Mediante Resolución do 2 de xaneiro de 2004, por parte da Dirección Xeral de Transportes procedíase a convocar probas para a obtención do certificado de capacitación profesional para o exercicio da actividade de transportista por estrada, axencia de transportes, transitario e almacenista-distribuidor, fixándose nela a data para a realización dos correspondentes exercicios. Como consecuencia de circunstancias sobrevidas e para un mellor desenvolvemento das citadas probas, esta dirección xeral
RESOLVE:
Modificar a data fixada na Resolución do 2 de xaneiro de 2004, para a realización dos exercicios de obtención do certificado de capacitación profesional para o exercicio da actividade de transportista por estrada, axencia de transportes, transitario e almacenista-distribuidor, fixando como data de realización dos citados exercicios o 24 de abril de 2004. Mantéñense invariables os horarios e o lugar de celebración.
Santiago de Compostela, 22 de marzo de 2004.
Valeriano Martínez García
Director xeral de Transportes