Vista a acta da revisión salarial para os anos 2003 e 2004 do convenio colectivo da empresa Alonarti Envases, S.A. (centro de Vigo), con número de código 3602992, que tivo entrada nesta delegación provincial o día 17-2-2004, subscrita en representación da parte económica pola representación da empresa, e da parte social polo comité de empresa, con data do 5-2-2004. De conformidade co disposto no artigo 30 do convenio colectivo e no artigo 90.2º e 3º,

do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores; Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordenar a súa inscrición no libro de rexistro de convenios colectivos de traballo, existente nesta delegación provincial, e a notificación ás representacións económica e social da comisión negociadora.

Segundo.-Ordenar o seu depósito no Servizo de Relacións Laborais, Sección de Mediación, Arbitraxe e Conciliación.

Terceiro.-Dispoñer a súa publicación no Diario Oficial de Galicia.

Vigo, 24 de febreiro de 2004.

Joaquín Macías Sánchez

Delegado provincial de Vigo

Acta de revisión salarial para 2004

Asistentes:

Empresa:

Javier Freitas

Juan Ferradás

Traballadores:

Dolores Miguéns Castro

Vanesa Díaz Mariño

Alberto González Docampo

Antonio Piñeiro Pérez

Rubén Alonso González

En Vigo, ás 17.00 horas do 5 de febreiro de 2004, reúnense a representación da empresa sinalada co comité de Alonarti Envases, S.A. (centro de Vigo), coa asistencia que á marxe se cita e a seguinte orde do día.

1. Revisión salarial de 2003.

Intervén en primeiro lugar a representación empresarial para manifestar que a inflación acumulada en decembro do ano 2003 se publicou cun valor do 2,6%.

Tendo en conta que, segundo o pactado no convenio colectivo, a referencia para realizar unha revisión salarial se fixou no 2%, procede realizar unha revisión sobre as táboas vixentes en 31-12-2002 do 0,6%. Desta forma, a táboa salarial de 2003 increméntase ata o 3,1% que é o resultado de lle sumar ao 2,5% pactado o 0,6% revisado.

Esta actualización de salarios terá efectos sobre os meses de outubro, novembro e decembro, que son os meses en que se superou o acumulado de referencia do 2%. Xúntase táboa cos IPC acumulados de cada mes do ano 2003.

Procederase á liquidación dos atrasos por diferencia deses meses nunha paga a mediados deste mes de febreiro.

Xúntanse as novas táboas salariais e acórdase a súa remisión á Consellería de Asuntos Sociais, Emprego e Relacións Laborais para o seu rexistro.

De igual forma revísanse tamén os seguintes valores e complementos:

Novo valor efectos outubro 2003

Artigo 6º.-X. nocturna19,329 A e 17,505 A

Artigo 12º.-H. extras3,096 A e 12,390 A

Artigo 19º.-A. escolar19,213 A

Artigo 20º.-A. minusvalidez134,988 A

Sen máis asuntos que tratar, levántase a sesión ás 18.00 horas do día da data arriba indicada.

Alonarti Envases, S.A. 2003 + 3,1% = (2,5% + rev.0,6%) actualización da táboa en decembro 2003 para a revisión salarial en xaneiro 2004

Alonarti Envases, S.A. 2003 + 3,1% (2,5% + rev. 0,6%)

Alonarti Envases, S.A. 2003 + 3,1% (2,5% + rev. 0,6%)

Ano 2003 en euros + 3,1% coa revisión en decembro 2003