAL FACULTADE DE BIOLOXÍA VIGO
P-051 UVI BIOLOXÍA VEXETAL E ANIMAL. ECOLOXÍA ECOLOXÍA ECOLOXÍA MARIÑA FACULTADE DE CIENCIAS DO MAR VIGO
P-052 UVI AGRICULTURA EDAFOLOXÍA E QUÍMICA AGRÍCOLA ANTIFÚNXICOS FACULTADE DE CIENCIAS OURENSE
P-053 UVI AGRICULTURA PRODUCIÓN VEXETAL PRODUCIÓN VEXETAL EUET FORESTAL PONTEVEDRA
P-054 UVI CIENCIA E TECNOLOXÍA DOS ALIMENTOS TECNOLOXÍA DOS ALIMENTOS ENXEÑARÍA QUÍMICA FACULTADE DE CIENCIAS OURENSE
P-055 UVI BIOLOXÍA MOLECULAR, CELULAR E XENÉTICA BIOLOXÍA CELULAR NEUROLOXÍA DE VERTEBRADOS FACULTADE DE BIOLOXÍA VIGO
P-056 UVI BIOLOXÍA MOLECULAR, CELULAR E XENÉTICA MICROBIOLOXÍA MICROBIOLOXÍA FACULTADE DE CIENCIAS DO MAR VIGO
P-057 UVI BIOLOXÍA MOLECULAR, CELULAR E XENÉTICA INMUNOLOXÍA INMUNOLOXÍA FACULTADE DE BIOLOXÍA VIGO
P-058 UVI BIOLOXÍA MOLECULAR, CELULAR E XENÉTICA XENÉTICA XENÉTICA EVOLUTIVA MOLECULAR FACULTADE DE BIOLOXÍA VIGO
PRAZA ORGANISMO ÁREA TEMÁTICA ÁREA COÑECEMENTO PERFIL DEPARTAMENTO/CENTRO/INSTITUTO LOCALIDADE
P-059 UVI BIOLOXÍA MOLECULAR, CELULAR E XENÉTICA BIOQUÍMICA E BIOLOXÍA MOLECULAR REPRODUCCIÓN DE MOLUSCOS BIVALVOS FACULTADE DE CIENCIAS DO MAR VIGO
P-060 UVI FISIOLOXÍA E FARMACOLOXÍA FISIOLOXÍA FISIOLOXÍA DE PEIXES FACULTADE DE CIENCIAS DO MAR VIGO
P-061 UVI MEDICINA MEDICINA LEGAL E FORENSE TOXICOLOXÍA FACULTADE DE CIENCIAS OURENSE
P-062 UVI ENXEÑARÍA ELÉCTRICA, ELECTRÓNICA E AUTOMÁTICA TECNOLOXÍA ELECTRÓNICA CONVERTEDORES ELECTRÓNICOS DE POTENCIA ETSE INDUSTRIAIS VIGO
P-063 UVI ENXEÑARÍA ELÉCTRICA, ELECTRÓNICA E AUTOMÁTICA ENXEÑARÍA DE SISTEMAS E AUTOMÁTICA CONTROL NON LINEAL ETSE INDUSTRIAIS VIGO
P-064 UVI ENXEÑARÍA ELÉCTRICA, ELECTRÓNICA E AUTOMÁTICA TECNOLOXÍA ELECTRÓNICA DESEÑO DE SISTEMAS DIXITAIS ETSE INDUSTRIAIS VIGO
P-065 UVI ENXEÑARÍA ELÉCTRICA, ELECTRÓNICA E AUTOMÁTICA -TECNOLOXÍA ELECTRÓNICA-ELECTRÓNICA-ENXEÑARÍA DE SISTEMAS E AUTOMÁTICA-ENXEÑARÍA ELÉCTRICA REDES ELÉCTRICAS ETSE INDUSTRIAIS VIGO
P-066 UVI MATEMÁTICAS ESTATÍSTICA E INVESTIGACIÓN OPERATIVA INFERENCIA ESTATÍSTICA FACULTADE DE CIENCIAS ECONÓMICAS E EMPRESARIAS VIGO
P-067 UVI MATEMÁTICAS MATEMÁTICA APLICADA ÁLXEBRA HOMOLÓXICA EUET FORESTAL PONTEVEDRA
P-068 UVI TECNOLOXÍA ELECTRÓNICA E DAS COMUNICACIÓNS TEORÍA DO SINAL E DAS COMUNICACIÓNS PROCESAMENTO MULTIMEDIA ETSE TELECOMUNICACIÓNS VIGO
P-069 UVI ECONOMÍA ECONOMÍA APLICADA DISTRIBUCIÓN DA RENDA E MERCADO LABORAL FACULTADE DE CIENCIAS ECONÓMICAS E EMPRESARIAIS VIGO
P-070 UVI ECONOMÍA ECONOMÍA APLICADA ECONOMÍA DOS RECURSOS NATURAIS E AMBIENTAIS FACULTADE DE CIENCIAS ECONÓMICAS E EMPRESARIAIS VIGO
P-071 UVI ECONOMÍA ECONOMÍA APLICADA ECONOMÍA DA ENERXÍA E DO AMBIENTE FACULTADE DE CIENCIAS ECONÓMICAS E EMPRESARIAIS VIGO
P-072 UVI FILOLOXÍA E FILOSOFÍA FILOLOXÍA INGLESA VARIACIÓN LINGÜÍSTICA E CARACTERIZACIÓN TEXTUAL FACULTADE DE FILOLOXÍA E TRADUCCIÓN VIGO
P-073 UVI FILOLOXÍA E FILOSOFÍA LINGÜÍSTICA XERAL -GRAMÁTICA COGNITIVA E FUNCIONAL-LINGUAS SIGNADAS FACULTADE DE FILOLOXÍA E TRADUCCIÓN VIGO
P-074 UDC TECNOLOXÍA QUÍMICA ENXEÑARÍA QUÍMICA TRATAMENTO DE MATERIAIS FACULTADE DE CIENCIAS A CORUÑA
P-075 UDC DEREITO FILOSOFÍA DO DEREITO CODIGOS DEONTOLÓXICOS EN EXERCICIOS PROFESIONAIS FACULTADE DE DEREITO A CORUÑA
P-076 UDC DEREITO DEREITO ECLESIÁSTICO DO ESTADO MEDIACIÓN FAMILIAR FACULTADE DE DEREITO A CORUÑA
P-077 UDC DEREITO DEREITO PROCESUAL A REFORMA DA XUSTIZA PENAL FACULTADE DE DEREITO A CORUÑA
P-078 UDC CC. SOCIAIS COMUNICACIÓN AUDIOVISUAL E PUBLICIDADE ANÁLISE DA OPINIÓN PÚBLICA E DA OPINIÓN PUBLICADA LABORATORIO TECNOLÓXICO DE PROSPECCIÓN SOCIAL-EDIFICIO DE INVESTIGACIÓN A CORUÑA
P-079 UDC DEREITO FILOSOFÍA DO DEREITO POSITIVISMO XURÍDICO FACULTADE DE DEREITO A CORUÑA
P-080 UDC BIOLOXÍA MOLECULAR, CELULAR E XENÉTICA XENÉTICA CARDIOLOXÍA INSTITUTO DE CIENCIAS DA SAÚDE A CORUÑA
P-081 UDC MEDICINA ANATOMÍA PATOLOXÍA ARTICULAR LABORATORIO DE INVESTIGACIÓN (ÁREA DE MORFOLOXÍA)-HOSPITAL UNIVERSITARIO JUAN CANALEJO A CORUÑA
P-082 UDC FISIOLOXÍA E FARMACOLOXÍA FISIOLOXÍA ENDOCRINOLOXÍA UNIDADE DE INVESTIGACIÓN FACULTADE DE CIENCIAS DA SAÚDE A CORUÑA
P-083 UDC FISIOLOXÍA E FARMACOLOXÍA FISIOLOXÍA/NEUROFISIOLOXÍA NEUROFISIOLOXÍA DPTO. MEDICINA-FAC. DE CIENCIAS DA SAÚDE A CORUÑA
P-084 UDC MEDICINA MEDICINA ENFERMIDADES DEXENERATIVAS EDIFICIO UNIVERSITARIO DE OZA A CORUÑA
P-085 UDC MEDICINA MEDICINA XENÓMICAS INSTITUTO DE CIENCIAS DA SAÚDE A CORUÑA
P-086 UDC ENXEÑARÍA CIVIL E ARQUITECTURA ENXEÑARÍA HIDRÁULICA ENXEÑERÍA DO TERREO MODELIZACIÓN HIDROXEOQUÍMICA ETSE DE CAMIÑOS, CANLES E PORTOS A CORUÑA
P-087 UDC CC. DA COMPUTACIÓN E TECNOLOXÍA INFORMÁTICA COMPUTACIÓN E INTELIXENCIA ARTIFICIAL REDES NEURONAIS ESCOLA POLITÉCNICA SUPERIOR FERROL
P-088 UDC CC. DA COMPUTACIÓN E TECNOLOXÍA INFORMÁTICA COMPUTACIÓN E INTELIXENCIA ARTIFICIAL AXENTES AUTÓNOMOS ESCOLA POLITÉCNICA SUPERIOR FERROL
P-089 UDC CC. DA COMPUTACIÓN E TECNOLOXÍA INFORMÁTICA ENXEÑARÍA DE SISTEMAS E AUTOMÁTICA ROBÓTICA INSTITUTO DE CIENCIAS DA SAÚDE A CORUÑA
P-090 UDC CC. DA COMPUTACIÓN E TECNOLOXÍA INFORMÁTICA CC. DA COMPUTACIÓN E INTELIXENCIA ARTIFICIAL MICROARRAYS IMEDIR. EDIFICIO DOS SERV. CENTRAIS DE INVESTIGACIÓN A CORUÑA
P-091 UDC ENXEÑARÍA MECÁNICA, NAVAL E AERONÁUTICA ENXEÑERÍA MECÁNICA APLICACIÓNS DE LÁSERES CENTRO DE INVESTIGACIÓN TECNOLÓXICA FERROL
P-092 UDC PSICOLOXÍA E CC. DA EDUCACIÓN PSICOLOXÍA EVOLUTIVA E DA EDUCACIÓN PSICOLOXÍA DA APRENDIZAXE DA LECTURA DPTO. DE PSICOLOXÍA EVOLUTIVA E DA EDUCACIÓN-FAC. DE CIENCIAS DA EDUCACIÓN A CORUÑA
P-093 UDC FILOLOXÍA E FILOSOFÍA FILOLOXÍA INGLESA LINGÜÍSTICA HISTÓRICA INGLESA DPTO. DE FILOLOXÍA INGLESA-FAC. DE FILOLOXÍA A CORUÑA
P-094 UDC PSICOBIOLOXÍA E CIENCIAS DA EDUCACIÓN PSICOLOXÍA NEUROCIENCIA COGNITIVA DPTO. DE PSICOLOXÍA-FAC. DE CIENCIAS DA EDUCACIÓN A CORUÑA
P-095 UDC QUÍMICA QUÍMICA INORGÁNICA MATERIAIS POLIMÉRICOS DPTO. DE QUÍMICA FUNDAMENTAL FAC. DE CIENCIAS A CORUÑA
P-096 UDC BIOLOXÍA VEXETAL E ANIMAL, ECOLOXÍA BOTÁNICA BOTÁNICA MARIÑA DPTO. BIOLOXÍA ANIMAL, VEXETAL E ECOLOXÍA-LABORATORIO DE ALGAS MARIÑAS A CORUÑA
P-097 UDC QUÍMICA QUÍMICA INORGÁNICA QUÍMICA ORGANOMETÁLICA FACULTADE DE CIENCIAS A CORUÑA
P-098 UDC BIOLOXÍA VEXETAL E ANIMAL, ECOLOXÍA ZOOLOXÍA RECURSOS MARIÑOS E ECOSISTEMAS COSTEIROS DPTO. DE BIOLOXÍA ANIMAL, VEXETAL E ECOLOXÍA-FAC. DE CIENCIAS A CORUÑA
PRAZA ORGANISMO ÁREA TEMÁTICA ÁREA COÑECEMENTO PERFIL DEPARTAMENTO/CENTRO/INSTITUTO LOCALIDADE
P-099 UDC QUÍMICA QUÍMICA ORGÁNICA QUÍMICA DE PRODUCTOS NATURAIS FACULTADE DE CIENCIAS A CORUÑA
P-100 UDC BIOLOXÍA MOLECULAR, CELULAR E XENÉTICA BIOLOXÍA CELULAR SISTEMA NERVIOSO DE PEIXES DPTO DE BIOLOXÍA CELULAR E MOLECULAR-FAC. DE CIENCIAS A CORUÑA
P-101 UDC QUÍMICA QUÍMICA ORGÁNICA SÍNTESE FACULTADE DE CIENCIAS A CORUÑA
P-102 UDC AGRICULTURA EDAFOLOXÍA E QUÍMICA AGRÍCOLA FÍSICA, QUÍMICA E BIOLOXÍA DO SOLO FACULTADE DE CIENCIAS A CORUÑA
P-103 UDC QUÍMICA QUÍMICA ANALÍTICA ANÁLISE DE MOSTRAS SÓLIDAS DPTO. DE QUÍMICA ANALÍTICA-FAC. DE CIENCIAS A CORUÑA
P-104 UDC QUÍMICA QUÍMICA ORGÁNICA QUÍMICA SUPRAMOLECULAR FACULTADE DE CIENCIAS A CORUÑA
P-105 UDC QUÍMICA QUÍMICA FÍSICA FOTOQUÍMICA FACULTADE DE CIENCIAS A CORUÑA
P-106 UDC QUÍMICA QUÍMICA ORGÁNICA QUIMICA ORGANOMETÁLICA FACULTADE DE CIENCIAS A CORUÑA
P-107 UDC QUÍMICA QUÍMICA INORGÁNICA QUÍMICA DO ESTADO SÓLIDO E MATERIAIS FACULTADE DE CIENCIAS A CORUÑA
P-108 UDC CIENCIAS DA TERRA XEODINÁMICA ANÁLISE DE MINERAIS INSTITUTO DE XEOLOXÍA A CORUÑA
