Con data do 26 de xaneiro de 2004, a Subdirección Xeral de Estradas da Consellería de Política Territorial, Obras Públicas e Vivenda proponlle ó Concello de Oleiros o cambio de titularidade do treito da estrada AC-173 afectado polo proxecto de adecuación ambiental do bordo marítimo de Mera.

Con data 29 de xaneiro de 2004 o alcalde de Oleiros manifesta a súa conformidade coa proposta da Subdirección Xeral de Estradas.

Con data do 3 de marzo de 2004 asinouse o acordo para o cambio de titularidade da travesía de Mera entre o alcalde-presidente do Concello de Oleiros e o conselleiro de Política Territorial, Obras Públicas e Vivenda.

Conforme o sinalado no artigo 5 da Lei 4/1994, do 14 de setembro, de estradas de Galicia, tras o acordo entre as administracións afectadas, por proposta do conselleiro de Política Territorial, Obras Públicas e Vivenda e logo de deliberación da Xunta de Galicia en reunión do día once de marzo de dous mil catro,

DISPÓN:

Artigo 1º

O cambio de titularidade a prol do Concello de Oleiros da travesía de Mera na estrada autonómica AC-173 Perillo (N-VI)-Mera (AC-163) que comeza no p.k. 9,352 e remata no p.k. 9,855, lugar que pola súa vez marca a fin da estrada AC-173 e o inicio da estrada AC-163.

Artigo 2º

Unha vez realizado o cambio de titularidade, corresponderanlle ao Concello de Oleiros todas as actividades de xestión, mantemento, conservación e explotación das vías.

Disposición derradeira

O presente decreto entrará en vigor o día seguinte ao da súa publicación no Diario Oficial de Galicia.

Santiago de Compostela, once de marzo de dous mil catro.

Manuel Fraga Iribarne

Presidente

Alberto Núñez Feijoo

Conselleiro de Política Territorial, Obras Públicas

e Vivenda